1 მატიანე 13:1—14
13 ეთათბირა დავითი ათასისთავებს, ასისთავებსა და ყველა წინამძღოლს,+
2 და უთხრა დავითმა ისრაელის მთელ კრებულს: „თუ თქვენ თანახმანი იქნებით და თუ ეს მოსაწონი იქნება იეჰოვასთვის, ჩვენი ღვთისთვის, შევუთვალოთ ისრაელის მიწაზე დარჩენილ ჩვენს ძმებს+ და მათთან ერთად მღვდლებსა+ და ლევიანებს+ მათ ქალაქებში და საძოვრებზე,+ რომ შემოგვიერთდნენ.
3 ჩვენთან გადმოვიტანოთ ჩვენი ღვთის კიდობანი“.+ საულის დროს არავის უზრუნია მასზე.+
4 მთელმა კრებულმა თქვა, რომ ასეც მოიქცეოდნენ, რადგან სწორი იყო ეს ხალხის თვალში.+
5 შეკრიბა დავითმა+ მთელი ისრაელი ეგვიპტის მდინარიდან+ ხამათის შესასვლელამდე,+ რომ კირიათ-იეარიმიდან+ ჭეშმარიტი ღვთის კიდობანი+ გადმოეტანათ.
6 დავითი მთელ ისრაელთან ერთად ავიდა ბაალაში,+ იუდას კირიათ-იეარიმში, რომ იქიდან წამოეღოთ ქერუბიმებზე მჯდომი+ ჭეშმარიტი ღვთის, იეჰოვას, კიდობანი, რომელიც მისი სახელით იწოდება.
7 ჭეშმარიტი ღვთის კიდობანი მათ ახალი ურმით+ წამოიღეს აბინადაბის სახლიდან. ურემს წინ უზა და ახიო+ მიუძღოდნენ.
8 დავითი და მთელი ისრაელი მთელი შემართებით ზეიმობდნენ+ ჭეშმარიტი ღვთის წინაშე; ისინი მღეროდნენ,+ უკრავდნენ ქნარებზე,+ სხვა სიმებიან საკრავებზე,+ დაირებზე,+ წინწილებსა და საყვირებზე.+
9 ქიდონის+ კალოსთან იყვნენ ისინი მისულები, როცა ხელი გაიწოდა უზამ კიდობნისთვის ხელის წასავლებად,+ რადგან ხარებმა კინაღამ გადმოაგდეს ის.
10 მაშინ აენთო იეჰოვას რისხვა უზაზე და დასცა მან იგი, რადგან ხელი წაავლო კიდობანს,+ და იქვე მოკვდა ის ღვთის წინაშე.+
11 განრისხდა დავითი,+ იეჰოვას რისხვა რომ აენთო უზაზე, და ამ ადგილს დღემდე ფერეც-უზა* ეწოდება.
12 შეეშინდა იმ დღეს დავითს ჭეშმარიტი ღვთისა+ და თქვა: „როგორ გადმოვიტანო ჩემთან ჭეშმარიტი ღვთის კიდობანი?!“+
13 არ გადაუტანია დავითს კიდობანი თავისთან, დავითის ქალაქში, გვერდზე გადაიტანა ის გათელი+ ობედ-ედომის+ სახლში.
14 ჭეშმარიტი ღვთის კიდობანი სამ თვეს დარჩა ობედ-ედომის სახლეულობასთან,+ მის სახლში, და კურთხევას არ აკლებდა იეჰოვა+ ობედ-ედომის სახლეულობასა და მთელ მის საბადებელს.
