აბდია 1:1—21
1 აბდიას* ხილვა.
აი, რას ამბობს უზენაესი უფალი იეჰოვა ედომზე:+
„ცნობა მივიღეთ იეჰოვასგან.დესპანია გაგზავნილი ხალხებთან და ამბობს,
ადექით, მის წინააღმდეგ საბრძოლველად მოვემზადოთო.+
2 ხალხებს შორის დაგამცირე;მოძულებული ხარ.+
3 შენმა კადნიერმა გულმა გაცდუნა,+კლდის მყუდრო ადგილის მკვიდრო,მაღლობზე დამკვიდრებულო, გულში რომ ამბობ,ვინ ჩამომაგდებსო მიწაზე?!
4 არწივივით მაღლაც რომ დამკვიდრდე*,ვარსკვლავებს შორისაც რომ დაიდო ბუდე,იქიდანაც ჩამოგაგდებ, — ამბობს იეჰოვა. —
5 ქურდები რომ მოსულიყვნენ შენთან, ღამით ყაჩაღები რომ დაგცემოდნენ,განა მხოლოდ იმდენს არ მოიპარავდნენ, რამდენსაც მოისურვებდნენ?!
ყურძნის მკრეფავები რომ მოსულიყვნენ შენთან,
განა მოსამცვრევს მაინც არ დაგიტოვებდნენ?!+შენ კი გაჩანაგდები და მერე როგორ*!
6 როგორ გაიჩხრიკა ესავი!
როგორ მიაგნეს მის გადამალულ განძს!
7 საზღვრამდე მიგრეკეს მათ;
ყველა შენმა მოკავშირემ მოგატყუა,
გძლიეს მათ, ვისთანაც მშვიდობა გქონდა.
შენთან ერთად პურის გამტეხნი ბადეს დაგიგებენ ფეხქვეშ,მაგრამ შენ ვერ მიხვდები ამას.
8 განა არ მოვსპობ იმ დღეს, — ამბობს იეჰოვა, —ბრძენკაცებს ედომში+და გამჭრიახებს — ესავის მთიან მხარეში?!
9 შეძრწუნდებიან+ შენი მეომრები, თემანო,+რადგან ყველა დაეცემა ხოცვა-ჟლეტის დროს ესავის მთიან მხარეში.+
10 რაკი ძალადობდი შენს ძმაზე, იაკობზე,+ძლიერ შერცხვები+და სამუდამოდ გადაშენდები.+
11 იმ დღეს, როცა გვერდზე გადექი,იმ დღეს, როცა უცხოელებმა ტყვედ წაასხეს მისი ჯარი,+როცა უცხოტომელები შევიდნენ მის კარიბჭეში და წილი ყარეს იერუსალიმზე,+შენც ერთ-ერთი მათგანივით იქცეოდი.
12 სეირისთვის არ უნდა გეყურებინა შენი ძმის უბედურების დღეს,+არ უნდა გეხარა იუდას ხალხის შემხედვარეს მათი დაღუპვის დღეს+და ამპარტავნულად არ უნდა გელაპარაკა მათი გასაჭირის დღეს.
13 არ უნდა შესულიყავი ჩემი ხალხის კარიბჭეში მათი უბედურების დღეს,+არ უნდა გაგეხარა მისი გასაჭირით მისი უბედურების დღესდა ხელი არ უნდა გეხლო მისი სიმდიდრისთვის მისი უბედურების დღეს.+
14 გზის გასაყარზე არ უნდა მდგარიყავი გამოქცეულთა დასახოცად,+მტრის ხელში არ უნდა ჩაგეყარა გასაჭირის დღეს გადარჩენილნი.+
15 ახლოს არის იეჰოვას დღე, როცა ის გაილაშქრებს ყველა ხალხის წინააღმდეგ.+
როგორც შენ მოიქეცი, შენც ისევე მოგექცევიან;+
როგორც შენ ეპყრობოდი სხვებს, შენც ისევე მოგეპყრობიან.
16 როგორც თქვენ სვამდით ჩემს წმინდა მთაზე,ისე მოუწევთ ჩემი რისხვის სასმისის სმა ხალხებს;+
შესვამენ და დაცლიან სასმისსდა ისე გაუჩინარდებიან, თითქოს არც კი უარსებიათ.
17 გადარჩენილები სიონის მთაზე იქნებიან,+წმინდა იქნება ის.+კუთვნილს დაეუფლებიან იაკობის შთამომავლები.+
18 ცეცხლად იქცევიან იაკობის შთამომავლები,ცეცხლის ალად — იოსების შთამომავლებიდა ნამჯად — ესავის შთამომავლები;მოედებიან მას და შთანთქავენ,არავინ გადარჩება ესავის შთამომავალთაგან,+რადგან იეჰოვა ამბობს ამას.
19 ისინი დაეუფლებიან ნეგებს და ესავის მთიან მხარეს,+შეფელასა და ფილისტიმელთა მიწას.+
ისინი დაეუფლებიან ეფრემისა და სამარიის ველებს,+ბენიამინი კი გალაადს დაეუფლება.
20 ამ მიწაყრილიდან გადასახლებულების,+ისრაელების გახდება ქანაანელების მიწა სარეფთამდე;+
იერუსალიმიდან გადასახლებულები, სეფარადში რომ მკვიდრობდნენ, ნეგების+ ქალაქებს დაეპატრონებიან.
21 ავლენ მხსნელები სიონის მთაზეესავის მთიანი მხარის გასასამართლებლად,+და იეჰოვასი იქნება მეფობა!“+
სქოლიოები
^ ნიშნავს „იეჰოვას მსახურს“.
^ ან შესაძლოა: „აფრინდე“.
^ ან შესაძლოა: „განა რამდენს გააჩანაგებდნენ?!“
