გამოცხადება 11:1—19
11 მომეცა კვერთხის+ მსგავსი ლერწამი და ანგელოზმა მითხრა: „ადექი და გაზომე ღვთის ტაძრის+ საწმინდარი, სამსხვერპლო და თაყვანისმცემლები.
2 ეზო კი, რომელიც ტაძრის საწმინდრის გარეთ არის,+ გამოტოვე და არ გაზომო, რადგან ის უცხოტომელებს მიეცა.+ ისინი ფეხით გათელავენ წმინდა ქალაქს+ ორმოცდაორ თვეს.+
3 ჩემს ორ+ მოწმეს ათას ორას სამოცი დღის განმავლობაში ვაწინასწარმეტყველებინებ+ ჯვალოთი შემოსილებს“.+
4 ისინი წარმოდგენილნი არიან ორი ზეთისხილის ხით+ და ორი სალამპრით+ და დედამიწის უფლის წინაშე დგანან.+
5 თუ ვინმეს უნდა, რომ ავნოს მათ, ცეცხლი გამოდის მათი პირიდან და შთანთქავს მათ მტრებს.+ და თუ ვინმე მოინდომებს, რომ ავნოს მათ, ამგვარად უნდა მოიკლას.
6 ისინი უფლებამოსილნი არიან, ჩაკეტონ ცა,+ რათა წვიმა არ მოვიდეს+ მათი წინასწარმეტყველების დღეებში; უფლებამოსილნი არიან, წყალი სისხლად+ აქციონ და ყველანაირი წყლული შეჰყარონ დედამიწას, როცა კი მოისურვებენ.
7 როცა დაამთავრებენ დამოწმებას, უფსკრულიდან+ ამომავალი მხეცი შეებრძოლება მათ, სძლევს და დახოცავს.+
8 მათი გვამები დიდი ქალაქის მთავარ ქუჩაზე ეყრება. ამ ქალაქს, სადაც მათი უფალიც გააკრეს ბოძზე,+ სულიერი გაგებით, სოდომი+ და ეგვიპტე ჰქვია.
9 ხალხები, ტომები, ენები და ერები+ უყურებენ მათ გვამებს სამ-ნახევარი დღე+ და არ დაამარხვინებენ გვამებს სამარხში.
10 დედამიწის მკვიდრნი ხარობენ+ მათი სიკვდილის გამო და მხიარულობენ, ერთმანეთს ძღვენს გაუგზავნიან,+ რადგან ეს ორი წინასწარმეტყველი ტანჯავდა დედამიწის მკვიდრთ.
11 სამ-ნახევარი დღის+ შემდეგ შევიდა მათში+ სიცოცხლის სული ღვთისგან, ფეხზე დადგნენ და თავზარი დასცეს თავიანთ მხილველებს.
12 ციდან მოისმინეს დიდი ხმა,+ რომელმაც უთხრა მათ: „ამოდით აქ“.+ ღრუბელში ავიდნენ ზეცად და მათი მტრები უყურებდნენ მათ.
13 იმავე საათს ძლიერი მიწისძვრა მოხდა და ქალაქის მეათედი+ დაეცა, მიწისძვრამ შვიდი ათასი კაცი შეიწირა, დანარჩენები კი შეშინდნენ და დიდება მიაგეს ზეციერ ღმერთს.+
14 მეორე ვაიმ+ გადაიარა. მესამე სწრაფად ახლოვდება.
15 ჩაჰბერა საყვირს მეშვიდე ანგელოზმა+ და გაისმა ზეცაში დიდი ხმები: „ქვეყნიერების სამეფო ჩვენი უფლისა+ და მისი ქრისტეს+ სამეფო გახდა და ის იმეფებს მარადიულად“.+
16 ოცდაოთხი უხუცესი,+ რომლებიც ღვთის წინაშე ისხდნენ თავიანთ ტახტებზე, პირქვე დაემხვნენ,+ თაყვანი სცეს ღმერთს+
17 და უთხრეს: „გმადლობთ,+ იეჰოვა ღმერთო, ყოვლისშემძლეო,+ რომელიც ხარ+ და რომელიც იყავი, შენი დიდი ძალა+ რომ გამოიყენე და დაიწყე მეფობა,+
18 მაგრამ ხალხები განრისხდნენ, მოვიდა შენი რისხვა და დანიშნული დრო, რათა გაასამართლო მკვდრები და საზღაური+ მიაგო შენს მონებს, წინასწარმეტყველებს,+ წმინდებსა და შენი სახელის მოშიშებს, პატარებსა და დიდებს,+ და მოსპო+ დედამიწის+ მომსპობნი“.
19 გაიხსნა ღვთის ტაძრის საწმინდარი ზეცაში+ და ტაძრის საწმინდარში+ გამოჩნდა მისი შეთანხმების კიდობანი.+ დაიწყო ელვა და ჭექა-ქუხილი, გაისმა ხმები, მოხდა მიწისძვრა და ძლიერი სეტყვა წამოვიდა.