2021 წლის 13 აგვისტოს, ღამით, არიზონისა და დასავლეთ ტეხასის ზოგიერთი რეგიონი დაიტბორა. თავსხმა წვიმები და წყალდიდობა ქარიშხალმა გამოიწვია. განსაკუთრებული ზიანი მიადგა არიზონაში ქალაქ გილა ბენდს.

• სამწუხაროდ, დაიღუპა ერთი და.

• ზიანი მიადგა 5 სახლს.

• საცხოვრებლის დატოვება მოუწია 3 ოჯახს.

• სარაიონო ზედამხედველი ადგილობრივ უხუცესებთან ერთად ამხნევებს და-ძმებს და დროებითი თავშესაფრის მოძებნაში ეხმარება.

• დაზარალებულთა დახმარება მიმდინარეობს კოვიდ-19 პანდემიასთან დაკავშირებული უსაფრთხოების წესების დაცვით.

ვლოცულობთ მათთვის, ვინც ამ სტიქიამ დააზარალა. გვჯერა, რომ იეჰოვა კვლავაც ანუგეშებს ჩვენი დაღუპული დის ოჯახს (2 კორინთელები 1:3, 4).