გამოსვლა 15:1—27
15 მაშინ მოსემ და ისრაელის ძეებმა იეჰოვას ეს სიმღერა უმღერეს:+
„ვუმღერებ იეჰოვას, რადგან დიდად განდიდდა.+ზღვაში ჩაყარა ცხენი და მხედარი.+
2 ჩემი ძლიერება და ჩემი ძლევამოსილებაა იაჰი*,+ რადგან ის არის ჩემი მხსნელი.+ის არის ჩემი ღმერთი და მე ხოტბას შევასხამ მას,+ მამაჩემის ღმერთი,+ და განვადიდებ მას.+
3 მამაცი მეომარია იეჰოვა.+ იეჰოვაა მისი სახელი.+
4 ზღვაში ჩაყარა ფარაონის ეტლები და მისი ჯარი,+რჩეული მეომრები წითელ ზღვაში ჩაიძირნენ.+
5 აზვირთებულმა წყალმა დაფარა ისინი;+ ქვასავით ჩაეშვნენ სიღრმეში.+
6 იეჰოვა, განთქმულია შენი მარჯვენა,+იეჰოვა, მტერს მუსრავს შენი მარჯვენა.+
7 შენი უსაზღვრო დიდებით ამხობ მათ, ვინც წინ აღგიდგება;+შენი მრისხანებით ნამჯასავით შთანთქავ მათ.+
8 წყალი აზვირთდა შენი ნესტოების სუნთქვით;+გაჩერდა კედლად აღმართული ზვირთები;გამყარდა აზვირთებული წყალი შუა ზღვაში.
9 ამბობდა მტერი, დავედევნები,+ დავეწევიო!+გავყოფ ნაძარცვს+ და აივსება ჩემი სულიო!ვიშიშვლებ მახვილს და მათ ჩემი ხელით გავყრიო!+
10 შენ დაჰკარი შენი სუნთქვით+ და ზღვამ დაფარა ისინი;+ტყვიასავით ჩაიძირნენ აზვირთებულ წყალში.+
11 იეჰოვა, ვინ შეგედრება ღმერთებს შორის?!+ვინ შეგედრება ძლიერს სიწმინდეში,+ვისიც უნდა ეშინოდეთ+ და ადიდებდნენ სიმღერებით,+ ვინც სასწაულებს ახდენს?!+
12 შენ გაიწოდე მარჯვენა+ და მიწამ შთანთქა ისინი.+
13 სიკეთით* წაუძეხი ხალხს, რომელიც გამოისყიდე;+შენი ძლიერებით მიიყვან მათ შენს სამყოფელში.+
14 გაიგებს ხალხი+ და შეშფოთდება;+მშობიარობის ტკივილები+ შეიპყრობს ფილისტიმის მკვიდრთ.
15 მაშინ შეძრწუნდებიან ედომის თავკაცები;კანკალი აიტანს მოაბის ძლევამოსილ მმართველებს.+მხნეობას დაკარგავენ ქანაანის მკვიდრნი.+
16 შიში და ძრწოლა აიტანთ;+შენი მკლავის სიდიადე გააქვავებს მათ,სანამ ჩაივლის შენი ხალხი,+ იეჰოვა,სანამ ჩაივლის+ შენი შექმნილი ხალხი.+
17 წაიყვან მათ და დაამკვიდრებ შენს მთაზე, შენს საკუთრებაზე,+შენს დასამკვიდრებლად მომზადებულ ადგილზე,+ იეჰოვა,შენი ხელით დაფუძნებულ საწმინდარში,+ იეჰოვა.
18 სამუდამოდ იმეფებს იეჰოვა, მარადიულად.+
19 ზღვაში რომ შევიდნენ ფარაონის ცხენები,+ მისი საომარი ეტლები და ცხენოსნები,+დააბრუნა ზღვის წყალი იეჰოვამ და თავზე დაამხო მათ,+ისრაელის ძეები კი შუა ზღვაში ხმელეთზე გავიდნენ“.+
20 წინასწარმეტყველმა მირიამმა, აარონის დამ,+ ხელში დაირა აიღო;+ შეუერთდა მას ყველა ქალი დაირებით ხელში და ცეკვა დაიწყეს.+
21 მირიამი კაცებს სიმღერით მიუგებდა:+
„უმღერეთ იეჰოვას,+ რადგან დიდად განდიდდა.+ზღვაში ჩაყარა ცხენი და მხედარი“.+
22 წაიყვანა მოსემ ისრაელები წითელი ზღვიდან შურის+ უდაბნოსკენ. სამ დღეს მიდიოდნენ, მაგრამ ვერ იპოვეს წყალი.+
23 მივიდნენ მარაში,+ მაგრამ ვერ დალიეს მარას წყალი, რადგან მწარე იყო. ამიტომაც დაარქვა მას მარა*.+
24 დრტვინავდა ხალხი მოსეს წინააღმდეგ:+ „რა დავლიოთ?“
25 მანაც შეღაღადა იეჰოვას.+ მიიყვანა იეჰოვამ იგი ხესთან; ჩააგდო მან წყალში ხე და გამტკნარდა წყალი.+
იქ დაუდგინა მან წესი და სამართალი და იქ გამოსცადა ისინი.+
26 მან თქვა: „თუ გულისყურით მოუსმენ იეჰოვას, შენი ღვთის ხმას, სწორად მოიქცევი მის თვალში, დაუგდებ ყურს მის მცნებებს და დაიცავ მის წესებს,+ არ შეგყრი არც ერთ სენს, რომლებიც ეგვიპტელებს შევყარე,+ რადგან მე ვარ იეჰოვა, შენი განმკურნებელი“.+
27 შემდეგ მივიდნენ ისინი ელიმში, სადაც თორმეტი წყარო და სამოცდაათი ხე იყო,+ და იქ დაბანაკდნენ წყალთან.
სქოლიოები
^ ამ მუხლში იაჰი პირველად მოიხსენიება. ეს არის სახელი იეჰოვას შემოკლებული ფორმა, ტეტრაგრამატონი ჲჰვჰ-ს პირველი ორი ასო. იხილეთ დანართი 1ა.
^ ანუ ერთგული სიყვარული. ებრაულად ხესედ, რაც ნიშნავს სიყვარულით გამოვლენილ სიკეთეს.
^ ნიშნავს სიმწარეს.
