ეფესოელები 3:1—21
3 ამიტომ მე, პავლე, ქრისტე იესოს პატიმარი+ თქვენთვის, უცხოტომელთათვის+ ...
2 თქვენ გსმენიათ ღვთის მიერ გამოვლენილი წყალობის მმართველობის+ შესახებ, რომელიც თქვენ სასარგებლოდ მომეცა,
3 და რომ გამოცხადებით მეუწყა წმინდა საიდუმლო,+ როგორც უკვე მოგწერეთ მოკლედ.
4 თუ ამის გათვალისწინებით წაიკითხავთ, დაინახავთ, რომ მესმის+ წმინდა საიდუმლო+ ქრისტეს შესახებ.
5 სხვა თაობებში ადამიანთა ძეებისთვის არ გამხდარა ცხადი ეს საიდუმლო,+ როგორც ახლა გაუმჟღავნდათ+ სულით მის წმინდა მოციქულებსა და წინასწარმეტყველებს,+
6 რომ უცხოტომელები თანამემკვიდრეები, ერთი სხეულის+ ნაწილები და დანაპირების+ მოზიარეები უნდა იყვნენ ჩვენთან ერთად სასიხარულო ცნობის მეშვეობით ქრისტე იესოსთან ერთობაში.
7 მე რომ ამის მსახური+ გავხდი, ეს ღვთის მიერ გამოვლენილი წყალობით ბოძებული უსასყიდლო ძღვენია, რომელიც მისი ძალის მოქმედებით მომეცა.+
8 ჩემდამი, ყველა წმინდაზე უმცირესისადმი+ იქნა ეს წყალობა+ გამოვლენილი, რათა უცხოტომელებისთვის+ სასიხარულო ცნობა მეუწყებინა ქრისტეს განუზომელი სიმდიდრის+ შესახებ
9 და დამენახვებინა ადამიანებისთვის, როგორ წარიმართება+ წმინდა საიდუმლო,+ რაც უხსოვარი დროიდან იყო დაფარული ყოვლის შემქმნელ ღმერთში.+
10 ამის მიზანი ის იყო, რომ ახლა ზეციურ მთავრობებსა და ხელისუფლებებს+ კრების მეშვეობით+ ეუწყოს ღვთის მრავალმხრივი სიბრძნე+
11 მისი მარადიული განზრახვის თანახმად, რომელიც მან ქრისტესთან,+ ჩვენს უფალ იესოსთან დაკავშირებით განიზრახა,
12 ვისი მეშვეობითაც გვაქვს ეს სითამამე სიტყვაში და ნდობით მისასვლელი+ მისდამი რწმენით.
13 ამიტომ გთხოვთ, გულს ნუ გაიტეხთ ჩემი გასაჭირის გამო,+ რომელშიც თქვენი გულისთვის აღმოვჩნდი, რადგან ეს თქვენი დიდებაა.
14 ამიტომ მუხლს ვიდრეკ+ მამის წინაშე,+
15 ვისაც ყოველი ოჯახი+ ზეცაში და დედამიწაზე უნდა უმადლოდეს თავისი სახელისთვის,+
16 რათა თავისი დიდების სიმდიდრით+ მოგცეთ ძალა, რომ თქვენი შინაგანი ადამიანი+ გაძლიერდეს მისი სულის მეშვეობით,+
17 და თქვენი რწმენის წყალობით ქრისტე დამკვიდრდეს თქვენს გულებში სიყვარულით,+ რათა იყოთ ფესვგადგმულნი+ და საძირკველზე დაფუძნებულნი,+
18 რომ შეძლოთ ყველა წმინდასთან ერთად ბოლომდე ჩასწვდეთ,+ რა არის სიგანე, სიგრძე, სიმაღლე და სიღრმე+
19 და შეიცნოთ ქრისტეს სიყვარული,+ რაც ცოდნას აღემატება, რათა აღივსოთ ყოველივე სისავსით,+ რასაც ღმერთი გვაძლევს.
20 მას, ვისაც ჩვენში მოქმედი ძალით+ შეუძლია იმაზე განუზომლად მეტი გააკეთოს, ვიდრე ჩვენ ვთხოვთ ან აზრად მოგვდის,+
21 მას დიდება კრებისა და ქრისტე იესოს მეშვეობით ყველა თაობაში მარადიულად.+ ამინ.