გამოსვლა 9:1—35
9 უთხრა იეჰოვამ მოსეს: «შედი ფარაონთან და უთხარი,+ ასე გეუბნება-თქო იეჰოვა, ებრაელთა ღმერთი: „გაუშვი ჩემი ხალხი, რომ მემსახურონ.
2 თუ არც ამჯერად გაუშვებ და დააკავებ,+
3 იცოდე! იეჰოვას ხელი+ აღიმართება შენს საქონელზე,+ რომელიც მინდვრად გყავს. ცხენებს, ვირებს, აქლემებსა და ცხვარ-ძროხას დიდ ჭირს შევყრი.+
4 იეჰოვა გამოარჩევს ისრაელის საქონელს ეგვიპტის საქონლისგან და არაფერი დაეხოცებათ ისრაელის ძეებს“».+
5 დრო დანიშნა იეჰოვამ და თქვა: „ამას ხვალ გააკეთებს იეჰოვა ამ მიწაზე“.+
6 მეორე დღეს ასეც გააკეთა იეჰოვამ; გაწყდა მთელი საქონელი ეგვიპტეში,+ მაგრამ ისრაელის ძეების საქონლიდან ერთიც არ მომკვდარა.
7 გაგზავნა ფარაონმა თავისი ხალხი და ნახეს, რომ ისრაელის ძეების საქონლიდან არც ერთი არ იყო მკვდარი. მაგრამ კვლავ გაიჯიუტა გული ფარაონმა+ და არ გაუშვა ხალხი.
8 უთხრა იეჰოვამ მოსესა და აარონს: „აიღეთ ღუმლიდან+ ორი სავსე პეშვი ჭვარტლი და ცისკენ ააფრქვიოს მოსემ ფარაონის თვალწინ.
9 მტვრად მოეფინება მთელი ეგვიპტის მიწას და მუწუკები და ბებერები+ გამოაყრის კაცსაც და ცხოველსაც მთელი ეგვიპტის მიწაზე“.
10 მათაც აიღეს ჭვარტლი ღუმლიდან და დადგნენ ფარაონის წინაშე; ცისკენ ააფრქვია ის მოსემ და მუწუკები და ბებერები+ გამოაყარა კაცსაც და ცხოველსაც.
11 ვერ დაუდგნენ მოსეს გრძნეული ქურუმები მუწუკების გამო, რადგან გამოაყარა მუწუკები გრძნეულ ქურუმებსა და ყველა ეგვიპტელს.+
12 დაუშვა იეჰოვამ, რომ გაჯიუტებოდა გული ფარაონს, და მან არ მოუსმინა მათ, როგორც იეჰოვას ჰქონდა ნათქვამი მოსესთვის.+
13 უთხრა იეჰოვამ მოსეს: «ადექი დილით ადრე, წარდექი ფარაონის წინაშე+ და უთხარი, ასე გეუბნება-თქო იეჰოვა, ებრაელთა ღმერთი: „გაუშვი ჩემი ხალხი, რომ მემსახურონ,+
14 თორემ მოვმართავ ყველა ჩემს დარტყმას შენი გულისკენ, შენი მსახურებისა და შენი ხალხისკენ, რათა იცოდე, რომ არავინაა ჩემი მსგავსი მთელ დედამიწაზე.+
15 ახლავე აღვმართავდი ხელს და ჭირს შეგყრიდით შენც და შენს ხალხსაც და აღიგვებოდით დედამიწიდან,+
16 მაგრამ იმისთვის დაგტოვე,+ რომ გაჩვენო ჩემი ძალა და მთელ დედამიწას ეუწყოს ჩემი სახელი.+
17 კიდევ ამპარტავნულად ექცევი ჩემს ხალხს და არ უშვებ?!+
18 ხვალ ამ დროს საშინელ სეტყვას მოვავლენ, რომლის მსგავსიც არ ყოფილა ეგვიპტის დაარსებიდან დღემდე.+
19 ახლა შეიყვანე თავშესაფარში მთელი შენი საქონელი და რაც კი რამ გყავს მინდორში. დაისეტყვება+ და დაიხოცება კაციცა და ცხოველიც, რომლებიც გარეთ იქნებიან და არ შეეფარებიან სახლს“».
20 ფარაონის მსახურებიდან ვისაც იეჰოვას სიტყვისა ეშინოდა, თავიანთი მსახურები და საქონელი სახლებში შეაფარეს,+
21 მაგრამ ვინც არ განაწყო თავისი გული და არაფრად ჩააგდო იეჰოვას სიტყვა, თავისი მსახურებიცა და საქონელიც მინდორში დატოვა.+
22 უთხრა იეჰოვამ მოსეს: „ცისკენ აღაპყარი ხელი,+ რათა დაისეტყვოს+ მთელი ეგვიპტის მიწა, კაციც, ცხოველიცა და მინდვრის მცენარეულობაც ეგვიპტის მიწაზე“.
23 მოსემაც აღაპყრო ცისკენ ჯოხი და მოავლინა იეჰოვამ გრგვინვა და სეტყვა,+ და ცეცხლი ჩამოდიოდა მიწაზე; სეტყვავდა იეჰოვა ეგვიპტის მიწას.
24 მოდიოდა სეტყვა და თან ცეცხლი მოჰყვებოდა. მეტისმეტად ძლიერი იყო სეტყვა, რომლის მსგავსიც არ ყოფილა მას შემდეგ, რაც ერი ჩამოყალიბდა ეგვიპტის მიწაზე.+
25 დაისეტყვა მთელი ეგვიპტის მიწა. ყველაფერი დაისეტყვა მინდორში, კაციცა და ცხოველიც, და ყველანაირი მცენარეულობა. ყველანაირი ხე დაილეწა მინდორში.+
26 სეტყვა მხოლოდ გოშენის მიწაზე არ მოსულა, სადაც ისრაელის ძეები იყვნენ.+
27 ბოლოს დაიბარა ფარაონმა მოსე და აარონი და უთხრა: „ამჯერად შევცოდე.+ იეჰოვაა მართალი,+ მე და ჩემი ხალხი კი დამნაშავეები ვართ.
28 შეევედრეთ იეჰოვას, რომ გვაკმაროს ღმერთმა გრგვინვა და სეტყვა.+ გაგიშვებთ და მეტს აღარ დაგაყოვნებთ“.
29 მოსემ მიუგო: „როგორც კი გავალ ქალაქიდან, იეჰოვასკენ აღვაპყრობ ხელებს.+ შეწყდება გრგვინვა და აღარ წამოვა სეტყვა, რათა იცოდე, რომ დედამიწა იეჰოვასია.+
30 მაგრამ ვიცი, რომ შენ და შენი მსახურები მაინც არ გამოავლენთ შიშს იეჰოვა ღმერთისადმი“.+
31 განადგურდა სელი და ქერი, რადგან ქერს თავთავი უკვე გაკეთებული ჰქონდა, ხოლო სელი ყვაოდა,+
32 ხორბალი და ასლი*+ კი გადარჩა, რადგან საგვიანო იყო.
33 გავიდა მოსე ფარაონისგან ქალაქის გარეთ და იეჰოვასკენ აღაპყრო ხელები; შეწყდა გრგვინვა და სეტყვა და გადაიღო წვიმამ.+
34 როცა დაინახა ფარაონმა, რომ შეწყდა წვიმა, სეტყვა და გრგვინვა, ისევ შესცოდა და გაიჯიუტეს გული+ მან და მისმა მსახურებმა.
35 გაჯიუტებული ჰქონდა გული ფარაონს და არ გაუშვა ისრაელის ძეები, როგორც იეჰოვას ჰქონდა ნათქვამი მოსეს პირით.+
სქოლიოები
^ დაბალი ხარისხის ხორბალი, მოჰყავდათ ძველ ეგვიპტეში.
