ეფესოელები 5:1—33
5 ამიტომ მიჰბაძეთ ღმერთს,+ როგორც საყვარელმა შვილებმა,
2 და იარეთ სიყვარულში,+ როგორც ქრისტემ შეგიყვარათ+ და თქვენთვის საკუთარი თავი გადასცა ღმერთს შესაწირავად+ და მსხვერპლად, ტკბილ სურნელებად.+
3 სიძვა,+ ყოველგვარი უწმინდურება და სიხარბე+ არც კი იხსენიებოდეს თქვენ შორის,+ როგორც წმინდებს შეეფერებათ,+
4 არც სამარცხვინო საქციელი,+ სულელური ლაპარაკი და უწმაწური+ ხუმრობა. პირიქით, მუდამ მადლიერება გამოხატეთ,+
5 რადგან იცით და გესმით, რომ არც მეძავს,+ არც უწმინდურს და არც ხარბს,+ იგივე კერპთაყვანისმცემელს, არა აქვს მემკვიდრეობა ღვთისა და ქრისტეს სამეფოში.+
6 ნურავინ შეგაცდენთ ფუჭი სიტყვებით,+ რადგან ყოველივე ზემოხსენებულისთვის ღვთის რისხვა ეწევა ურჩობის ძეებს.+
7 ამიტომ საერთო არაფერი გქონდეთ მათთან,+
8 ვინაიდან ერთ დროს სიბნელე იყავით,+ მაგრამ ახლა სინათლე ხართ+ უფალში. იარეთ, როგორც სინათლის შვილებმა,
9 რადგან სინათლის ნაყოფია ყოველივე კარგი, სიმართლე და ჭეშმარიტება.+
10 ყოველთვის შეამოწმეთ, რა არის მოსაწონი+ უფლისთვის,
11 და ნუღარ იქნებით მათი თანამონაწილენი+ სიბნელის+ უნაყოფო საქმეებში, არამედ ამხილეთ+ ისინი,
12 რადგან მოსაყოლადაც კი სამარცხვინოა, რასაც ისინი ფარულად აკეთებენ.+
13 ყველაფერი, რაც მხილებულია,+ სინათლის მეშვეობით ხდება ცხადი, რადგან ყველაფერი, რაც ცხადი ხდება,+ სინათლეა.
14 ამიტომ ის ამბობს: „გაიღვიძე,+ მძინარევ, აღდექ მკვდრეთით+ და ქრისტე გაგინათებს“.+
15 მაშ, კარგად დაუკვირდით, რომ ისე კი არ იაროთ,+ როგორც უგუნურებმა, არამედ როგორც ბრძენებმა,
16 გამოისყიდეთ თქვენთვის ხელსაყრელი დრო,+ რადგან დღეები ბოროტია.+
17 ამიტომ ნუღარ იქნებით უგუნურები, არამედ ჩასწვდით,+ რა არის იეჰოვას ნება.+
18 აგრეთვე, ნუ დათვრებით+ ღვინით, რაშიც აღვირახსნილობაა,+ არამედ სულით ივსებოდეთ,+
19 ელაპარაკეთ ერთმანეთს ფსალმუნებით,+ ღვთის საქებარი სიტყვებითა+ და სულიერი სიმღერებით.+ გულში უმღერეთ+ იეჰოვას, განადიდეთ
20 და ჩვენი უფლის, იესო ქრისტეს სახელით ყოველთვის მადლობდეთ+ ყველაფრისთვის ჩვენს ღმერთსა და მამას.
21 დაემორჩილეთ ერთმანეთს+ ქრისტეს შიშით.
22 ცოლები დაემორჩილონ+ ქმრებს, როგორც უფალს,
23 რადგან ქმარი ცოლის თავია,+ როგორც ქრისტეა კრების თავი,+ ამ სხეულის მხსნელი.
24 და როგორც კრება ემორჩილება ქრისტეს, ისე დაემორჩილონ ცოლებიც თავიანთ ქმრებს ყველაფერში.+
25 ქმრებო, გიყვარდეთ თქვენი ცოლები,+ როგორც ქრისტემ შეიყვარა კრება და თავი გასწირა მისთვის,+
26 რათა განეწმინდა იგი+ და გაესუფთავებინა სიტყვის საშუალებით წყალში განბანით,+
27 რომ საკუთარი თავისთვის წარედგინა კრება მთელი სიდიადით,+ რომელსაც არ ექნება ლაქა, ნაოჭი ან რაიმე მსგავსი, არამედ წმინდა და უმანკო იქნება.+
28 ქმრებსაც ისე უნდა უყვარდეთ ცოლები, როგორც საკუთარი სხეულები. ვისაც ცოლი უყვარს, მას საკუთარი თავი უყვარს,
29 რადგან არავის არასოდეს მოსძულებია თავისი ხორცი, არამედ კვებავს მას და ზრუნვას არ აკლებს,+ როგორც ქრისტე — კრებას,
30 ვინაიდან ჩვენ მისი სხეულის ნაწილები ვართ.+
31 „ამიტომ მიატოვებს კაცი მამას და დედას, მიეკვრება ცოლს და ორნი ერთი ხორცი იქნებიან“.+
32 დიდია ეს წმინდა საიდუმლო;+ ამას ქრისტესა და კრებაზე ვამბობ.+
33 ამიტომ თითოეულ თქვენგანს ისე უყვარდეს თავისი ცოლი,+ როგორც საკუთარი თავი, ცოლი კი დიდ პატივს უნდა სცემდეს+ ქმარს.