ბოლო შვიდი წლის განმავლობაში ჩილეში უკვე მეორედ გაჩნდა ძლიერი ხანძარი. 2023 წლის თებერვლის დასაწყისში ხანძრის 300-ზე მეტი აქტიური კერა იქნა აღმოჩენილი ქვეყნის მასშტაბით. ამ მომენტამდე ვერ მოხერხდა კონტროლის მოპოვება ხანძრის კერების დაახლოებით ერთ მეხუთედზე. ხანძარმა გაანადგურა 430 000 ჰექტარზე მეტი ტერიტორია არაუკანიის, ბიო-ბიოსა და ნუბლეს ცენტრალურ რეგიონებში. სერიოზულად დაზიანდა ქვეყნის ინფრასტრუქტურა, საავტომობილო გზებისა და საავადმყოფოების ჩათვლით. ხანძრის შედეგად დაზარალდა, სულ მცირე, 6 000 ადამიანი და დაინგრა 1 500-ზე მეტი სახლი. ამჟამინდელი მონაცემებით, დაღუპულია 25 ადამიანი.

• არცერთი ჩვენი და-ძმა არ დაღუპულა.

• საცხოვრებლის დატოვება მოუწია 222 მაუწყებელს; მათგან 76 კვლავ ევაკუირებულია.

• დაინგრა 18 სახლი.

• არ დაზიანებულა არცერთი დარბაზი.

• უხუცესები და სარაიონო ზედამხედველები დაზარალებულებს სულიერ დახმარებას უწევენ.

• ჩამოყალიბდა დაზარალებულთა დახმარების კომიტეტი.

ჩვენი და-ძმები დარწმუნებულნი არიან, რომ იეჰოვა, „რომელიც ნებისმიერი გასაჭირის დროს გვანუგეშებს“, ასეთ სიტუაციებში მზრუნველობის გარეშე არ დატოვებს მათ (2 კორინთელები 1:4).