1 მატიანე 17:1—27
17 როცა დავითმა თავის სასახლეში დაიწყო ცხოვრება,+ უთხრა დავითმა ნათან+ წინასწარმეტყველს: „მე კედრის სახლში+ ვცხოვრობ, იეჰოვას შეთანხმების კიდობანი+ კი კარავშია“.+
2 მიუგო ნათანმა დავითს: „გააკეთე, რაც გულში გაქვს,+ რადგან შენთანაა ჭეშმარიტი ღმერთი“.+
3 იმ ღამით ღვთის სიტყვა+ გამოეცხადა ნათანს:
4 «წადი და უთხარი ჩემს მსახურ დავითს, ასე ამბობს-თქო იეჰოვა: „შენ არ ამიშენებ სახლს სამკვიდროდ.+
5 სახლში არ დავმკვიდრებულვარ ისრაელის გამოყვანის დღიდან დღემდე;+ კარვიდან კარავში და სამკვიდროდან+ სამკვიდროში+ ვიმყოფებოდი.
6 განა მთელი იმ დროის განმავლობაში, როცა ისრაელებს შორის დავდიოდი,+ ოდესმე მაინც თუ მითქვამს სიტყვა ისრაელის რომელიმე მსაჯულისთვის, რომლისთვისაც ჩემი ხალხის დამწყემსვა მიბრძანებია, კედრის სახლი რატომ არ ამიშენეთ-მეთქი?!“+
7 უთხარი ჩემს მსახურ დავითს, ასე ამბობს-თქო ლაშქართა ღმერთი იეჰოვა: „მე წამოგიყვანე საძოვრიდან და ფარიდან,+ რომ ჩემი ხალხის, ისრაელის წინამძღოლი+ ყოფილიყავი.
8 შენთან ვიქნები, სადაც კი წახვალ,+ და მოვსპობ შენს მტრებს.+ სახელს გაგითქვამ,+ როგორც დედამიწის დიდებულებს აქვთ განთქმული.+
9 ადგილს მივუჩენ ჩემს ხალხს, ისრაელს, და დავრგავ მათ,+ იქ დამკვიდრდებიან, სადაც არიან, და აღარავინ შეაწუხებთ. უწინდებურად ვეღარ დააუძლურებენ+ უმართლობის ძეები,+
10 მაშინდელივით, როცა მსაჯულები+ დავუყენე ჩემს ხალხს, ისრაელს. დავამცირებ ყველა შენს მტერს.+ გეუბნები, აგიშენებს სახლს* იეჰოვა.+
11 როცა შეივსება შენი დღეები, რომ შეუერთდე შენს მამა-პაპას,+ გამოვაჩენ შთამომავალს, შენს ერთ-ერთ ვაჟს,+ და განვამტკიცებ მის მეფობას.+
12 ის ამიშენებს სახლს+ და მარადიულად განვამტკიცებ მის ტახტს.+
13 მე ვიქნები მისი მამა+ და ის იქნება ჩემი ძე.+ არ წაერთმევა მას ჩემი სიკეთე*,+ როგორც მას, ვინც შენამდე იყო.+
14 მარადიულად დავაყენებ მას ჩემს სახლში+ და ჩემს სამეფოში.+ მარადიული იქნება მისი ტახტი“».+
15 ყველაფერს მოუყვა ნათანი დავითს ამ სიტყვებისა და ხილვის თანახმად.+
16 მივიდა მეფე დავითი, იეჰოვას წინაშე+ დაჯდა და თქვა: „ვინა ვარ მე,+ იეჰოვა ღმერთო, და რა არის ჩემი სახლი,+ რომ აქამდე მომიყვანე!+
17 თითქოს ეს საკმარისი არ ყოფილიყოს,+ ღმერთო,+ შენ შენი მსახურის სახლის შორეულ მომავალზეც ლაპარაკობ,+ იეჰოვა ღმერთო, ისეთ კაცად მთვლი, რომელსაც შეუძლია მეტს მიაღწიოს.+
18 ისე განადიდე შენი მსახური დავითი, რომ მეტი რაღა ეთქმის?!+ შენ კარგად იცნობ შენს მსახურს.+
19 იეჰოვა, შენი მსახურის გულისთვის და შენი გულის სურვილისამებრ+ მოიმოქმედე ეს დიდი საქმეები და ცნობილი გახადე შენი დიდებული ნაღვაწი.+
20 იეჰოვა, არავინაა შენი მსგავსი,+ არავინაა ღმერთი შენ გარდა;+ რაც კი მოგვისმენია, ყველაფერი ამაზე მოწმობს.
21 რომელი ერია დედამიწაზე შენი ხალხის, ისრაელის მსგავსი,+ რომელიც ჭეშმარიტმა ღმერთმა თავისთვის გამოისყიდა,+ რომ შენი დიდებული ნაღვაწითა+ და შიშის მომგვრელი საქმეებით გაგეთქვა სახელი,+ როცა ეგვიპტიდან გამოსყიდული შენი ხალხის წინაშე განდევნე ერები?!
22 შენი ხალხი, ისრაელი, სამარადისოდ შენს ხალხად აქციე+ და შენ გახდი, იეჰოვა, მათი ღმერთი.+
23 იეჰოვა, სამარადისოდ უერთგულე შენს სიტყვას, შენს მსახურსა და მის სახლზე ნათქვამს, და იმოქმედე ნათქვამისამებრ!
24 სამარადისოდ სანდო იყოს და განდიდდეს+ შენი სახელი,+ რომ თქვან, ლაშქართა ღმერთი იეჰოვა,+ ისრაელის ღმერთი,+ ღმერთიაო ისრაელისა!+ განმტკიცდეს შენი მსახურის, დავითის სახლი შენ წინაშე!+
25 ჩემო ღმერთო, შენ გამოუცხადე შენს მსახურს შენი განზრახვა, რომ აუშენებდი სახლს,+ და ამიტომაც მოგმართავს შენი მსახური ლოცვით.
26 იეჰოვა, შენა ხარ ჭეშმარიტი ღმერთი+ და ყოველივე კარგს ჰპირდები შენს მსახურს.+
27 იმოქმედე და აკურთხე შენი მსახურის სახლი, რომ მარადიულად იდგეს შენ წინაშე;+ შენ აკურთხე, იეჰოვა, და ისიც სამარადისოდ კურთხეული იქნება“.+
