დაბადება 14:1—24
14 შინარში+ ამრაფელი მეფობდა, ელასარში — არიოქი, ელამში+ — ქედარლაომერი,+ გოიიმში+ კი — თიდალი.
2 ბრძოლა გაუმართეს მათ სოდომის+ მეფე ბერას, გომორას+ მეფე ბირშას, ადმას+ მეფე შინაბს, ცებოიმის+ მეფე შემებერს და ბელას (ანუ ცოარის)+ მეფეს.
3 ყველა* ეს მოკავშირე+ სიდიმის ველისკენ,+ მარილოვანი ზღვისკენ+ გაემართა.
4 თორმეტი წელი ემსახურებოდნენ ქედარლაომერს და მეცამეტე წელს აუჯანყდნენ.
5 მეთოთხმეტე წელს კი მოვიდა ქედარლაომერი სხვა მეფეებთან ერთად და დაამარცხეს რეფაიმები აშთორ-კარნაიმში,+ ზუზიმები — ჰამში, ემიმები+ — შავე-კირიათაიმში,
6 ხორიელები+ — სეირის მთიდან+ მოყოლებული ელ-ფარანამდე+, უდაბნომდე.
7 მერე შემობრუნდნენ, მიადგნენ ენ-მიშფატს, ანუ კადეშს,+ და დაამარცხეს ამალეკელებიც+ მთელ მათ მიწაზე და ხაცაცონ-თამარში+ მცხოვრები ამორეველებიც.+
8 გამოვიდნენ სოდომის მეფე, გომორას მეფე, ადმას მეფე, ცებოიმის მეფე, ბელას (ანუ ცოარის) მეფე და სიდიმის ველზე+ დაირაზმნენ მათთან საბრძოლველად,
9 ელამის მეფე ქედარლაომერის, გოიიმის მეფე თიდალის, შინარის მეფე ამრაფელისა და ელასარის+ მეფე არიოქის წინააღმდეგ, ოთხი მეფე ხუთის წინააღმდეგ.
10 სიდიმის ველზე+ ფისით+ სავსე ორმოები იყო. როცა სოდომისა და გომორას+ მეფეები უკუიქცნენ, შიგ ჩაცვივდნენ, დანარჩენები კი მთებში გაიქცნენ.+
11 წაიღეს გამარჯვებულებმა სოდომისა და გომორას მთელი ქონება, საკვები და თავიანთ გზას დაადგნენ.+
12 წაიყვანეს ლოტიც, აბრამის ძმისშვილი, წაიღეს მისი ქონებაც და წავიდნენ. მაშინ იგი სოდომში+ ცხოვრობდა.
13 მივიდა ერთ-ერთი გადარჩენილი ებრაელ+ აბრამთან და უამბო ეს ამბავი. მაშინ ის კარვებში ცხოვრობდა დიდ ხეებს შორის, რომლებიც ამორეველ+ მამრეს, ეშქოლისა და ანერის+ ძმას ეკუთვნოდა. ისინი აბრამის მოკავშირეები იყვნენ.
14 გაიგო აბრამმა, რომ დაეტყვევებინათ მისი ძმა;+ შეკრიბა ძლიერი კაცები,+ თავის სახლეულობაში დაბადებული სამას თვრამეტი მონა,+ დაედევნა და დანამდე+ სდია.
15 დაიყვნენ ღამით ის და მისი მონები,+ დაამარცხეს ისინი და სდიეს ხობამდე, რომელიც დამასკოს ჩრდილოეთითაა.
16 დაიბრუნა მან მთელი ქონება,+ დაიხსნა ლოტიც, თავისი ძმა, და მისი ქონებაც, ქალებიცა და სხვებიც.+
17 წავიდა სოდომის მეფე მასთან შესაგებებლად, როცა ის შავეს ანუ მეფის ველზე+ ქედარლაომერისა და მასთან მყოფი მეფეების დამარცხების შემდეგ დაბრუნდა.
18 სალემის+ მეფე მელქისედეკმა+ პური და ღვინო+ გამოიტანა; ის უზენაესი ღვთის მღვდელი იყო.+
19 აკურთხა იგი და უთხრა:
„აბრამ, კურთხეული იყავ უზენაესი ღვთისგან,+ზეცისა და დედამიწის შემქმნელისგან!+
20 კურთხეული იყოს უზენაესი ღმერთი,+რომელმაც ხელში ჩაგიგდო შენი მჩაგვრელები!“+
მაშინ აბრამმა ყველაფრის მეათედი მისცა მას.+
21 სოდომის მეფემ აბრამს უთხრა: „ხალხი*+ მე მომეცი, ქონება კი შენ წაიღე“.
22 აბრამმა მიუგო სოდომის მეფეს: „ფიცით აღვაპყრობ ხელს+ უზენაესი ღვთის, იეჰოვას, ცისა და მიწის შემქმნელის წინაშე,
23 რომ ძაფიდან სანდლის თასმამდე შენსას არაფერს წავიღებ,+ რათა არა თქვა, აბრამი მე გავამდიდრეო.
24 მე არაფერი მინდა,+ გარდა იმისა, რაც მსახურებმა ჭამეს და რაც ჩემთან წამოსულებს — ანერს, ეშქოლსა და მამრეს+ — ერგოთ წილად, მათ წაიღონ თავიანთი წილი“.+
სქოლიოები
^ იგულისხმება 1-ლ მუხლში მოხსენიებული მეფეები.
^ სიტყვასიტყვით — სულები. ებრაულად ნეფეშ. იხილეთ დანართი 2ა.