1 მატიანე 27:1—34
27 აი ისრაელის ძეების რიცხვი, საგვარეულოთა თავკაცების,+ ათასისთავების,+ ასისთავების,+ მათი მთავრების, რომლებიც მეფეს ემსახურებოდნენ+ და ყველა იმ საქმეს ზედამხედველობდნენ, რაც წლის განმავლობაში ყოველთვიურად მიმსვლელ-მომსვლელთა დანაყოფებს ეხებოდა, ოცდაოთხი ათასი კაცი თითოეულ დანაყოფში.
2 პირველ თვეს პირველ დანაყოფს მეთაურობდა იაშობამი,+ ზაბდიელის ვაჟი; მის დანაყოფში ოცდაოთხი ათასი კაცი იყო.
3 ფერეცის+ ძეთაგან ზოგიერთები პირველ თვეს მომსახურე დანაყოფების ზედამხედველებს მეთაურობდნენ.
4 მეორე თვეს მომსახურე დანაყოფს ზედამხედველობდა ახოხელი+ დოდაი+ და მისი დანაყოფი; წინამძღოლი იყო მიკლოთი, მის დანაყოფში ოცდაოთხი ათასი კაცი იყო.
5 მესამე თვეს მომსახურე მესამე დანაყოფს ზედამხედველობდა ბენაია,+ უფროსი მღვდლის, იეჰოიადას+ ვაჟი; მის დანაყოფში ოცდაოთხი ათასი კაცი იყო.
6 ბენაია+ ოცდაათთაგან ერთ-ერთი ძლიერი ვაჟკაცი,+ ოცდაათის მეთაური იყო. მის დანაყოფს მისი ვაჟი ამიზაბადი მეთაურობდა.
7 მეოთხე თვეს მეოთხე იყო ასაჰელი,+ იოაბის ძმა,+ და მის შემდეგ მისი ვაჟი ზებადია; მის დანაყოფში ოცდაოთხი ათასი კაცი იყო.
8 მეხუთე თვეს მეხუთე დანაყოფს ზედამხედველობდა იზრახელი შამჰუთი;+ მის დანაყოფში ოცდაოთხი ათასი კაცი იყო.
9 მეექვსე თვეს მეექვსე იყო თეკოელი+ ირა,+ იკეშის ვაჟი;+ მის დანაყოფში ოცდაოთხი ათასი კაცი იყო.
10 მეშვიდე თვეს მეშვიდე იყო ფელონელი+ ხელეცი+ ეფრემის ძეთაგან; მის დანაყოფში ოცდაოთხი ათასი კაცი იყო.
11 მერვე თვეს მერვე იყო ხუშელი სიბექაი+ ზერახელთაგან;+ მის დანაყოფში ოცდაოთხი ათასი კაცი იყო.
12 მეცხრე თვეს მეცხრე იყო ანათოთელი+ აბი-ეზერი+ ბენიამინელთაგან; მის დანაყოფში ოცდაოთხი ათასი კაცი იყო.
13 მეათე თვეს მეათე იყო ნეტოფათელი მაჰრაი+ ზერახელთაგან;+ მის დანაყოფში ოცდაოთხი ათასი კაცი იყო.
14 მეთერთმეტე თვეს მეთერთმეტე იყო ფირათონელი ბენაია+ ეფრემის+ ძეთაგან; მის დანაყოფში ოცდაოთხი ათასი კაცი იყო.
15 მეთორმეტე თვეს მეთორმეტე იყო ნეტოფათელი ხელდაი+ ოთნიელის ძეთაგან; მის დანაყოფში ოცდაოთხი ათასი კაცი იყო.
16 ისრაელის ტომების წინამძღოლები+ იყვნენ: რეუბენელებისა — ელიეზერი, ზიქრის ვაჟი; სიმონელებისა — შეფატია, მააქას ვაჟი;
17 ლევისა — ხაშაბია, კემუელის ვაჟი; აარონისა — ცადოკი;+
18 იუდასი — ელიჰუ,+ დავითის ერთ-ერთი ძმა;+ ისაქარისა — ომრი, მიქაელის ვაჟი;
19 ზებულონისა — იშმაია, ობადიას ვაჟი; ნაფთალისა — იერიმოთი, აზრიელის ვაჟი;
20 ეფრემის ძეებისა — ჰოშეა, აზაზიას ვაჟი; მენაშეს ტომის ნახევრისა — იოელი, ფედაიას ვაჟი;
21 გალაადში მცხოვრები მენაშეს ტომის ნახევრისა — იდო, ზაქარიას ვაჟი; ბენიამინისა — იაასიელი, აბნერის+ ვაჟი;
22 დანისა — აზარელი, იეროხამის ვაჟი. ისინი იყვნენ ისრაელის ტომების მთავრები.+
23 არავინ აღურიცხავს დავითს ოცი წლის და ოც წლამდე ასაკის, რადგან იეჰოვა დაჰპირდა, რომ ცის ვარსკვლავებივით გაამრავლებდა ისრაელს.+
24 დაიწყო აღრიცხვა იოაბმა,+ ცერუიას ვაჟმა, მაგრამ არ დაუმთავრებია.+ რისხვა დაატყდა+ ისრაელს ამ ამბის გამო და არ ჩაწერილა ეს რიცხვი დავით მეფის მატიანეში.
25 მეფის საგანძურს+ მეთვალყურეობდა აზმავეთი, ადიელის ვაჟი; მინდვრის,+ ქალაქის,+ სოფლებისა და კოშკების საწყობებს — იონათანი, უზიას ვაჟი;
26 ყანაში მომუშავეებს, მიწათმოქმედებს+ — ეზრი, ქელუბის ვაჟი;
27 ვენახებს+ — რამათელი შიმეი; ვენახებში ღვინის მარაგს — შიფმითელი ზაბდი;
28 შეფელას+ ზეთისხილის კორომებსა და სიკომოროს+ ხეებს — გედერელი ბაალ-ხანანი; ზეთის+ მარაგს — იოაში;
29 შარონში მობალახე საქონლის ჯოგებს — შარონელი+ შიტრაი; ველებზე მობალახე საქონლის ჯოგებს — შაფატი, ადლაის ვაჟი;
30 აქლემებს+ — ისმაელელი+ ობილი; ჭაკ ვირებს — მერონოთელი იეხდეია;
31 ცხვრის ფარებს კი — აგრელი იაზიზი. ისინი იყვნენ დავით მეფის ავლა-დიდების ზედამხედველები.
32 დავითის ძმისშვილი, იონათანი,+ გონიერი კაცი,+ მრჩეველიც იყო და მწერალიც; იეხიელი, ხაქმონის+ ვაჟი, უფლისწულებთან იყო;+
33 ახითოფელი+ მეფის მრჩეველი+ იყო; არქიელი+ ხუშაი+ — მეფის მეგობარი;+
34 ახითოფელის შემდეგ იყვნენ იეჰოიადა, ბენაიას+ ვაჟი, და აბიათარი;+ იოაბი+ მეფის ჯარის მხედართმთავარი იყო.
