2024 წლის 29 იანვარს შუიას საქალაქო სასამართლომ (ივანოვოს ოლქი) გამამტყუნებელი განაჩენი გამოიტანა ალექსეი არხიპოვის, დიმიტრი და ელენა მიხაილოვების, სვეტლანა რიჟკოვას და სვეტლანა შიშინას საქმეზე. მათ დაეკისრათ ფულადი ჯარიმა 350 000 რუბლის (3 920$), 950 000 რუბლის (10 640$), 560 000 რუბლის (6 270$), 480 000 რუბლის (5 380$) და 400 000 რუბლის (4 480$) ოდენობით.

1. 2017 წლის 21 სექტემბერი

   მოსამართლემ ნებართვა გასცა, რომ განხორციელებულიყო მიხაილოვების სატელეფონო საუბრების ფარული მოსმენა.

2. 2018 წლის 15 იანვარი

   მოსამართლემ ნებართვა გასცა, რომ განხორციელებულიყო სვეტლანა რიჟკოვას სატელეფონო საუბრების ფარული მოსმენა და ვიდეოთვალთვალი.

3. 2018 წლის 20 აპრილი

   სამართალდამცავებმა ხუთივე იეჰოვას მოწმის სახლში მოაწყეს ჩხრეკა.

4. 2018 წლის 29 მაისი

   სამართალდამცავებმა დააკავეს დიმიტრი და მის წინააღმდეგ საქმე აღძრეს ექსტრემისტული ორგანიზაციის საქმიანობის დაფინანსების ბრალდებით. ის დროებითი მოთავსების იზოლატორში გადაიყვანეს.

5. 2018 წლის 22 ივნისი

   საქმე აღიძრა ალექსეის წინააღმდეგ. მას აუკრძალეს ტერიტორიის დატოვება.

6. 2018 წლის 27 ივნისი

   საქმე აღიძრა ელენა მიხაილოვას, სვეტლანა რიჟკოვასა და სვეტლანა შიშინას წინააღმდეგ.

7. 2018 წლის 15 ნოემბერი

   დაახლოებით 6 თვის შემდეგ დიმიტრი დროებითი მოთავსების იზოლატორიდან გაათავისუფლეს.

8. 2021 წლის 10 აგვისტო

   დაიწყო სასამართლო განხილვა.

9. 2021 წლის 16 სექტემბერი

   საქმე პროკურატურას დაუბრუნდა.

10. 2022 წლის 25 მაისი

    განახლდა საქმის განხილვა.

როდესაც ვხედავთ, როგორ გაბედულებასა და ერთგულებას იჩენენ რუსეთში მცხოვრები ჩვენი და-ძმები, თითოეული სიხარულით ვივსებით (1 თესალონიკელები 2:20).