3 იოანე 1:1—14
1 უხუცესი+ საყვარელ გაიუსს, რომელიც გულწრფელად მიყვარს.+
2 საყვარელო,+ ვლოცულობ, რომ ჯანმრთელად+ იყო და ყველაფერში წარმატებას აღწევდე+ ისე, როგორც ახლა ხარ წარმატებული.+
3 ძალიან გამიხარდა, როცა ძმები მოვიდნენ და დაამოწმეს ჭეშმარიტებაზე, რომელშიც ხარ და რომელშიც დადიხარ.+
4 არა მაქვს მადლიერების უფრო დიდი მიზეზი, ვიდრე იმის მოსმენა, რომ ჩემი შვილები ჭეშმარიტებაში დადიან.+
5 საყვარელო, ერთგული ხარ ყველაფერში, რასაც აკეთებ ძმებისთვის,+ თანაც უცხოებისთვის,+
6 რომლებმაც კრების წინაშე დაამოწმეს შენი სიყვარულის შესახებ. გთხოვ, ღვთის წინაშე ღირსეულად გაისტუმრო ისინი,+
7 რადგან მისი სახელის გულისთვის გამოვიდნენ და არაფერი წამოუღიათ+ უცხოტომელებისგან.
8 ამიტომ ჩვენ ვალდებულნი ვართ, სტუმართმოყვარეობა+ გამოვავლინოთ ასეთების მიმართ, რათა თანამსახურნი გავხდეთ ჭეშმარიტებაში.+
9 კრებას წერილი მივწერე, მაგრამ პირველობის მოყვარული+ დიოტრეფე ჩვენგან არაფერს იღებს+ პატივისცემით.+
10 ამიტომ, თუ მოვალ, გავიხსენებ მის საქმეებს, რომლებსაც კვლავაც აკეთებს,+ ბოროტ ხმებს რომ ავრცელებს ჩვენზე.+ თან ამასაც არ სჯერდება: არც თვითონ იღებს ძმებს+ პატივისცემით და იმასაც კი ცდილობს, რომ ხელი შეუშალოს+ მათი მიღების+ მსურველებს და კრებიდან გააძევოს+ ისინი.
11 საყვარელო, ცუდს კი ნუ მიჰბაძავ, არამედ — კარგს.+ კარგის მოქმედი ღვთისგან არის,+ ხოლო ცუდის მოქმედს არ უხილავს ღმერთი.+
12 დემეტრიოსის შესახებ ყველამ დაამოწმა,+ თვით ჭეშმარიტებამაც კი. ჩვენც ვამოწმებთ+ და თავად იცი, რომ ჩვენი დამოწმება ჭეშმარიტია.+
13 ბევრი რამ მქონდა შენთვის მოსაწერი, მაგრამ არ მსურს, მელნითა და კალმით განვაგრძო წერა,+
14 რადგან იმედი მაქვს, მალე გნახავ და პირისპირ ვილაპარაკებთ.+
მშვიდობით.+
მეგობრები მოკითხვას გითვლიან.+ ყველა მეგობარი სათითაოდ მომიკითხე.+
