2023 წლის 5 სექტემბერს ნიჟნეკამსკის საქალაქო სასამართლომ (თათრეთის რესპუბლიკა) დამნაშავედ ცნო დენის ფილატოვი, სტანისლავ კლიუჩნიკოვი და დიმიტრი იარჩაკი და ყველა მათგანს ექვსი წლით პირობითი სასჯელი შეუფარდა. მათთვის გამოტანილი სასჯელი არ ითვალისწინებს თავისუფლების აღკვეთას.

1. 2020 წლის 18 ნოემბერი

   ფე-ეს-ბეს თანამშრომლებმა და შეიარაღებულმა პოლიციის ოფიცრებმა ქალაქ ნიჟნეკამსკში 12 იეჰოვას მოწმის ბინაში მოაწყეს ჩხრეკა. 9 ძმა და 3 და დასაკითხად განყოფილებაში გადაიყვანეს.

2. 2021 წლის 24 აგვისტო

   დენისს, სტანისლავს და დიმიტრის გადაადგილების შეზღუდვა დაუწესეს.

3. 2021 წლის 7 ოქტომბერი

   დენისს, სტანისლავს და დიმიტრის ოფიციალურად წაუყენეს ბრალი. მათ ბრალად ედებათ რელიგიური სიმღერების მღერა და ლოცვების წარმოთქმა.

4. 2022 წლის 27 იანვარი

   საქმე გადაეცა ნიჟნეკამსკის საქალაქო სასამართლოს.

ძალიან გვიხარია, რომ ჩვენი ძმები კვლავაც იეჰოვაზე ამყარებენ იმედს. ბუნებრივია, მათაც იგივე გრძნობები ეუფლებათ, რაც ფსალმუნმომღერალს, რომელმაც თქვა: „მჯერა, რომ ღმერთია ჩემთან“ (ფსალმუნი 56:9).