1 მატიანე 24:1—31
24 აარონის ძეები ჯგუფებად იყვნენ დაყოფილნი. აარონის ვაჟები იყვნენ: ნადაბი,+ აბიჰუ,+ ელეაზარი+ და ითამარი.+
2 ნადაბი და აბიჰუ+ თავიანთ მამაზე ადრე დაიხოცნენ ისე,+ რომ ვაჟები არ ჰყოლიათ, ელეაზარმა+ და ითამარმა კი განაგრძეს მღვდელმსახურება.
3 დავითმა, ელეაზარის ძეთაგან ცადოკმა+ და ითამარის ძეთაგან ახიმელექმა+ დანიშნულებისამებრ ჯგუფებად დაყვეს ისინი.+
4 ელეაზარის ძეებს შორის უფრო მეტი მთავარი აღმოჩნდა, ვიდრე ითამარის ძეებს შორის. ამიტომ, ისე გადაანაწილეს ისინი, რომ ელეაზარის ძეებს საგვარეულოთა თავკაცებად თექვსმეტი კაცი არგუნეს, ითამარის ძეებს კი — რვა.
5 წილისყრით გაანაწილეს+ ერთნიცა და მეორენიც, რადგან ელეაზარის ძეთაგან და ითამარის ძეთაგან უნდა ყოფილიყვნენ მთავრები, რომლებსაც წმინდა ადგილი+ ექნებოდათ ჩაბარებული და რომლებიც მოემსახურებოდნენ ჭეშმარიტ ღმერთს.
6 ლევიანთა მწერალმა+ შემაიამ, ნეთანელის ძემ, აღნუსხა ისინი მეფის, მთავრების, ცადოკ+ მღვდლის, ახიმელექ+ აბიათარის ძის,+ მღვდლებისა და ლევიანების+ საგვარეულოთა თავკაცების წინაშე. ერთ საგვარეულოს ელეაზარის+ ძეთაგან ირჩევდნენ და მეორეს ითამარის ძეთაგან.+
7 აი ასე ერგოთ წილი: პირველი — იეჰოიარიბს,+ მეორე — იედაიას,
8 მესამე — ხარიმს, მეოთხე — სეორიმს,
9 მეხუთე — მალქიას, მეექვსე — მიამინს,
10 მეშვიდე — ჰაკოცს, მერვე — აბიას,+
11 მეცხრე — იეშუას, მეათე — შექანიას,
12 მეთერთმეტე — ელიაშიბს, მეთორმეტე — იაკიმს,
13 მეცამეტე — ხუფას, მეთოთხმეტე — იეშებაბს,
14 მეთხუთმეტე — ბილგას, მეთექვსმეტე — იმერს,
15 მეჩვიდმეტე — ხეზირს, მეთვრამეტე — ფიცეცს,
16 მეცხრამეტე — ფეთახიას, მეოცე — იეხეზკელს,
17 ოცდამეერთე — იაქინს, ოცდამეორე — გამულს,
18 ოცდამესამე — დელაიას და ოცდამეოთხე — მააციას.
19 ასე იყვნენ ისინი დაჯგუფებულნი,+ რათა შესულიყვნენ იეჰოვას სახლში თავიანთი მსახურების+ შესასრულებლად იმ უფლებამოსილებისამებრ,+ რომელიც მათმა წინაპარმა, აარონმა მისცა მათ, იეჰოვას, ისრაელის ღვთის ბრძანებისამებრ.
20 ლევის დანარჩენ ძეთაგან იყვნენ: ამრამის+ ძეთაგან — შუბაელი, შუბაელის+ ძეთაგან — იეხდეია;
21 რეხაბიასგან,+ მის ძეთაგან — თავკაცი იშია;
22 იცჰარელებისგან+ — შელომოთი,+ შელომოთის ძეთაგან — იახათი;
23 ხებრონის+ ძეთაგან — თავკაცი იერია,+ მეორე — ამარია, მესამე — იახაზიელი და მეოთხე — იეკამეამი.
24 უზიელის ვაჟი* იყო მიქა, მიქას+ ძეთაგან — შამირი.
25 მიქას ძმა იყო იშია, იშიას ძეთაგან — ზაქარია.
26 მერარის+ ვაჟები იყვნენ მახლი+ და მუში.+ იააზიას ვაჟი* იყო ბენო.
27 მერარის ვაჟები იყვნენ: იააზიასგან — ბენო, შოჰამი, ზაქური და იბრი;
28 მახლისგან — ელეაზარი, რომელსაც ვაჟი არ ჰყოლია;+
29 კიშისგან — მისი ვაჟი* იერახმეელი.
30 მუშის ვაჟები იყვნენ: მახლი,+ ედერი და იერიმოთი.+
ისინი იყვნენ ლევიანთა ძეები თავიანთი საგვარეულოების+ მიხედვით.
31 მათაც ყარეს წილი+ ისევე, როგორც მათმა ძმებმა, აარონის ძეებმა ყარეს წილი დავით მეფის, ცადოკის, ახიმელექის, მღვდელთა და ლევიანთა საგვარეულოების თავკაცების წინაშე. უფროსი მთავრის საგვარეულო+ ისეთივე იყო, როგორიც მისი უმცროსი ძმისა.
