გამოცხადება 19:1—21
19 ამის შემდეგ გავიგონე ციდან დიდი ხმა, როგორც დიდძალი ხალხის ხმა.+ ისინი ამბობდნენ: „ადიდეთ იაჰი*!+ ხსნა,+ დიდება და ძლიერება ჩვენს ღმერთს ეკუთვნის,+
2 რადგან ჭეშმარიტი და მართალია მისი სამართალი.+ აღასრულა განაჩენი დიდ მეძავზე, რომელმაც გარყვნა დედამიწა თავისი სიძვით, და მოჰკითხა მან მეძავს თავისი მონების სისხლი“.+
3 მათ მაშინვე გაიმეორეს: „ადიდეთ იაჰი!+ მეძავის კვამლი არ შეწყდება მარადიულად“.+
4 ოცდაოთხი უხუცესი+ და ოთხი ცოცხალი არსება+ დაემხვნენ, თაყვანი სცეს ტახტზე მჯდომ ღმერთს+ და თქვეს: „ამინ! ადიდეთ იაჰი!“+
5 ტახტიდან გამოვიდა ხმა, რომელმაც თქვა: „ადიდეთ ჩვენი ღმერთი ყველა მისმა მონამ,+ ვისაც მისი შიში გაქვთ, დიდებმაც და პატარებმაც“.+
6 გავიგონე ხმა, როგორც დიდძალი ხალხის ხმა, როგორც ბევრი წყლის ხმა, და როგორც ძლიერი ჭექა-ქუხილის ხმა: „ადიდეთ იაჰი,+ რადგან გამეფდა+ ჩვენი ღმერთი იეჰოვა, ყოვლისშემძლე.+
7 ვიხაროთ და ვიმხიარულოთ და დიდება მივაგოთ მას,+ რადგან დადგა კრავის+ ქორწილის+ დრო და მისი პატარძალი გაემზადა.+
8 მას ნება მიეცა, ჩაეცვა მბრწყინავი და სუფთა, ძვირფასი სელის სამოსელი, რადგან ძვირფასი სელის სამოსელი წმინდების სიმართლის საქმეებს ნიშნავს“.+
9 ანგელოზმა მითხრა: „დაწერე: ბედნიერნი არიან კრავის საქორწილო+ ვახშამზე მიწვეულნი“.+ აგრეთვე მითხრა: „ეს ღვთის ჭეშმარიტი სიტყვებია“.+
10 მაშინ დავემხვე მის ფეხებთან, რომ თაყვანი მეცა მისთვის,+ მაგრამ მან მითხრა: „იცოდე, ამას ნუ იზამ!+ მეც ისეთივე მონა ვარ, როგორიც შენ და შენი ძმები, რომლებიც იესოს შესახებ დამოწმების საქმეს ასრულებენ.+ ღმერთს ეცი თაყვანი,+ რადგან იესოს შესახებ დამოწმებაა წინასწარმეტყველების მიზანი“.+
11 ვიხილე გახსნილი ცა და, აი, თეთრი ცხენი.+ მასზე მჯდომს ერთგული+ და ჭეშმარიტი ეწოდება.+ ის სიმართლით ასამართლებს და სიმართლით იბრძვის.+
12 მისი თვალები ცეცხლის ალია,+ თავზე მრავალი გვირგვინი ადგას+ და აწერია სახელი,+ რომელიც მის მეტმა არავინ იცის,
13 აცვია სისხლიანი მოსასხამი+ და მისი სახელია ღვთის სიტყვა.+
14 მას მიჰყვებოდა თეთრ ცხენებზე ამხედრებული თეთრი, სუფთა, ძვირფასი სელის სამოსლით შემოსილი ზეციერი ლაშქარი.
15 მისი პირიდან დიდი ბასრი მახვილია+ გამოშვერილი, რათა დასცეს ის ხალხებს, და რკინის კვერთხით+ დამწყემსავს მათ. ის წნეხს ყოვლისშემძლე ღვთის რისხვის+ მძვინვარების საწნახელსაც.+
16 მას მოსასხამზე ბარძაყთან აწერია სახელი — მეფეთა მეფე და უფალთა უფალი.+
17 ვიხილე აგრეთვე მზეში მდგომი ანგელოზი. ის ხმამაღლა უხმობდა ცის ყველა ფრინველს:+ „მოდით, მოგროვდით ღვთის დიდ ვახშამზე,
18 რათა ჭამოთ მეფეთა ხორცი,+ ათასისთავთა ხორცი, ძლიერთა ხორცი,+ ცხენთა+ და მათზე ამხედრებულთა ხორცი, ყველას ხორცი: თავისუფლისა და მონისა, დიდისა და პატარისა“.
19 ვიხილე მხეცი,+ დედამიწის მეფეები+ და მათი ლაშქრები, რომლებიც ცხენზე ამხედრებულისა+ და მისი ლაშქრის წინააღმდეგ საომრად+ შეკრებილიყვნენ.
20 შეპყრობილ იქნა მხეცი+ და მასთან ერთად ცრუწინასწარმეტყველი,+ რომელიც ნიშნებს ახდენდა+ მის წინაშე, რითაც შეცდომაში შეჰყავდა მხეცის ნიშნის+ მიმღებნი და მისი ქანდაკების თაყვანისმცემელნი.+ ორივე ცოცხლად იქნა ჩაგდებული ცეცხლის ტბაში, რომელიც გოგირდით იწვის.+
21 დანარჩენები ცხენზე+ ამხედრებულის პირიდან გამომავალი დიდი მახვილით დაიხოცნენ.+ ყველა ფრინველი+ გაძღა+ მათი ხორცით.+
სქოლიოები
^ ეს არის სახელი იეჰოვას შემოკლებული ფორმა, ტეტრაგრამატონი ჲჰვჰ-ს პირველი ორი ასო. იხილეთ დანართი 1დ.
