2019 წლის 20 და 21 ივლისს მიხალოვცეს გადახურულ სტადიონზე (სლოვაკეთი) ჩატარდა პირველი ბოშურენოვანი რეგიონული კონგრესი. კონგრესზე, რომლის პროგრამაც შემოკლებული იყო, დამსწრეთა უმაღლესმა რიცხვმა 1 276 შეადგინა. მოინათლა 19 ადამიანი.

და-ძმები შემდეგი ოთხი ქვეყნიდან იყვნენ ჩასულები: ბელგია, დიდი ბრიტანეთი, უკრაინა და ჩეხეთი. მათ ძალიან გაიხარეს, როცა მშობლიურ ენაზე უყურეს ფილმს „იოშია — იეჰოვას მოყვარული და ბოროტების მოძულე მეფე“.

2014 წლის ნოემბერში პირველი ბოშურენოვანი კრების ჩამოყალიბებიდან დაახლოებით ხუთი წლის შემდეგ სლოვაკეთში პირველი რეგიონული კონგრესი გაიმართა. დღესდღეობით ჩეხეთისა და სლოვაკეთის ფილიალის ტერიტორიაზე 9 ბოშურენოვანი კრება, 10 ჯგუფი და 14 წინარე ჯგუფია.

სტადიონის მენეჯერმა, პეტერ ტირპაკმა აღნიშნა: „იეჰოვას მოწმეებთან შესანიშნავად ვითანამშრომლეთ. თქვენ ყოველთვის ასრულებთ დადებულ პირობას. ძალიან გაგვიხარდება, თუ სხვა დროსაც გამოიყენებთ ჩვენს სტადიონს“.

პროგრამის ზედამხედველმა, პეტერ ვარგამ თქვა: „ასეთ კონგრესს არასდროს დავსწრებივარ. ბოშურენოვანი და-ძმებისთვის ეს დაუვიწყარი მოვლენა იყო. ბოლო სიმღერის შემდეგ ყველა ერთმანეთს ეხვეოდა მიუხედავად იმისა, რომ არც კი იცნობდნენ ერთმანეთს. ბევრი მათგანი ცრემლებს ვერ იკავებდა“.

ვუერთდებით სლოვაკეთში მცხოვრები 1 010 ბოშურენოვანი და-ძმის სიხარულს. წლევანდელი კონგრესები იეჰოვას ხალხს შორის არსებული ძმური სიყვარულის კიდევ ერთი დასტურია (იოანე 13:34, 35).