1 მატიანე 23:1—32
23 მოხუცდა დავითი+ და გაძღა დღეებით. მან თავისი ვაჟი სოლომონი+ გაამეფა ისრაელზე.
2 შეკრიბა ისრაელის მთავრები,+ მღვდლები+ და ლევიანები.+
3 ოცდაათი წლის ასაკიდან აღირიცხნენ ლევიანები.+ სათითაოდ აღრიცხული კაცების რიცხვმა ოცდათვრამეტი ათასი შეადგინა.
4 აქედან იეჰოვას სახლის საქმეს ოცდაოთხი ათასი კაცი უწევდა მეთვალყურეობას, ექვსი ათასი კი მთავარი+ და მსაჯული+ იყო,
5 ოთხი ათასი კარიბჭის მცველი+ იყო, ოთხი ათასი კი იმ საკრავებით+ ასხამდა იეჰოვას ხოტბას,+ რომლებზეც დავითს უთქვამს: ხოტბის შესასხმელად გავაკეთეო.
6 დავითმა ისინი ლევის ძეების+ — გერშონის, კეჰათისა და მერარის ჯგუფებად დაყო.+
7 გერშონელთაგან იყვნენ ლადანი და შიმეი.
8 ლადანის ვაჟები იყვნენ: მთავარი იეხიელი,+ ზეთამი და იოელი+ — სულ სამი.
9 შიმეის ვაჟები იყვნენ: შელომოთი, ხაზიელი და ჰარანი — სულ სამი. ისინი იყვნენ ლადანის საგვარეულოთა თავკაცები.
10 შიმეის ვაჟები იყვნენ: იახათი, ზინა*, იეუში და ბერია. ეს ოთხნი იყვნენ შიმეის ვაჟები.
11 იახათი მთავარი იყო, ზიზა მეორე იყო. იეუშსა და ბერიას ბევრი ვაჟი არ ჰყოლიათ, ამიტომ ისინი ერთი დავალების შემსრულებელ ერთ საგვარეულოდ+ იქცნენ.
12 კეჰათის ვაჟები+ იყვნენ: ამრამი, იცჰარი,+ ხებრონი+ და უზიელი+ — სულ ოთხი.
13 ამრამის ვაჟები იყვნენ აარონი+ და მოსე.+ აარონი გამოცალკევებული+ იყო წმინდათაწმინდის+ განსაწმენდად; სამარადისოდ იყვნენ გამოცალკევებულნი ის და მისი ვაჟები, რათა შესაწირავი+ აებოლებინათ იეჰოვასთვის, ემსახურათ მისთვის+ და მარადიულად ეკურთხებინათ+ ხალხი მისი სახელით.
14 მოსეს, ჭეშმარიტი ღვთის კაცის,+ ვაჟები ლევიანთა ტომს ეკუთვნოდნენ.+
15 მოსეს ვაჟები იყვნენ გერშომი+ და ელიეზერი.+
16 გერშომის ვაჟი* იყო თავკაცი შებუელი;+
17 ელიეზერის ვაჟი* იყო თავკაცი რეხაბია.+ ელიეზერს სხვა ვაჟები არ ჰყოლია, რეხაბიას ვაჟები კი ძალიან გამრავლდნენ.
18 იცჰარის+ ვაჟი* იყო მთავარი შელომითი.+
19 ხებრონის ვაჟები იყვნენ: თავკაცი იერია, მეორე — ამარია, მესამე — იახაზიელი და მეოთხე — იეკამეამი.+
20 უზიელის ვაჟები+ იყვნენ: თავკაცი მიქა და მეორე — იშია.
21 მერარის ვაჟები+ იყვნენ მახლი და მუში.+ მახლის ვაჟები იყვნენ ელეაზარი+ და კიში.
22 ელეაზარი ისე მოკვდა, რომ ვაჟები არ ჰყოლია, მხოლოდ ასულები დარჩა. ამიტომ, კიშის ვაჟებმა, მათმა ძმებმა შეირთეს ისინი.+
23 მუშის ვაჟები იყვნენ: მახლი, ედერი და იერემოთი+ — სულ სამი.
24 ისინი იყვნენ ლევის ძეები თავ-თავიანთი საგვარეულოების მიხედვით,+ საგვარეულოთა თავკაცები, სათითაოდ აღრიცხულნი ოცი წლის ასაკიდან მოყოლებული+ დანიშნულებისა და სახელების მიხედვით, იეჰოვას სახლის საქმის შემსრულებლები.+
25 დავითმა თქვა: „იეჰოვამ, ისრაელის ღმერთმა დაასვენა თავისი ხალხი.+ ის მარადიულად დამკვიდრდება იერუსალიმში.+
26 ლევიანებს აღარ მოუწევთ კარვისა და იმ ნივთების ტარება, რომლებსაც მსახურებაში იყენებენ“.+
27 დავითის უკანასკნელი სიტყვებისამებრ+ ისინი აღირიცხნენ ლევის ძეთაგან ოცი წლიდან მოყოლებული.
28 ისინი უნდა მიხმარებოდნენ აარონის ძეებს+ იეჰოვას სახლში მსახურებისას; მათ უნდა ეზრუნათ ეზოებზე,+ სასადილო ოთახებზე,+ ყველა წმინდა ნივთის განწმენდასა+ და ჭეშმარიტი ღვთის სახლში მსახურებაზე;
29 მათ უნდა ეზრუნათ წარსადგენ პურებზე,+ მარცვლეული შესაწირავისთვის განკუთვნილ წმინდად დაფქულ ფქვილზე,+ უფუარ კვერებზე,+ კეცის კვერებზე,+ მოზელილ ცომსა+ და ზომა-წონაზე;+
30 ისინი დილა-საღამოს+ უნდა მდგარიყვნენ+ და ექოთ+ და ედიდებინათ+ იეჰოვა;
31 მათ იეჰოვას წინაშე მუდამ უნდა ეზრუნათ იმაზე, რომ შაბათობით,+ ახალმთვარობებისა+ და დღესასწაულების დროს+ იეჰოვასთვის შეეწირათ იმდენი დასაწვავი მსხვერპლი, რამდენიც წესით იყო დადგენილი.
32 ისინი ზრუნავდნენ შეხვედრის კარვის, წმინდა ადგილისა+ და თავიანთი ძმების, აარონის ძეების დაცვაზე+ იეჰოვას სახლში მსახურების შესასრულებლად.+
სქოლიოები
^ იგივე ზიზა 23:11-ში.
^ სიტყვასიტყვით — ვაჟები.
^ სიტყვასიტყვით — ვაჟები.
^ სიტყვასიტყვით — ვაჟები.