დაბადება 10:1—32
10 ეს არის ნოეს ვაჟების+ — სემის, ქამისა და იაფეთის ამბავი.
წარღვნის შემდეგ მათ ვაჟები შეეძინათ.+
2 იაფეთის ვაჟები იყვნენ: გომერი,+ მაგოგი,+ მადაი,+ იავანი,+ თუბალი,+ მეშექი+ და თირასი.+
3 გომერის ვაჟები იყვნენ: აშქენაზი,+ რიფათი+ და თოგარმა.+
4 იავანის ვაჟები იყვნენ: ელიშა,+ თარშიში,+ ქითიმი+ და დოდანიმი.+
5 მათგან გამრავლდნენ კუნძულებზე მცხოვრებნი თავიანთ მიწაზე, ყველა თავისი ენის მიხედვით, თავისი საგვარეულოსა და თავისი ერის მიხედვით.
6 ქამის ვაჟები იყვნენ: ქუში,+ მიცრაიმი,+ ფუტი+ და ქანაანი.+
7 ქუშის ვაჟები იყვნენ: სება,+ ხავილა, საბთა, რაამა+ და საბთექა.
რაამას ვაჟები იყვნენ: შება და დედანი.+
8 ქუშს შეეძინა ნიმროდი.+ ის იყო პირველი ძლევამოსილი ადამიანი დედამიწაზე,
9 ძლიერი მონადირე, იეჰოვას მოწინააღმდეგე. ამიტომაც ამბობენ, ნიმროდივით იეჰოვას მოწინააღმდეგე ძლიერი მონადირეაო.+
10 ბაბილონით*,+ ერექით,+ აქადითა და ქალნით ჩაეყარა საფუძველი მის სამეფოს შინარის მიწაზე,+
11 საიდანაც შევიდა ასურეთში+ და ააშენა ნინევე,+ რეხობოთ-ირი, ქალახი
12 და რესენი ნინევესა და ქალახს შორის, და ამგვარად წარმოიქმნა ერთი დიდი ქალაქი*.
13 მიცრაიმს+ შეეძინა ლუდიმი,+ ანამიმი, ლეჰაბიმი, ნაფთუხიმი,+
14 ფათრუსიმი,+ ქასლუხიმი+ (ფილისტიმელთა+ წინაპარი) და ქაფთორიმი.+
15 ქანაანს შეეძინა სიდონი+ — პირმშო, ხეთი,+
16 აგრეთვე იებუსელები,+ ამორეველები,+ გირგაშელები,
17 ხიველები,+ არკიელები, სინელები,
18 არვადელები,+ ცემარელები და ხამათელები;+ ამის შემდეგ ქანაანელების საგვარეულო გაიფანტა.
19 ქანაანელების საზღვარი იყო სიდონიდან გერარამდე,+ ღაზას+ მახლობლად, სოდომსა და გომორამდე,+ ადმასა+ და ცებოიმამდე,+ ლაშას მახლობლად.
20 ესენი იყვნენ ქამის ვაჟები თავიანთი საგვარეულოებისა და ენების მიხედვით თავიანთ მიწაზე, თავიანთი ხალხების მიხედვით.
21 სემს, ებერის+ ყველა ვაჟის წინაპარსაც (მისი უფროსი ძმა იაფეთი იყო) შეეძინა შთამომავლობა.
22 სემის ვაჟები იყვნენ: ელამი,+ აშური,+ არფაქშადი,+ ლუდი და არამი.
23 არამის ვაჟები იყვნენ: უცი, ხული, გეთერი და მაში.+
24 არფაქშადს შეეძინა შელახი,+ შელახს — ებერი.
25 ებერს შეეძინა ორი ვაჟი. ერთს ერქვა ფელეგი*,+ რადგან მის დროს დაიყო დედამიწა*,+ მის ძმას კი — იოკტანი.+
26 იოკტანს შეეძინა ალმოდადი, შალეფი, ხაცარმავეთი, იარახი,+
27 ჰადორამი, უზალი, დიკლა,+
28 ობალი, აბიმაელი, შება,+
29 ოფირი,+ ხავილა+ და იობაბი;+ ესენი ყველანი იოკტანის ვაჟები იყვნენ.
30 მათი საცხოვრებელი მეშადან სეფარამდე იყო გადაჭიმული, აღმოსავლეთის მთაგორიან მხარემდე.
31 ესენი იყვნენ სემის ვაჟები თავიანთი საგვარეულოებისა და ენების მიხედვით თავიანთ მიწაზე, თავიანთი ხალხების მიხედვით.+
32 ესენი იყვნენ ნოეს ვაჟების ოჯახები თავიანთი საგვარეულოებისა და თავიანთი ხალხების მიხედვით. წარღვნის შემდეგ მათგან გამრავლდნენ ხალხები დედამიწაზე.+
სქოლიოები
^ სიტყვასიტყვით — ბაბელით. ებრაულად ბაველი. ეს სიტყვა ნაწარმოებია ზმნიდან ბალალ, რაც ნიშნავს არევ-დარევას.
^ „ამგვარად წარმოიქმნა ერთი დიდი ქალაქი“, სიტყვასიტყვით — ეს არის დიდი ქალაქი.
^ ნიშნავს დაყოფას, დინებას.
^ ანუ დედამიწის მოსახლეობა.
