1 იოანე 3:1—24
3 ნახეთ, როგორი სიყვარული+ გამოავლინა მამამ ჩვენდამი, რათა ღვთის შვილებად ვიწოდებოდეთ+ და ვართ კიდეც მისი შვილები. ქვეყნიერება+ იმიტომ არ გვიცნობს, რომ ის არ შეუცნია.+
2 საყვარელნო, ახლა ჩვენ ღვთის შვილები ვართ,+ მაგრამ ჯერ ცხადი არ გამხდარა, როგორები ვიქნებით.+ ვიცით, რომ მისი გამოცხადებისას+ მისი მსგავსნი ვიქნებით,+ რადგან ვიხილავთ მას ისეთს, როგორიც არის.+
3 ვინც ამ იმედს ამყარებს მასზე, წმინდა ხდება,+ როგორც ის არის წმინდა.+
4 ვინც სცოდავს,+ უკანონობას სჩადის,+ ასე რომ, ცოდვა+ უკანონობაა.
5 ისიც იცით, რომ ის ჩვენი ცოდვების ჩამოსაშორებლად+ გამოჩნდა და მასში არ არის ცოდვა.+
6 ვინც ერთობაში რჩება მასთან,+ არ სცოდავს.+ მას, ვინც სცოდავს, არც უხილავს იგი და არც შეუცნია.+
7 შვილებო, არავინ შეგაცდინოთ; სიმართლის მოქმედი მართალია ისევე, როგორც ის არის მართალი.+
8 შემცოდველი ეშმაკისგან არის, რადგან ეშმაკი დასაბამიდან სცოდავს.+ ღვთის ძე სწორედ იმიტომ გამოჩნდა,+ რომ დაემსხვრია ეშმაკის საქმეები.+
9 ღვთისგან შობილი არ სცოდავს,+ რადგან ღვთის ნაყოფიერი თესლი რჩება მასში და არ შეუძლია ცოდვის ჩადენა, რადგან ღვთისგან არის შობილი.+
10 ამით ამოიცნობიან ღვთის შვილები და ეშმაკის შვილები: ვინც სიმართლით+ არ იქცევა და ვისაც თავისი ძმა არ უყვარს, ღვთისგან არ არის,+
11 რადგან დასაწყისიდანვე მოგისმენიათ,+ რომ უნდა გვიყვარდეს ერთმანეთი,+
12 მაგრამ არა კაენის მსგავსად, რომელიც ბოროტისგან იყო და დაუნდობლად მოკლა+ თავისი ძმა. მერედა რისი გულისთვის მოკლა? იმისთვის, რომ მისი საქმეები ბოროტი+ იყო, მისი ძმისა კი — მართალი.+
13 ნუ გაგიკვირდებათ, ძმებო, ქვეყნიერებას რომ სძულხართ.+
14 ჩვენ ვიცით, რომ სიკვდილიდან სიცოცხლეში გადავედით,+ რადგან ძმები გვიყვარს,+ ვისაც არ უყვარს, სიკვდილში რჩება;+
15 ვისაც თავისი ძმა სძულს,+ მკვლელია;+ თქვენ კი იცით, რომ არც ერთ მკვლელში+ არ რჩება მარადიული სიცოცხლე.+
16 იმით შევიცანით სიყვარული,+ რომ მან თავისი სული* გაწირა ჩვენთვის;+ ჩვენც ვალდებულნი ვართ, ჩვენი სულები გავწიროთ ძმებისთვის.+
17 თუ ვინმეს საარსებო საშუალება აქვს,+ ძმას კი გაჭირვებაში ხედავს,+ მაგრამ თანაგრძნობის კარს უკეტავს,+ როგორღა რჩება მასში ღვთის სიყვარული?+
18 შვილებო, გვიყვარდეს+ არა სიტყვითა და ენით,+ არამედ საქმითა+ და ჭეშმარიტებით.+
19 ამგვარად გვეცოდინება, რომ ჭეშმარიტებისგან+ ვართ და გულდაჯერებულები ვიქნებით მის წინაშე
20 ყველაფერში, რაშიც ჩვენი გული გვდებს მსჯავრს,+ რადგან ღმერთი ჩვენს გულებზე დიდია და მან ყველაფერი იცის.+
21 საყვარელნო, თუ ჩვენი გული არ გვდებს მსჯავრს, თამამად ვილაპარაკებთ ღვთის წინაშე+
22 და რასაც კი ვთხოვთ, ვიღებთ მისგან,+ რადგან ვიცავთ მის მცნებებს და ვაკეთებთ იმას, რაც მოსაწონია მის თვალში.+
23 მისი მცნება კი ის არის, რომ გვწამდეს მისი ძის, იესო ქრისტეს სახელი+ და გვიყვარდეს ერთმანეთი ისე,+ როგორც მან დაგვიდო მცნებად.
24 უფრო მეტიც, ვინც მის მცნებებს იცავს, ერთობაში რჩება მასთან და ისიც ერთობაშია ასეთ ადამიანთან;+ ის რომ ერთობაში რჩება ჩვენთან,+ ვიგებთ სულით,+ რომელიც მან მოგვცა.
სქოლიოები
^ ბერძნულად ფსიქე. იხილეთ დანართი 2ა.
