ესაია 32:1—20
32 აი, სიმართლისთვის+ იმეფებს მეფე+და სამართლიანობისთვის იმმართველებენ მთავრები.
2 თითოეული მათგანი იქნება როგორც თავშესაფარი ქარშიდა საფარი ქარიშხალში,როგორც წყლის ნაკადულები უწყლო მიწაზე,+როგორც დიდი კლდის ჩრდილი გადახრუკულ ადგილას.
3 მხედველთა თვალები აღარ დაიხუჭება,მსმენელთა ყურები გულდასმით მოისმენს.
4 მოჩქარეთა გული ჩაუკვირდება ცოდნას,ენაბლუთა ენა გამართულად და გარკვევით ილაპარაკებს.+
5 უგუნურზე აღარ იტყვიან ხელგაშლილიაო,უსინდისოს აღარ უწოდებენ კეთილშობილს,
6 ვინაიდან უგუნური უგუნურებას ილაპარაკებსდა მისი გული სიავეს განიზრახავს,+რათა ღმერთს განუდგეს და სიტყვით შეურაცხყოს იეჰოვა,რათა უჭმელი დატოვოს მშიერიდა არ დაალევინოს მწყურვალს.
7 უსინდისო ბოროტ ხერხებს მიმართავს;+სხვებს სამარცხვინო საქციელისკენ უბიძგებს,რათა სიცრუით დაღუპოს საწყალი,+თუნდაც სიმართლეს ამბობდეს ღარიბი.
8 ხელგაშლილი ხელგაშლილობას იზრახავსდა მუდამ ხელგაშლილი იქნება.
9 „ადექით, თავმომწონე ქალებო, და უსმინეთ ჩემს ხმას!
უდარდელო ასულებო,+ ყური უგდეთ ჩემს ნათქვამს!
10 წელიწადზე ცოტა მეტ ხანში შეძრწუნდებიან უდარდელები,რადგან დასრულდება რთველი, ნაყოფი კი ვერ შეგროვდება.+
11 აკანკალდით, თავმომწონე ქალებო!
შეძრწუნდით, უდარდელებო!
შემოიძარცვეთ ტანისამოსიდა ჯვალო შემოიხვიეთ თეძოებზე!+
12 მწუხარებისგან მკერდში იცემდეთ ხელსსასურველი მინდვრებისა და ნაყოფიერი ვაზის გამო!
13 ჩემი ხალხის მიწა ეკალბარდებით დაიფარება;მოედება ყველა მხიარულ სახლს,მოზეიმე ქალაქს.+
14 მიგდებულია გამაგრებული კოშკი,მიტოვებულია ხმაურიანი ქალაქი.+
სამუდამოდ გაუკაცრიელდა ოფელი+ და საგუშაგო კოშკი,გარეული ვირების საკუნტრუშოდდა ფარების საიალაღოდ იქცა.+
15 ასე იქნება, სანამ მაღლიდან არ გადმოვა ჩვენზე სული,+უდაბნო ხილნარად არ იქცევა,ხილნარი კი ტყესავით არ იქნება.+
16 უდაბნოში სამართლიანობა დამკვიდრდებადა ხილნარში სიმართლე დაისადგურებს.+
17 მშვიდობას მოიტანს ჭეშმარიტი სიმართლე,+მუდმივი სიმშვიდე და უსაფრთხოება იქნება ჭეშმარიტი სიმართლის ნაყოფი.+
18 ჩემი ხალხი მშვიდობიან სამყოფელში,უსაფრთხო სამკვიდრებელში და წყნარ მოსასვენებელ ადგილას იცხოვრებს.+
19 სეტყვა მოასწორებს ტყესდა მიწასთან გასწორდება ქალაქი.
20 ბედნიერნი ხართ, ვინც თესლს წყლის პირას თესავთ,ვინც ხარსა და ვირს ნებაზე უშვებთ“.+
