2018 წლის 20—22 ივლისს საქართველოში მცხოვრებმა და-ძმებმა უმასპინძლეს 18 ქვეყნიდან ჩამოსულ სტუმრებს სპეციალურ კონგრესზე სახელწოდებით „იყავით გაბედულები!“. კონგრესი გაიმართა თბილისში. ეს თეოკრატიული ღონისძიება, რომელიც პირველად ჩატარდა საქართველოში, მართლაც განსაკუთრებული სულიერი ნადიმი იყო. მას გულთბილმა სტუმართმოყვარეობამ და ქვეყნის კულტურული თუ ისტორიული მემკვიდრეობის გაცნობამაც შესძინა ხიბლი.

კონგრესი გაიმართა თბილისში, ოლიმპიურ სასახლეში. დამსწრეთა უმაღლესი რიცხვი იყო 7 002. პროგრამა ტრანსლაციით გადაიცემოდა 80 სხვადასხვა ადგილას ქვეყნის მასშტაბით და მთლიანობაში იგი მოისმინა 21 500-ზე მეტმა ადამიანმა. ერთ-ერთი ღირსშესანიშნავი მოვლენა იყო ნათლობა, რომლის დროსაც მოინათლა 208 ადამიანი.

სულიერი პროგრამის გარდა მასპინძლებმა სტუმრებს გააცნეს ქართული კულტურა. ადგილობრივმა მოწმეებმა წარმოადგინეს ხალხური ცეკვები და სიმღერები; სტუმრებს უმასპინძლეს ტრადიციული კერძებით; მოაწყვეს ექსკურსიები უძველეს ქალაქ თბილისსა და საქართველოს სხვა ისტორიულ მხარეებში.

საქართველოს ფილიალის წარმომადგენელი თამაზ ხუციშვილი აღნიშნავს: „საქართველო ყოველთვის ვერ დაიკვეხნიდა რელიგიის ასეთი თავისუფლებით. დღეს კი, სახელმწიფოსთან წარმატებული თანამშრომლობის შედეგად, შესაძლებლობა მოგვეცა, გულთბილად გვემასპინძლა ჩვენი უცხოელი და-ძმებისთვის და მშვიდობიანად ჩაგვეტარებინა ეს დაუვიწყარი ღონისძიება“ (რომაელები 15:7).