2023 წლის 20 ოქტომბრიდან 5 ნოემბრის ჩათვლით ჩილეს სხვადასხვა ქალაქში პანამერიკული თამაშები გაიმართა. სპორტის სხვადასხვა სახეობაში 46 ქვეყნიდან 6 900­­-ზე მეტმა სპორტსმენმა მიიღო მონაწილეობა. ამავე პერიოდში მოეწყო სპეციალური კამპანია, რომელშიც დაახლოებით 1 500 იეჰოვას მოწმე იყო ჩართული. მათ ხალხმრავალ ადგილებში დადგეს სტენდები, რომლებზეც ლიტერატურა ინგლისურ, პორტუგალიურ და ესპანურ ენებზე იყო განთავსებული. და-ძმებს საშუალება მიეცათ, უამრავ სპორტსმენთან და გულშემატკივართან ექადაგათ.

ერთი ცნობილი სპორტსმენი სტენდთან მივიდა და და-ძმებს უთხრა, რომ მოზარდობისას დედასთან ერთად კრების შეხვედრებს ესწრებოდა. მან აღნიშნა, რომ, მართალია, სპორტულმა კარიერამ ფინანსური წარმატება მოუტანა, მაგრამ ისეთი ბედნიერი მაინც არ იყო, როგორსაც ელოდა. მოწმეებმა მას რამდენიმე გამამხნევებელი აზრის წაუკითხეს ბიბლიიდან, რაზეც მან დიდი მადლიერება გამოხატა.

სტენდთან ერთი პოლიციელიც მივიდა. აღმოჩნდა, რომ ახალგაზრდობაში ისიც ესწრებოდა კრების შეხვედრებს. მან ძმებს უთხრა, რომ მათმა დანახვამ ძველი დრო გაახსენა. ძმებმა მას უთხრეს, თუ სად ტარდებოდა მის საცხოვრებელთან ახლოს კრების შეხვედრები. ბოლოს მან აიღო ბიბლია და ბროშურა „იხარეთ ცხოვრებით მარადიულად!“; ის ბედნიერი იყო, რომ კვლავ შეხვდა იეჰოვას მოწმეებს.

19 წლის გოგო სტენდზე ერთ დას გამოელაპარაკა და უთხრა, რომ სულ ცოტა ხნის წინ ზუსტად იმაზე ილოცა, ვინმე ბიბლიის გაგებაში დახმარებოდა. როცა დამ ბიბლიის შესწავლა შესთავაზა, გოგონა სიხარულით დასთანხმდა. მან იმავე დღეს დაიწყო შესწავლა და მას შემდეგ არ შეუწყვეტია.

ძალიან ვაფასებთ იმ და-ძმების შრომას, რომლებმაც ჩილეში გამართულ კამპანიაში მიიღეს მონაწილეობა. კამპანიის შედეგებიდან ვხედავთ, რომ იეჰოვა არ დაკარგავს, მათ, ვინც მას ეძებს (ესაია 55:6).