2022 წლის 14 ნოემბერს გეორგიევსკის საქალაქო სასამართლომ (სტავროპოლის მხარე) დამნაშავედ ცნო ანატოლი და ირინა გეზიკები და ვიქტორ ზიმოვსკი. ანატოლის შრომა-გასწორების კოლონიაში ოთხი წლითა და ორი თვით მიუსაჯეს პატიმრობა. ირინას პირობითი სასჯელი შეუფარდეს ოთხი წლითა და ორი თვით. ვიქტორს ექვსი წლითა და ორი თვით მიუსაჯეს პატიმრობა და დაუყოვნებლივ გადაიყვანეს საპატიმროში.

1. 2019 წლის 23 ოქტომბერი

   სამართალდამცავებმა გეორგიევსკში სამი იეჰოვას მოწმის სახლში მოაწყეს ჩხრეკა. მათ ჩვენი და-ძმების სახლებში ყალბი სამხილები დადეს. ანატოლი, ირინა, ვიქტორი და კიდევ რვა იეჰოვას მოწმე დააკავეს და მთელი ღამით დაკითხვას უწყობდნენ.

2. 2019 წლის 30 დეკემბერი

   ანატოლის, ირინასა და ვიქტორის წინააღმდეგ აღიძრა სისხლის სამართლის საქმე.

3. 2020 წლის 23 იანვარი

   ვიქტორი კიდევ ერთხელ გამოიძახეს დაკითხვაზე და განყოფილებაში დატოვეს. მომდევნო დღეს დროებითი მოთავსების იზოლატორში გაგზავნეს.

4. 2020 წლის 23 მარტი

   ვიქტორი შინაპატიმრობაში გადაიყვანეს.

5. 2020 წლის 6 მაისი

   ვიქტორს მოუხსნეს შინაპატიმრობა და გადაადგილების შეზღუდვა დაუწესეს.

6. 2021 წლის 6 ოქტომბერი

   ვიქტორს მოუხსნეს გადაადგილების შეზღუდვა.

7. 2022 წლის 10 მარტი

   დაიწყო სასამართლო საქმე.

გვახარებს, რომ ჩვენი ძვირფასი თანაქრისტიანები სიხარულს და იმედს არ კარგავენ. დარწმუნებული ვართ, „იეჰოვა ახლოს არის ყველასთან, ვინც მას უხმობს“ (ფსალმუნი 145:18).