ესაია 38:1—22
38 იმ დროს მძიმედ დასნეულდა ხიზკია და სიკვდილის პირას იყო.+ მივიდა მასთან წინასწარმეტყველი ესაია,+ ამოცის ძე, და უთხრა: «აი, რას ამბობს იეჰოვა: „მიეცი მითითებები შენს სახლეულობას, რადგან მოკვდები, ვერ გამოჯანმრთელდები!“»+
2 მაშინ კედლისკენ იბრუნა პირი ხიზკიამ და ლოცვით მიმართა იეჰოვას:
3 „გევედრები, იეჰოვა, გაიხსენე,+ როგორ გემსახურებოდი ერთგულებითა და მთელი გულით,+ და კარგს რომ ვაკეთებდი შენს თვალში“, და მწარედ ატირდა ხიზკია.
4 იეჰოვას სიტყვა ეუწყა ესაიას:
5 «დაბრუნდი და უთხარი ხიზკიას,+ ასე ამბობს-თქო იეჰოვა, შენი წინაპრის, დავითის, ღმერთი: „შევისმინე შენი ლოცვა+ და დავინახე შენი ცრემლები;+ გაგიხანგრძლივებ სიცოცხლეს 15 წლით+
6 და დაგიხსნით ასურეთის მეფის ხელიდან შენც და ამ ქალაქსაც; დავიცავ ამ ქალაქს.+
7 ეს იქნება ნიშანი შენთვის იეჰოვასგან, რომ იეჰოვა შეასრულებს თავის ნათქვამს:+
8 აი, ახაზის კიბეზე* მზის ჩრდილს ათი საფეხურით დავაბრუნებ უკან“».+ ჩრდილიც დაბრუნდა კიბეზე უკან ათი საფეხურით.
9 აი, რა დაწერა იუდას მეფე ხიზკიამ მაშინ, როცა დაავადდა და გამოჯანმრთელდა:
10 „ვთქვი: ჩემი სიცოცხლის შუაგზიდანმომიწევს სამარის* კარიბჭეებში შესვლა.
წამერთმევა დარჩენილი წლები.
11 ვთქვი: ვეღარ ვიხილავ იაჰს*, იაჰს ამ ცისქვეშეთში.+
ვეღარ დავინახავ კაცთა მოდგმას,როცა სიკვდილის ქვეყნის მკვიდრებს შორის აღმოვჩნდები.
12 აიშალა ჩემი სამყოფელი და გამეცალა+მწყემსის კარავივით.
როგორც მქსოველმა ქსოვილი, ისე გადავახვიე ჩემი სიცოცხლე.გადამჭრა მან ქსელის ძაფებივით,
დილიდან დაღამებამდე მიღებს ბოლოს.+
13 დილამდე ვიმშვიდებ თავს.
ის ლომივით მიმტვრევს ძვლებს,დილიდან დაღამებამდე მიღებს ბოლოს.+
14 ნაღვლიანად ვგალობ ნამგალასავით, შაშვივით*,+მტრედივით ვღუღუნებ.+
დაღლილი თვალებით შევყურებ ზეცას:+
იეჰოვა, შავ დღეში ვარ,მხარში ამომიდექი!+
15 რა ვთქვა?!
ის მელაპარაკა და მან იმოქმედა.
ჩემი გასაჭირის გამოთავმდაბლად გავლევ დარჩენილ წლებს.
16 იეჰოვა, ამით* ცოცხლობს კაცი;მეც ამით მიდგას სული.
შენ განმკურნავ და მაცოცხლებ.+
17 მშვიდობის ნაცვლად ბევრი სიმწარე ვიგემე;მაგრამ, რაკი გიყვარდი,სიკვდილის ორმოდან დამიხსენი.+
ზურგს უკან მოისროლე ყველა ჩემი ცოდვა.+
18 ხოტბას ვერ შეგასხამს სამარე,+ვერ განგადიდებს სიკვდილი!+
საფლავში ჩამავალთ ვერ ექნებათ შენი ერთგულების იმედი.+
19 ცოცხალს, მხოლოდ ცოცხალს შეუძლია შენი განდიდება,როგორც მე განგადიდებ დღეს.
მამა ასწავლის თავის ვაჟებს შენი ერთგულების შესახებ.+
20 იეჰოვა, მიხსენი,და ჩემს სიმღერებს სიმებიან საკრავებზე შევასრულებთ+
მთელი ჩვენი სიცოცხლე იეჰოვას ტაძარში“.+
21 თქვა ესაიამ: „მოიტანეთ ლეღვის კვერი* და დაადეთ წყლულზე, რომ გამოკეთდეს!“+
22 მანამდე ხიზკიამ იკითხა: „რა იქნება იმის ნიშანი, რომ მივალ იეჰოვას ტაძარში?“+
სქოლიოები
^ შესაძლოა კიბის საფეხურებს დროის გასაგებად იყენებდნენ, როგორც ეს მზის საათით ხდება.
^ ებრ. „შეოლ“. იხ. „სამარე“ („ბიბლიურ სიტყვათა განმარტებანი“).
^ ღვთის სახელის, იეჰოვას, შემოკლებული ფორმა.
^ ან შესაძლოა: „წეროსავით“.
^ იგულისხმება ღვთის სიტყვები და საქმეები.
^ იგულისხმება ერთად დაპრესილი და გამომშრალი ლეღვი.
