1 მატიანე 19:1—19
19 ამის შემდეგ მოკვდა ნახაში,+ ამონის ძეთა მეფე, და მის შემდეგ მისი ვაჟი გამეფდა.+
2 თქვა დავითმა: „სიკეთეს*+ გამოვავლენ ნახაშის ვაჟის, ხანუნის მიმართ, რადგან მამამისმა გამოავლინა სიკეთე ჩემდამი“.+ გაუგზავნა დავითმა მას მაცნეები, რომ ნუგეში ეცათ მისთვის მამამისის სიკვდილის გამო და მივიდნენ დავითის მსახურები ამონის ძეთა+ მიწაზე ხანუნის სანუგეშებლად.
3 უთხრეს ამონის ძეთა მთავრებმა ხანუნს: „ნუთუ მამაშენის პატივისცემით გამოგიგზავნა დავითმა ნუგეშისმცემლები?! განა ქვეყნის დასათვალიერებლად,+ მის დასაზვერად და დასამხობად არ მოვიდნენ შენთან მისი მსახურები?!“+
4 წაიყვანა ხანუნმა დავითის მსახურები,+ გაპარსა ისინი,+ წელს ქვემოთ ტანსაცმელი შემოაჭრა+ და გაუშვა.+
5 მივიდნენ და შეატყობინეს დავითს ამ კაცების ამბავი. მან მაშინვე გაგზავნა ხალხი მათთან შესახვედრად, რადგან დიდად იყვნენ შეურაცხყოფილნი. მეფემ შეუთვალა: „იერიხონში+ დარჩით, სანამ წვერი არ მოგეზრდებათ, და მერე დაბრუნდით“.
6 დაინახეს ამონის ძეებმა, რომ თავი შეაძულეს+ დავითს. გაგზავნეს ხანუნმა+ და ამონის ძეებმა ათასი ვერცხლის ტალანტი+ შუამდინარეთიდან, არამ-მააქადან+ და ცობიდან+ ეტლებისა+ და მხედრების დასაქირავებლად.
7 დაიქირავეს მათ ოცდათორმეტი ათასი ეტლი+ და მააქის მეფე თავისი ხალხით.+ ისინიც მივიდნენ და მედებას+ წინ დაბანაკდნენ. შეიკრიბნენ თავიანთი ქალაქებიდან გამოსული ამონის ძეებიც და საომრად გაემართნენ.
8 გაიგო ეს დავითმა და მაშინვე გაგზავნა იოაბი,+ მთელი ლაშქარი და მათთან ერთად ძლიერი ვაჟკაცები.+
9 გავიდნენ ამონის ძეები და ქალაქის შესასვლელთან დაირაზმნენ, მეფეები+ კი ტრიალ მინდორზე იდგნენ.
10 როცა დაინახა იოაბმა, რომ მტერი ორივე მხრიდან უტევდა, მაშინვე გამოარჩია ისრაელიდან რჩეული მამაკაცები და დარაზმა ისინი სირიელების წინააღმდეგ.+
11 დანარჩენები აბიშაის,+ თავის ძმას ჩააბარა, რათა ამონის ძეთა წინააღმდეგ დარაზმულიყვნენ.+
12 მან თქვა: „თუ სირიელები+ მძლევენ, შენ მიხსენი,+ და თუ ამონის ძეები გძლევენ, მე გიხსნი.+
13 გამაგრდით+ და გამბედაობა მოიკრიბეთ ჩვენი ხალხისა და ჩვენი ღვთის ქალაქების გულისთვის,+ იეჰოვა კი იმას მოიმოქმედებს, რაც მის თვალშია სწორი!“+
14 შეუტიეს იოაბმა და მისმა ხალხმა სირიელებს+ და უკუიქცნენ+ ისინი მისგან.
15 როცა დაინახეს ამონის ძეებმა, რომ უკუიქცნენ+ სირიელები, თვითონაც გაექცნენ აბიშაის, მის ძმას, და ქალაქში შევიდნენ.+ ამის შემდეგ იოაბი იერუსალიმში მივიდა.
16 როცა დაინახეს სირიელებმა, რომ დამარცხდნენ+ ისრაელთან, გაგზავნეს მაცნეები მდინარესთან*+ მცხოვრები სირიელების მოსაყვანად, რომლებსაც ჰადადეზერის მხედართმთავარი, შოფაქი მიუძღოდა წინ.
17 როცა ეს დავითს შეატყობინეს, მან მაშინვე შეკრიბა მთელი ისრაელი, გადალახა იორდანე, მივიდა მათთან და მათ წინააღმდეგ საბრძოლველად დაირაზმა.+ დაირაზმა დავითი სირიელებთან საბრძოლველად და ისინიც შეებრძოლნენ მას.
18 უკუიქცნენ სირიელები+ ისრაელისგან. შვიდი ათასი მეეტლე და ორმოცი ათასი ქვეითი დაუხოცა დავითმა სირიელებს და მოკლა მათი მხედართმთავარი შოფაქიც.+
19 როცა დაინახეს ჰადადეზერის მსახურებმა, რომ დამარცხდნენ ისრაელთან,+ მაშინვე დაუზავდნენ დავითს და მისი მორჩილები გახდნენ.+ მეტად აღარ უცდიათ სირიელებს ამონის ძეების ხსნა.+
