2021 წლის 29 აგვისტოს ლუიზიანას შტატის სანაპირო ზოლს, ფურჩონის პორტის მახლობლად, მე-4 კატეგორიის ქარიშხალი „იდა“ დაატყდა თავს. ძლიერმა შტორმმა, გადაუღებელმა წვიმამ და ქარიშხალმა წყალდიდობა და ნგრევა გამოიწვია. მოსახლეობა ელექტროენერგიის გარეშე დარჩა. 1 სექტემბერს ჩრდილო-აღმოსავლეთ ნაწილში ქარიშხალსა და ტემპერატურულ ცვლილებას არაერთ ადგილას მოჰყვა წყალდიდობა და ტორნადო. ზოგან ელექტროენერგიის სრულ აღდგენას კვირები დასჭირდება.

• ბოლო ინფორმაციით, არცერთი იეჰოვას მოწმე არ არის გარდაცვლილი.

• სხეულის მსუბუქი დაზიანებები მიიღო ორმა ძმამ.

• საავადმყოფოშია გადაყვანილი ერთი და, რომელიც ევაკუაციის დროს დაშავდა.

• მსუბუქად დაზიანდა 1 429 სახლი.

• სერიოზული ზიანი მიადგა 183 სახლს.

• მთლიანად დაინგრა 19 სახლი.

• მსუბუქად დაზიანდა 43 დარბაზი.

• სერიოზული ზიანი მიადგა 10 დარბაზს.

• მსუბუქად დაზიანდა 4 საკონგრესო დარბაზი.

• სარაიონო ზედამხედველი, ადგილობრივი უხუცესები და დაზარალებულთა დახმარების კომიტეტის წევრები ამხნევებენ დაზარალებულ და-ძმებს.

• ჰუმანიტარული დახმარება მიეწოდება ყველას, ვისაც ეს სჭირდება.

• დაზარალებულთა დახმარება მიმდინარეობს კოვიდ-19 პანდემიასთან დაკავშირებული უსაფრთხოების წესების დაცვით.

ჩვენი და-ძმები მზად იყვნენ მოსალოდნელი სტიქიისთვის და მთავრობის მოთხოვნისთანავე დატოვეს სტიქიის ზონა. ამის წყალობით მრავალი გადაურჩა სიკვდილს (იგავები 22:3).