ამოსი 2:1—16
2 «აი, რას ამბობს იეჰოვა:„არ გავაუქმებ ჩემს გადაწყვეტილებას, რადგან არაერთხელ მეურჩა მოაბი+
და კირად აქცია ედომის მეფის ძვლები.
2 ცეცხლს მივცემ მოაბს და შთანთქავს ის კერიოთის+ გამაგრებულ კოშკებს;ხმაურში დაიღუპება მოაბი,საომარი ყიჟინისა და საყვირის ხმაზე.+
3 მოვსპობ მის მმართველს*და მასთან ერთად დავხოცავ ყველა მის მთავარს“,+ — ამბობს იეჰოვა.
4 აი, რას ამბობს იეჰოვა:„არ გავაუქმებ ჩემს გადაწყვეტილებას, რადგან არაერთხელ მეურჩა იუდა,+უარყო იეჰოვას კანონიდა არ დაიცვა მისი წესები;+მათაც ის სიცრუე დაიჯერეს, მათ მამა-პაპას რომ ურევდა გზა-კვალს.+
5 ცეცხლს მივცემ იუდასდა შთანთქავს ის იერუსალიმის გამაგრებულ კოშკებს“.+
6 აი, რას ამბობს იეჰოვა:„არ გავაუქმებ ჩემს გადაწყვეტილებას, რადგან არაერთხელ მეურჩა ისრაელი,+ვერცხლზე ყიდის მართალსდა წყვილი სანდლის ფასად — ღარიბს.+
7 ისინი მიწის მტვერივით თელავენ უბრალო ხალხს,+გზას უხერგავენ თვინიერებს.+
მამა-შვილი ერთ ქალთან დადისდა ბღალავს ჩემს სახელს.
8 გირაოდ გამორთმეულ ტანსაცმელზე+ გართხმულან ყოველ სამსხვერპლოსთან+და დაჯარიმებულთა ფულით ნაყიდ ღვინოს სვამენ თავიანთი ღმერთების ტაძარში.
9 მე კი მათ თვალწინ მოვსპე ამორეველები,+კედარივით მაღლები და მუხასავით მძლავრები რომ იყვნენ;მაღლა ნაყოფი მოვუსპე და დაბლა — ფესვები.+
10 მე გამოგიყვანეთ ეგვიპტიდან+და 40 წელი გატარებდით უდაბნოში,+რათა დაუფლებოდით ამორეველების მიწას.
11 თქვენს ძეთაგან ზოგი წინასწარმეტყველად დავნიშნე,+თქვენს ჭაბუკთაგან ზოგი — ნაზირად*.+
განა ასე არ იყო, ისრაელებო?! — ამბობს იეჰოვა. —
12 თქვენ კი ნაზირებს ღვინოს ასმევდით+და წინასწარმეტყველებს უბრძანებდით, არ იწინასწარმეტყველოთო.+
13 აი, ისე გაგსრესთ თქვენივე ადგილას,როგორც მარცვლეულის ძნებით სავსე ურემი სრესს ყველაფერს, რაც მის ქვეშ მოყვება.
14 სწრაფს აღარ ექნება გასაქცევი,+ძლიერს აღარ შერჩება ძალა,ვეღარც მეომარი უშველის თავს.
15 მშვილდოსანი ვერ გაძლებს ბრძოლაში,ვერც ფეხმარდი გადარჩებადა ვერც მხედარი გადაირჩენს თავს.
16 მეომართა შორის ყველაზე გულმაგარიც კიშიშველი გაიქცევა იმ დღეს“,+ — ამბობს იეჰოვა».
სქოლიოები
^ სიტყვასიტყვით — „მოსამართლეს“.
^ ებრ. „ნაზირ“, ნიშნავს „გამორჩეულს“, „გამოცალკევებულს“, „მიძღვნილს“.