დაბადება 25:1—34
25 აბრაამმა კიდევ მოიყვანა ცოლი, რომელსაც კეტურა ერქვა.+
2 მან გაუჩინა მას ზიმრანი, იოკშანი, მედანი, მიდიანი,+ იშბაკი და შუახი.+
3 იოკშანს შეეძინა შება+ და დედანი.+
დედანს შეეძინა აშურიმი, ლეტუშიმი და ლეუმიმი.
4 მიდიანის ვაჟები იყვნენ: ეფა,+ ეფერი, ხანოქი, აბიდა და ელდაა.+
ესენი ყველანი კეტურას ვაჟები იყვნენ.
5 აბრაამმა მთელი თავისი ქონება ისაკს მისცა,+
6 თავის ვაჟებს კი, რომლებიც ხარჭებისგან ჰყავდა, საჩუქრები დაურიგა.+ თავის სიცოცხლეშივე აღმოსავლეთით გაუშვა ისინი თავისი ვაჟის, ისაკისგან შორს,+ აღმოსავლეთის ქვეყანაში.+
7 აბრაამის სიცოცხლის დღეები ას სამოცდათხუთმეტ წელიწადს ითვლიდა.
8 კარგი სიბერით მოკვდა აბრაამი, მოხუცი და კმაყოფილი, და შეუერთდა თავის ხალხს.+
9 დამარხეს იგი ისაკმა და ისმაელმა, მისმა ვაჟებმა მაქფელას გამოქვაბულში, რომელიც ხეთელი ცოხარის ვაჟის, ეფრონის მინდორშია, მამრეს წინ.+
10 ეს ის მინდორი იყო, რომელიც აბრაამმა ხეთის ვაჟებისგან იყიდა. იქ დამარხეს აბრაამი; მისი ცოლი სარაც იქ იყო დამარხული.+
11 აბრაამის სიკვდილის შემდეგაც აკურთხებდა ღმერთი მის ვაჟს,+ ისაკს. ისაკი ბეერ-ლახაი-როის+ მახლობლად ცხოვრობდა.
12 ეს არის ისმაელის,+ აბრაამის ვაჟის ამბავი, რომელიც აგარმა, სარას ეგვიპტელმა მოახლემ, გაუჩინა აბრაამს.+
13 ესენი არიან ისმაელის ვაჟები, მათი სახელები და მათი შთამომავლობა: ნებაიოთი+ — ისმაელის პირმშო, კედარი,+ ადბეელი, მიბსამი,+
14 მიშმა, დუმა, მასა,
15 ხადადი,+ თემა,+ იეტური, ნაფიში და კედემა.+
16 ესენი არიან ისმაელის ძეები და ეს არის მათი სახელები მათივე ეზოებისა და გალავნიანი ბანაკების მიხედვით:+ თორმეტი მთავარი და მათი ტომები.+
17 ისმაელის სიცოცხლის დღეები ას ოცდაჩვიდმეტ წელიწადს ითვლიდა. მოკვდა იგი და შეუერთდა თავის ხალხს.+
18 კარვებში ცხოვრობდნენ ისინი ხავილადან+ მოყოლებული ასურეთამდე. ხავილა შურის+ მახლობლად მდებარეობს, ეგვიპტესთან. თავისი ძმების წინ დასახლდნენ ისინი.+
19 ეს არის აბრაამის ვაჟის, ისაკის ამბავი.+
აბრაამს შეეძინა ისაკი.
20 ორმოცი წლისა იყო ისაკი, როცა ფადან-არამში მცხოვრები სირიელი+ ბეთუელის+ ასული, სირიელი ლაბანის და მოიყვანა ცოლად.
21 განსაკუთრებით ევედრებოდა ისაკი იეჰოვას თავისი ცოლის გულისთვის,+ რადგან უშვილო იყო.+ იეჰოვამაც შეისმინა მისი ვედრება+ და დაორსულდა რებეკა, მისი ცოლი.
22 მუცელში ბავშვები ერთმანეთს ეჯაჯგურებოდნენ.+ მან თქვა: „თუ ასე იქნება, რად მინდა სიცოცხლე?!“ წავიდა და იეჰოვას შეეკითხა.+
23 იეჰოვამ უთხრა მას: „ორი ერია შენს მუცელში,+ საიდანაც ორი ხალხი გამოვა.+ ერთი მეორეზე ძლიერი იქნება+ და უფროსი უმცროსს მოემსახურება“.+
24 დაუდგა მას მშობიარობის დრო და, აი, ტყუპები ჰყავდა მუცელში.+
25 პირველი გამოვიდა მთლად წითელი და ისეთი თმიანი, თითქოს ბეწვიანი ტანსაცმელი+ ეცვა, და მას ესავი*+ დაარქვეს.
26 მეორე მისი ძმა გამოვიდა, რომელსაც ესავის ქუსლზე ჰქონდა ხელი ჩავლებული.+ მან იაკობი+ დაარქვა მას. სამოცი წლისა იყო ისაკი, როცა რებეკამ ისინი გააჩინა.
27 გაიზარდნენ ბიჭები. ესავი მარჯვე მონადირე+ დადგა, მინდვრად მოხეტიალე, უმწიკვლო+ იაკობი კი კარვებში+ ცხოვრობდა.
28 ისაკს ესავი უყვარდა, რადგან ნანადირევს არ აკლებდა მას, რებეკას კი — იაკობი.+
29 ერთხელ იაკობი შეჭამანდს ხარშავდა, როცა ესავი მინდვრიდან დაღლილი მოვიდა.
30 უთხრა ესავმა იაკობს: „დაღლილი ვარ! ჩქარა, მაჭამე ეგ წითელი“. ამიტომ დაერქვა მას ედომი*.+
31 იაკობმა მიუგო: „ჯერ პირმშოობა+ მომყიდე!“
32 ესავმა უთხრა: „შიმშილით ვკვდები და რას მარგებს პირმშოობა?!“
33 იაკობმა მიუგო: „ჯერ შემომფიცე!“+ მანაც შეჰფიცა და მიჰყიდა იაკობს პირმშოობა.+
34 მისცა იაკობმა ესავს პური და ოსპის შეჭამანდი. მანაც ჭამა და სვა.+ შემდეგ ადგა და წავიდა. ესავმა არაფრად ჩააგდო პირმშოობა.+
