გამოსვლა 29:1—46
29 „ასე განწმინდე ისინი, რომ მღვდლებად მემსახურონ: წაიყვანე ერთი საღი მოზვერი და ორი საღი+ ვერძი,+
2 წაიღე ზეთში მოზელილი რგოლისებური უფუარი პური, და ზეთწასმული უფუარი კვერები.+ საუკეთესო ხორბლის ფქვილისგან დაამზადე ისინი.
3 ჩააწყვე კალათაში და კალათით წარადგინე,+ მიიყვანე მოზვერიც და ორი ვერძიც.
4 წარადგინე აარონი და მისი ვაჟები შეხვედრის კარვის შესასვლელთან+ და განბანე ისინი წყლით.+
5 აიღე ტანსაცმელი+ და შემოსე აარონი გრძელი სამოსლით, ეფოდის მოსასხამით, ეფოდითა და სამკერდით; შემოარტყი ეფოდის სარტყელი.+
6 დაახურე თავზე თავსაბურავი და ზედ მიძღვნის წმინდა ნიშანი გაუკეთე.+
7 აიღე საცხები ზეთი,+ დაასხი თავზე და სცხე იგი.+
8 მიუყვანე მას თავისი ვაჟები და ისინიც შემოსე გრძელი სამოსლით.+
9 შემოარტყი სარტყლები მათ, აარონსა და მის ვაჟებს, და შემოახვიე ჩალმები. მათი იქნება მღვდლობა სამარადისო წესით.+ ძალაუფლებით აუვსე ხელი აარონსა და მის ვაჟებს.+
10 წარადგინე მოზვერი შეხვედრის კარვის წინ და დაადონ მას თავზე ხელი აარონმა და მისმა ვაჟებმა.+
11 დაკალი მოზვერი იეჰოვას წინაშე, შეხვედრის კარვის შესასვლელთან.+
12 აიღე მოზვრის სისხლი+ და თითით შეასხურე სამსხვერპლოს რქებს,+ დანარჩენი სისხლი კი სამსხვერპლოს ძირში დაღვარე.+
13 აიღე ნაწლავებზე+ გადაკრული მთელი ქონი+ და ღვიძლის ბადექონი,+ ორივე თირკმელი და მათი ქონი და ააბოლე ისინი სამსხვერპლოზე.+
14 მოზვრის ხორცი, ტყავი და ნეხვი კი ბანაკის გარეთ ცეცხლში დაწვი.+ ეს არის ცოდვის შესაწირავი.
15 წაიყვანე ერთი ვერძი+ და დაადონ მას თავზე ხელი აარონმა და მისმა ვაჟებმა.+
16 დაკალი ვერძი, აიღე მისი სისხლი და სამსხვერპლოს მოასხურე.+
17 ნაჭრებად დაჭერი, გარეცხე ნაწლავები+ და კიდურები და ერთმანეთს მიუწყვე მისი ნაჭრები თავამდე.
18 ააბოლე მთელი ვერძი სამსხვერპლოზე. ეს არის დასაწვავი შესაწირავი+ იეჰოვასთვის, დამამშვიდებელი სურნელება.+ ეს არის ცეცხლში დასაწვავი შესაწირავი იეჰოვასთვის.
19 წაიყვანე კიდევ ერთი ვერძი და დაადონ მას თავზე ხელი აარონმა და მისმა ვაჟებმა.+
20 დაკალი ვერძი, აიღე მისი სისხლი და წაუსვი აარონს მარჯვენა ყურის ბიბილოზე და მის ვაჟებსაც — მარჯვენა ყურის ბიბილოზე, მარჯვენა ხელის ცერზე და მარჯვენა ფეხის ცერზე+ და სამსხვერპლოს მოასხურე სისხლი.
21 აიღე ცოტაოდენი სისხლი სამსხვერპლოდან და ცოტაოდენი საცხები ზეთი;+ მიასხურე აარონსა და მის ტანსაცმელს, მის ვაჟებსა და მათ ტანსაცმელს, რათა წმინდა იყოს ის, მისი ტანსაცმელი, მისი ვაჟები და მისი ვაჟების ტანსაცმელი.+
22 აიღე ვერძის ქონი, მისი დუმა,+ ნაწლავებზე გადაკრული ქონი, ღვიძლის ბადექონი, ორივე თირკმელი, მათი ქონი და მარჯვენა ბარკალი,+ რადგან ეს დანიშვნის ვერძია;+
23 ასევე მრგვალი პური, ზეთში მოზელილი რგოლისებური კვერი და უფუარი კვერი იეჰოვას წინაშე წარდგენილი უფუარი პურების კალათიდან.+
24 ხელისგულებზე დაუდე ისინი აარონსა და მის ვაჟებს+ და შეარხიე, როგორც შესარხევი შესაწირავი იეჰოვას წინაშე.+
25 აიღე ისინი მათი ხელიდან და ააბოლე სამსხვერპლოზე, დასაწვავ შესაწირავზე, როგორც დამამშვიდებელი სურნელება იეჰოვას წინაშე.+ ეს არის ცეცხლში დასაწვავი შესაწირავი იეჰოვასთვის.+
26 აიღე დანიშვნის ვერძის მკერდი, რომელიც აარონისთვისაა,+ და შეარხიე ის, როგორც შესარხევი შესაწირავი იეჰოვას წინაშე; ის იქნება შენი წილი.
27 განწმინდე შესარხევი შესაწირავის მკერდი+ და ბარკალი წმინდა წილიდან, რომელიც შერხეული იყო და დანიშვნის ვერძიდან იყო შეწირული,+ იქიდან, რაც აარონისა და მისი ვაჟებისთვის იყო განკუთვნილი.
28 აარონისა და მისი ვაჟებისა იქნება ეს იმ სამარადისო წესის მიხედვით, რომელიც ისრაელის ძეებმა უნდა დაიცვან, რადგან ეს წმინდა წილია,+ და ეს ის წმინდა წილი იქნება, რომელსაც ისრაელის ძეები შესწირავენ. ეს არის მათი წმინდა წილი იეჰოვასთვის მათი მშვიდობის მსხვერპლიდან*.+
29 აარონის წმინდა ტანსაცმელი+ მის შემდეგ მისი შვილებისა იქნება,+ რომ მასში სცხონ+ ისინი და ძალაუფლებით აუვსონ ხელი.+
30 შვიდ დღეს+ ატაროს ის მღვდელმა, რომელიც მას შეცვლის, მისი ვაჟებიდან ერთ-ერთმა, და რომელიც შევა შეხვედრის კარავში წმინდა ადგილას მსახურებისთვის.
31 წაიყვანე დანიშვნის ვერძი და მოხარშე მისი ხორცი წმინდა ადგილას.+
32 ჭამონ აარონმა და მისმა ძეებმა+ ვერძის ხორცი და პური, რომელიც კალათაშია, შეხვედრის კარვის შესასვლელთან.
33 ჭამონ ის, რითაც გამოსყიდვის წესი შესრულდა, რომ აივსოს მათი ხელი ძალაუფლებით და განიწმინდონ.+ უცხომ არ ჭამოს, რადგან ის წმინდაა.+
34 თუ დანიშვნის მსხვერპლის ხორციდან და პურიდან დილამდე რამე მორჩება, ცეცხლში დაწვი;+ არ უნდა შეიჭამოს ის, რადგან წმინდაა.
35 ისე მოიქეცი, როგორც გიბრძანე აარონსა და მის ვაჟებზე.+ შვიდი დღის განმავლობაში აუვსე მათ ხელი ძალაუფლებით.+
36 ყოველდღე შესწირე ხარი ცოდვის შესაწირავად;+ გამოსყიდვით განწმინდე ცოდვისგან სამსხვერპლო, სცხე ის,+ რათა განიწმინდოს.
37 შვიდი დღის განმავლობაში შეასრულე გამოსყიდვის წესი სამსხვერპლოსთვის, განწმინდე ის,+ რომ უწმინდესი სამსხვერპლო იყოს.+ ვინც სამსხვერპლოს შეეხება, წმინდა უნდა იყოს.+
38 აი რა უნდა შესწირო სამსხვერპლოზე: ერთი წლის ვერძები, დღეში ორი, მუდმივად.+
39 ერთი ვერძი დილით შესწირე,+ მეორე კი — ორ საღამოს შორის*.+
40 პირველ ვერძთან ერთად მიიტანე დანაყილი ზეთისხილისგან მიღებულ მეოთხედ ჰინ* ზეთში მოზელილი მეათედი ეფა წმინდად დაფქული ფქვილი+ და მეოთხედი ჰინი ღვინო დასაღვრელ შესაწირავად.+
41 მეორე ვერძი კი ორ საღამოს შორის შესწირე. დილით შეწირულის მსგავს მარცვლეულ შესაწირავთან+ და დასაღვრელ შესაწირავთან ერთად შესწირე ის, როგორც დამამშვიდებელი სურნელება, როგორც ცეცხლში დასაწვავი შესაწირავი იეჰოვასთვის.
42 ეს იქნება თქვენს თაობებში მუდმივი+ დასაწვავი შესაწირავი შეხვედრის კარვის შესასვლელთან იეჰოვას წინაშე, სადაც გამოგეცხადებით დასალაპარაკებლად.+
43 გამოვეცხადები იქ ისრაელის ძეებს და განიწმინდება ის ადგილი ჩემი დიდებით.+
44 განვწმენდ შეხვედრის კარავსა და სამსხვერპლოს და განვწმენდ+ აარონსა და მის ვაჟებს, რათა მღვდლებად მემსახურონ.
45 დავივანებ ისრაელის ძეთა შორის და ვიქნები მათი ღმერთი.+
46 ეცოდინებათ, რომ მე ვარ იეჰოვა, მათი ღმერთი, რომელმაც გამოვიყვანე ისინი ეგვიპტის მიწიდან, რათა მათ შორის დავმკვიდრებულიყავი.+ მე ვარ იეჰოვა, მათი ღმერთი“.+
სქოლიოები
^ ან საზიარო მსხვერპლიდან.
^ იხილეთ 12:6-ის სქოლიო.
^ ერთი ჰინი უდრის 3,67 ლიტრს. იხილეთ დანართი 6ა.
