ამოსი 6:1—14
6 „ვაი თავდაჯერებულთ სიონში,თავს უსაფრთხოდ რომ გრძნობთ სამარიის მთაზე,+რჩეული ერის დიდებულთ,რომლებთანაც მიდიან ისრაელები!
2 გადადით ქალნეში და ნახეთ,
იქიდან წადით დიდ ხამათში+და ფილისტიმელთა გათში ჩადით.
განა სჯობიან ისინი ამ სამეფოებს*?!განა მათი მიწა თქვენსაზე დიდია?!
3 დაგივიწყებიათ უბედურების დღე+და ძალადობა გაბატონებულა თქვენთან.+
4 სპილოს ძვლის+ ტახტებზე წამოწოლილხართ და საწოლებზე გაშხლართულხართ,+ფარის ვერძებსა და ნასუქ ხბოებს ჭამთ,+
5 სიმღერებს ქმნით ქნარზე+და დავითივით საკრავებს იგონებთ,+
6 ღვინით სავსე თასებს ცლით,+საუკეთესო ზეთს იცხებთ
და არ განაღვლებთ იოსების უბედურება.+
7 ამიტომ პირველებს თქვენ გადაგასახლებენ,+ბოლო მოეღება გაშხლართულთა ღრეობას.
8 უზენაესმა უფალმა იეჰოვამ საკუთარი თავი დაიფიცა,+ — ამბობს იეჰოვა, ლაშქართა ღმერთი, —მძაგს იაკობის სიამაყე+და შევიძულე მისი გამაგრებული კოშკები,+მტერს ჩავუგდებ ხელში ქალაქს და ყველაფერს, რაც მასშია.+
9 ათი კაციც რომ დარჩეს ერთ სახლში, მაინც დაიხოცებიან.
10 მოვა ერთ-ერთის ბიძა, რომ ყველა სათითაოდ გამოიტანოს და დაწვას. როცა სახლიდან გამოიტანს მათ ძვლებს, ჰკითხავს სახლში მყოფს, კიდევ არისო ვინმე შენთან; ის კი მიუგებს, არავინ არისო. მაშინ ეტყვის: ჩუმად იყავი, რადგან ახლა არ არისო იეჰოვას სახელის ხსენების დრო.
11 აი, იეჰოვა ბრძანებს+და ის ნანგრევებად აქცევს დიდ სახლსდა გააცამტვერებს პატარა სახლს.+
12 განა დარბიან კლდეზე ცხენებიანდა ხნავენ იქ ხარებით?!
შხამიან მცენარედ გიქცევიათ სამართალიდა აბზინდად — სიმართლის ნაყოფი.+
13 არარაობით ხარობთდა ამბობთ: განა საკუთარი ძალით არ მოვიპოვეთო ძლევამოსილება?!+
14 ისრაელო, აი, შენ წინააღმდეგ აღვძრავ ხალხს,+ —ამბობს იეჰოვა, ლაშქართა ღმერთი, —
ისინი შეგავიწროებენ ლებო-ხამათიდან+ არაბის ხევამდე“.
სქოლიოები
^ სავარაუდოდ, იგულისხმება იუდასა და ისრაელის სამეფოები.
