ფს. 42:1—11
გუნდის ხელმძღვანელს. მასქილი კორახის ძეებისთვის+
42 როგორც ფურირემი ილტვის წყლის ნაკადებისკენ,ისე ილტვის ჩემი სული შენკენ, ღმერთო.+
2 ღმერთი, ცოცხალი ღმერთი+ სწყურია ჩემს სულს.+როდის მივალ და გამოვცხადდები ღვთის წინაშე?+
3 დღედაღამ ცრემლები მაქვს საჭმელად.+მთელი დღე მეკითხებიან: სად არისო შენი ღმერთი?+
4 მემახსოვრება ეს ყველაფერი და სულს გადმოვღვრი.+ხალხთან ერთად მივდიოდი ხოლმე,ნელა მივუძღვებოდი მათ ღვთის სახლისკენ+და მოზეიმე ხალხი+მხიარული ყიჟინითა და სამადლობელი შეძახილებით უკან მომყვებოდა.+
5 რატომ ხარ იმედგადაწურული, ჩემო სულო,+და რატომ შფოთავ ჩემში?+ღმერთს დაელოდე;+მას შევასხამ ხოტბას, ჩემს დიდებულ მხსნელს.+
6 ჩემო ღმერთო, იმედი გადაეწურა ჩემს სულს.+ამიტომაც მახსოვხარ+იორდანის მხარედან, ხერმონის მწვერვალებიდან+ დაპატარა მთიდან.+
7 ღრმა წყალი ღრმა წყალს ეძახისშენი წყლის ნაკადების ხმაზე.ყველა შენი ზვირთი და ტალღა+თავზე გადამევლო.+
8 დღისით თავის სიკეთეს* გამომიგზავნის იეჰოვა,+ღამით კი ვიმღერებ მასზე.+ლოცვას აღვუვლენ ჩემი სიცოცხლის ღმერთს.+
9 ვეტყვი ღმერთს, ჩემს კლდეს:+„რატომ დამივიწყე?+რატომ დავდივარ ნაღვლიანი, ჩემი მტრებისგან დაჩაგრული?“+
10 ძვლები შემიმუსრეს მტრებმა და შეურაცხმყვეს,+თან მთელი დღე მეკითხებიან: სად არისო შენი ღმერთი?+
11 რატომ ხარ იმედგადაწურული, ჩემო სულო,+და რატომ შფოთავ ჩემში?+ღმერთს დაელოდე;+მას შევასხამ ხოტბას, ჩემს დიდებულ მხსნელსა და ჩემს ღმერთს.+
სქოლიოები
^ ანუ ერთგული სიყვარული. ებრაულად ხესედ, რაც ნიშნავს სიყვარულით გამოვლენილ სიკეთეს.