2019 წლის მარტში ფილიპინებში გაჩენილმა ხანძარმა 128 სახლი გადაწვა სამარის კუნძულზე მდებარე ქალაქ კალბაიოგში. თებერვალში რამდენიმე ხანძარი გაჩნდა ლუსონის კუნძულზე, ქალაქ ტაგუიგში. მთლიანობაში, ამ ხანძრების შედეგად, იეჰოვას მოწმეთა 7 სახლი განადგურდა. საცხოვრებელი ადგილიდან ევაკუირებული და-ძმები ამჟამად თავს იმ მოწმეთა სახლებში აფარებენ, რომელთა სახლებიც არ დაზიანებულა.

ფილიალი დაუყოვნებლივ გამოეხმაურა მომხდარს და ორგანიზება გაუწია დაზარალებულებისთვის საკვების, წყლისა და ტანსაცმლის მიწოდებას. ადგილობრივმა უხუცესებმა მოინახულეს დაზარალებული და-ძმები და სათანადო დახმარება აღმოუჩინეს მათ. ადგილობრივი საპროექტო/სამშენებლო განყოფილების მხარდაჭერით, ჩამოყალიბდა სტიქიური უბედურებებით დაზარალებულთა დახმარების 2 კომიტეტი; ისინი ახლა მოსამზადებელ სამუშაოებს ასრულებენ თანაქრისტიანებისთვის სახლების ასაშენებლად.

გვჯერა, რომ იეჰოვა კვლავ გააძლიერებს ხანძრების შედეგად დაზარალებულ და-ძმებს და მათი თავშესაფარი იქნება (ფსალმუნი 62:8).