2022 წლის 24 თებერვალს რუსეთი უკრაინაში შეიჭრა. ქვეყანაში 129 000-ზე მეტი იეჰოვას მოწმე ცხოვრობს. ფილიალმა ჩამოაყალიბა დაზარალებულთა დახმარების 27 კომიტეტი, რათა უკრაინელ და-ძმებს ჰუმანიტარული დახმარება მიაწოდონ. ჩვენი თანამორწმუნეები ქრისტიანულ სიყვარულს სხვაგვარადაც ავლენენ. ისინი ყველანაირად ცდილობენ, ამ რთულ დროს მხარში ამოუდგნენ და ანუგეშონ როგორც ერთმანეთი, ისე სხვები.

ჩვენი და-ძმების უმეტესობა უკრაინაში რჩება, თუმცა ზოგმა გადაწყვიტა, სხვა ქვეყნისთვის შეეფარებინა თავი. ქვეყნის საზღვრებთან საკმაოდ დიდი რიგები დგას, ზოგან — დაახლოებით 30 კილომეტრიანი. სწორედ ასეთ რიგებში უწევს ზოგ ჩვენს თანაქრისტიანს სამი-ოთხი დღის მანძილზე ლოდინი. მაუწყებლები რიგში და-ძმებს ეძებენ, ერთმანეთს დახმარების ხელს უწვდიან და წყალს და საკვებს უნაწილებენ. საზღვრის გადაკვეთის შემდეგ მათ იქაური და-ძმები ეგებებიან, რომელთაც ხელში უჭირავთ ბანერები წარწერით jw.org. ისინი მზად არიან დაუყოვნებლივ აღმოუჩინონ თანაქრისტიანებს დახმარება.

• სამწუხაროდ, 1-ელ მარტს ხარკოვის დაბომბვის დროს დაიღუპა ჩვენი ყრუ-მუნჯი ძმა, მისი მეუღლე კი მძიმედ დაშავდა.

• დაშავდა 3 ჩვენი და.

• 5 000-ზე მეტმა მაუწყებელმა დატოვა საცხოვრებელი.

• მთლიანად დაინგრა 2 სახლი.

• სერიოზულად დაზიანდა 3 სახლი.

• მსუბუქად დაზიანდა 35 სახლი.

• დაზიანდა 2 დარბაზი.

• უამრავი და-ძმა დარჩა ელექტროენერგიის, გათბობის, კომუნიკაციისა და სასმელი წყლის გარეშე.

• ჩამოყალიბდა დაზარალებულთა დახმარების 27 კომიტეტი.

• მათ 867 მაუწყებელი უზრუნველყვეს თავშესაფრით.

• ისინი დაზარალებულებს პრაქტიკულ დახმარებას უწევენ და წყალს და საკვებს აწვდიან.

ეს პირველადი მონაცემებია უკრაინიდან.

ვლოცულობთ, რომ ჩვენმა და-ძმებმა კვლავაც შეძლონ გონივრული გადაწყვეტილებების მიღება ამ რთულ ვითარებაში და, ყველაფრის მიუხედავად, ძმური სიყვარული გამოავლინონ ერთმანეთისადმი (იგავები 9:10; 1 თესალონიკელები 4:9).