2 იოანე 1:1—13
1 უხუცესი+ რჩეულ ქალბატონსა+ და მის შვილებს, რომლებიც გულწრფელად მიყვარს+ და არა მარტო მე, არამედ ყველას, ვინც კი ჭეშმარიტება შეიცნო,+
2 ჭეშმარიტების გამო, რომელიც ჩვენში რჩება+ და სამუდამოდ ჩვენთან იქნება.+
3 წყალობა,+ გულმოწყალება და მშვიდობა გვექნება ღვთისგან, მამისგან,+ და იესო ქრისტესგან, მამის ძისგან, ჭეშმარიტებასა და სიყვარულთან ერთად.+
4 ძალიან მიხარია იმის დანახვა, რომ ზოგიერთი შენი შვილი+ ჭეშმარიტებაში დადის,+ როგორც მივიღეთ მცნება მამისგან.+
5 ახლა კი, ქალბატონო, რამე ახალს კი არ გთხოვ, არამედ გწერ იმავე მცნებას,+ რომელიც დასაწყისიდანვე გვაქვს,+ რომ გვიყვარდეს ერთმანეთი.+
6 სიყვარული კი ის არის,+ რომ მისი მცნებების თანახმად დავდიოდეთ,+ და როგორც დასაწყისშივე მოისმინეთ, მისი მცნებაა, რომ კვლავაც მასში იაროთ.+
7 ბევრი მატყუარა გაჩნდა ქვეყანაზე,+ რომლებიც არ აღიარებენ, რომ იესო ქრისტე ხორციელად მოვიდა.+ ვინც ამას აკეთებს, მატყუარა+ და ანტიქრისტეა.+
8 ფრთხილად იყავით, რომ არ დაკარგოთ ის, რისთვისაც გვიშრომია, არამედ მიიღოთ სრული საზღაური.+
9 მას, ვინც ცდილობს, წინ გაიჭრას+ და ქრისტეს სწავლებაში არ რჩება,+ არა ჰყავს ღმერთი.+ მას კი, ვინც ამ სწავლებაში რჩება, მამაც ჰყავს და ძეც.+
10 თუ ვინმე მოდის თქვენთან და ეს სწავლება არ მოაქვს, ნუ მიიღებთ სახლში+ და ნურც მიესალმებით,+
11 რადგან ვინც მას ესალმება, მისი ბოროტი საქმეების თანამონაწილე ხდება.+
12 თუმცა, ბევრი რამ მაქვს თქვენთვის მოსაწერი, არ მსურს ქაღალდითა და მელნით,+ რადგან იმედი მაქვს, მოვალ თქვენთან და პირისპირ ვილაპარაკებთ,+ რათა სრული+ იყოს თქვენი სიხარული.+
13 მოკითხვას გითვლიან შენი რჩეული დის შვილები.+