2020 წლის 23 ნოემბერი
ფილიპინები
ფილიპინებს მორიგი ტაიფუნი „ვამკო“ ატყდება თავს
ადგილმდებარეობა
ლუსონი
სტიქია
2020 წლის 11 ნოემბერს პატნანუნგანს (კესონის პროვინცია) ტაიფუნი „ვამკო“ დაატყდა თავს. ამ ტაიფუნმა, რომელსაც ადგილობრივები „ულისესაც“ უწოდებენ, შემდეგ ლუსონის მხარესაც გადაუარა.
მართალია, ტაიფუნი „ვამკო“ უკვე 21-ე ტროპიკული ციკლონია, რომელიც ამ წელს ფილიპინებს დაატყდა თავს, მაგრამ ამ უკანასკნელმა ყველაზე მასშტაბური დატბორვა გამოიწვია.
დაახლოებით ორი კვირით ადრე ლუსონის მხარეს ტაიფუნი „გონი“ დაატყდა თავს; 2013 წლის შემდეგ ის ერთ-ერთ ყველაზე ძლიერ სტიქიად ითვლებოდა ქვეყანაში.
გადაუღებელი წვიმების გამო დამბებში წყლის დონემ სახიფათო ნიშნულამდე აიწია, რის გამოც ხელისუფლების წარმომადგენლები იძულებული გახდნენ, დამბებიდან წყალი გაეშვათ. შედეგად, ის ტერიტორიებიც დაიტბორა, რომლებიც „ვამკოს“ არ დაუზარალებია.
დაზარალებული და-ძმები
600-ზე მეტ ოჯახს საცხოვრებელი ტერიტორიის დატოვება მოუხდა; ზოგი ოჯახი მაშველების გამოჩენას თავიანთი სახლების სახურავებზე ელოდა.
ერთ ახალგაზრდა ძმას სახე დაუზიანა შუშის ნამსხვრევებმა, რომლებიც ნიაღვარს მოჰქონდა; იგი ამჟამად მკურნალობს.
დაზიანებული შენობები
პირველადი ინფორმაციის საფუძველზე:
დაინგრა, სულ მცირე, 6 სამეფო დარბაზი; დაიტბორა ერთი მთარგმნელობითი ოფისი.
დაზიანდა, სულ მცირე, 20 სახლი.
დაინგრა ერთი სახლი.
დაზარალებულთა დახმარება
სარაიონო ზედამხედველებმა ადგილობრივ უხუცესებთან ერთად ორგანიზება გაუწიეს დაზარალებულთა დახმარებას და ისინი საკვებით, წყლითა და თავშესაფრით უზრუნველყვეს.
ზოგი ოჯახი უკვე დაბრუნდა მშობლიურ მხარეში და დატბორილი სახლების დასუფთავებას შეუდგა.
შეიქმნა დაზარალებულთა დახმარების სამი ახალი კომიტეტი, რომლებიც სტიქიის შედეგად დაზარალებულებს უწევენ დახმარებას.
დაზარალებულთა დახმარების კომიტეტებში მომსახურე ძმები ცდილობენ, დაეხმარონ დაზარალებულებს ისე, რომ მხედველობაში მიიღონ კოვიდ-19-თან დაკავშირებული რეგულაციები.
გვჯერა, რომ ამ მძიმე პერიოდში იეჰოვა მხარში ამოუდგება ჩვენს ძვირფას და-ძმებს. მთელი გულით ველით იმ დროს, როცა იეჰოვას ხალხი მშვიდად და უსაფრთხოდ იცხოვრებს და აღარასდროს ექნება სტიქიის შიში (ფსალმუნი 4:8).