გამოსვლა 6:1—30
6 იეჰოვამ მოსეს უთხრა: „ახლა ნახავ, რას ვუზამ ფარაონს;+ ძლიერი ხელი აიძულებს, გაუშვას ისინი, და ძლიერი ხელი აიძულებს, გაყაროს თავისი ქვეყნიდან“.+
2 კვლავ უთხრა ღმერთმა მოსეს: «მე ვარ იეჰოვა.+
3 მე ვეცხადებოდი აბრაამს,+ ისაკსა+ და იაკობს,+ როგორც ყოვლისშემძლე ღმერთი,+ მაგრამ ჩემი სახელით, იეჰოვათი+ არ გამიმჟღავნებია+ მათთვის ჩემი თავი.
4 შეთანხმებაც დავუდე მათ, რომ მივცემდი ქანაანის მიწას, მათი ხიზნობის მიწას, სადაც ხიზნები იყვნენ.+
5 მოვისმინე ისრაელის ძეთა კვნესა,+ რომლებიც ეგვიპტელებს ჰყავთ დამონებული, და მახსოვს ჩემი შეთანხმება.+
6 ამიტომ უთხარი ისრაელის ძეებს: „მე ვარ იეჰოვა და მე გაგათავისუფლებთ ეგვიპტელთა ტვირთისგან და გიხსნით მათი მონობისგან.+ მე დაგაბრუნებთ გაწვდილი მკლავითა და დიდი სასჯელებით.+
7 ჩემს ხალხად მიგიღებთ+ და მე ვიქნები თქვენი ღმერთი.+ გეცოდინებათ, რომ მე ვარ იეჰოვა, თქვენი ღმერთი, რომელიც ეგვიპტის ტვირთისგან გათავისუფლებთ.+
8 მიგიყვანთ იმ ქვეყანაში, რომელზეც ხელაწვდილმა დავიფიცე,+ რომ აბრაამს, ისაკსა და იაკობს მივცემდი. საკუთრებად მოგცემთ მას.+ მე ვარ იეჰოვა“».+
9 ასე ელაპარაკა მოსე ისრაელის ძეებს, მაგრამ არ მოუსმინეს მას გულგატეხილობისა და მძიმე მონობის გამო.+
10 იეჰოვამ უთხრა მოსეს:
11 „შედი, დაელაპარაკე ფარაონს, ეგვიპტის მეფეს,+ რომ გაუშვას თავისი მიწიდან ისრაელის ძეები“.+
12 მაგრამ მოსემ იეჰოვას მიუგო: „ისრაელის ძეებმა არ მომისმინეს+ და ფარაონი როგორღა მომისმენს?!+ მე ხომ ბაგედაუცვეთელი* ვარ?!“+
13 განაგრძო იეჰოვამ მოსესთან და აარონთან ლაპარაკი, რათა მათი პირით ებრძანებინა ისრაელის ძეებისა და ფარაონისთვის, ეგვიპტის მეფისთვის, ისრაელის ძეების გამოყვანა ეგვიპტის მიწიდან.+
14 ესენი არიან მათი საგვარეულოთა თავკაცები. რეუბენის, ისრაელის პირმშოს+ ვაჟები იყვნენ: ხანოქი, ფალუ, ხეცრონი და ქარმი.+ ესენი არიან რეუბენის შტოები.+
15 სიმონის ვაჟები იყვნენ: იემუელი, იამინი, ოჰადი, იაქინი, ცოხარი და შაული, ქანაანელი ქალის ვაჟი.+ ესენი არიან სიმონის შტოები.+
16 ლევის ვაჟები+ თავიანთი საგვარეულოს მიხედვით იყვნენ:+ გერშონი, კეჰათი და მერარი.+ ლევის სიცოცხლის წლები ას ოცდაჩვიდმეტ წელს ითვლიდა.
17 გერშონის ვაჟები იყვნენ: ლიბნი და შიმეი+ თავიანთი საგვარეულოს მიხედვით.+
18 კეჰათის ვაჟები იყვნენ: ამრამი, იცჰარი, ხებრონი და უზიელი.+ კეჰათის სიცოცხლის წლები ას ოცდაცამეტ წელს ითვლიდა.
19 მერარის ვაჟები იყვნენ მახლი და მუში.+
ეს არის ლევიანთა საგვარეულო თავიანთი შთამომავლების მიხედვით.+
20 ამრამმა ცოლად მამამისის და, იოქებედი მოიყვანა.+ მან გაუჩინა მას აარონი და მოსე.+ ამრამის სიცოცხლის წლები ას ოცდაჩვიდმეტ წელს ითვლიდა.
21 იცჰარის ვაჟები იყვნენ: კორახი,+ ნეფეგი და ზიქრი.
22 უზიელის ვაჟები იყვნენ: მიშაელი, ელიცაფანი და სითრი.+
23 აარონმა ცოლად მოიყვანა ელიშება, ამინადაბის ასული, ნახშონის+ და. მან გაუჩინა მას ნადაბი, აბიჰუ, ელეაზარი და ითამარი.+
24 კორახის ვაჟები იყვნენ: ასირი, ელკანა და აბიასაფი.+ ეს არის კორახელების საგვარეულო.+
25 აარონის ვაჟმა,+ ელეაზარმა, ფუტიელის ასული მოიყვანა ცოლად. მან გაუჩინა მას ფინხასი.+
ესენი არიან ლევიანთა მამები, თავკაცები, და მათი საგვარეულოები.+
26 ესენი არიან აარონი და მოსე, რომლებსაც იეჰოვამ უთხრა:+ „გამოიყვანეთ ისრაელის ძეები ეგვიპტის მიწიდან თავიანთი ლაშქრების მიხედვით“.+
27 ესენი ელაპარაკებოდნენ ფარაონს, ეგვიპტის მეფეს, რომ გამოეყვანათ ისრაელის ძეები ეგვიპტის მიწიდან.+ ესენი არიან მოსე და აარონი.
28 იმ დღეს, როცა იეჰოვა ელაპარაკა მოსეს ეგვიპტის მიწაზე,+
29 ასე უთხრა იეჰოვამ: „მე ვარ იეჰოვა.+ უთხარი ფარაონს, ეგვიპტის მეფეს, ყველაფერი, რასაც მე გეუბნები“.
30 მოსემ იეჰოვას მიუგო: „ბაგედაუცვეთელი* ვარ და როგორ მომისმენს მე ფარაონი?“+
სქოლიოები
^ თითქოს ბაგეზე ჩუჩა გადაკვროდა, დაგრძელებოდა და გასქელებოდა ბაგეები, რაც ხელს უშლიდა ლაპარაკში. შესაძლოა ეს გულისხმობდეს მეტყველების დეფექტს (შეადარეთ 6:30).
^ იხილეთ 6:12-ის სქოლიო.
