იერემია 22:1—30
22 აი, რას ამბობს იეჰოვა: «წადი იუდას მეფის სასახლეში და იქ წარმოთქვი ეს სიტყვა;
2 გადაეცი დავითის ტახტზე მჯდომ იუდას მეფეს, მოისმინე იეჰოვას სიტყვა შენს მსახურებთან და შენს ხალხთან ერთად, რომლებიც ამ კარიბჭეებში შემოდიან-თქო.
3 აი, რას ამბობს-თქო იეჰოვა: „დადექით სამართლისა და სიმართლის მხარეს, გამომძალველის ხელიდან იხსენით გაძარცული; ცუდად ნუ მოექცევით თქვენ შორის მცხოვრებ უცხოელს, ნურაფერს დაუშავებთ ქვრივ-ობოლს+ და ნუ დაღვრით უდანაშაულო სისხლს ამ ადგილზე.+
4 თუ გულდასმით შეასრულებთ ამ სიტყვას, მაშინ ამ სასახლის კარიბჭეებში შემოვლენ დავითის ტახტზე მსხდომი მეფეები,+ ეტლებსა და ცხენებზე ამხედრებულნი, თავიანთ მსახურებთან და თავიანთ ხალხთან ერთად.+
5 მაგრამ, თუ არ შეასრულებთ ამ სიტყვებს, ჩემს თავს ვფიცავ, — ამბობს იეჰოვა, — გაპარტახდება ეს სასახლე“.+
6 აი, რას ამბობს იეჰოვა იუდას მეფის სასახლეზე:„გალაადივით ხარ ჩემთვის,ლიბანის მწვერვალივით,
მაგრამ უდაბნოდ გაქცევ;ყველა შენი ქალაქი გაუკაცრიელდება.+
7 მოგივლენ ამაოხრებლებს,თითოეულს თავისი იარაღით;+
გაგიჩეხენ საუკეთესო კედრებსდა ცეცხლს მისცემენ.+
8 მრავალი ერი ჩაუვლის ამ ქალაქს და ერთმანეთს ჰკითხავს, რატომ მოექცაო იეჰოვა ასე ამ დიდ ქალაქს?+
9 ისინი უპასუხებენ, იმიტომ, რომ არ დაიცვეს თავიანთი ღვთის, იეჰოვას, შეთანხმება, სხვა ღმერთების წინაშე პირქვე ემხობოდნენ და მათ ემსახურებოდნენო“.+
10 ნუ იგლოვებთ მკვდარს,ნუ დაიტირებთ მას;
გადასახლებული იგლოვეთ,რადგან აღარასოდეს დაბრუნდება შინ და ვეღარ იხილავს სამშობლოს.
11 აი, რას ამბობს იეჰოვა იუდას მეფე შალუმზე*,+ იოშიას ძეზე, რომელიც მამამისის, იოშიას+ ნაცვლად მეფობს და გადასახლებაშია: „ის ვეღარასოდეს დაბრუნდება.
12 იქ მოკვდება, სადაც გადაასახლეს, და ვეღარასოდეს იხილავს ამ მიწას“.+
13 „ვაი მას, ვინც უსამართლოდ იშენებს სახლსდა ზედა ოთახებს,ვინც მუქთად ამუშავებს თავის მოძმესდა გასამრჯელოს არ უხდის,+
14 ვინც ამბობს, დიდ სახლს ავიშენებგანიერი ზედა ოთახებით.
სარკმლებს გავუკეთებ,კედრით მოვაპირკეთებ და წითლად შევღებავო.
15 კედრით რომ მოგაქვს თავი, გგონია, კვლავ იმეფებ?!
მამაშენიც კი ჭამდა და სვამდა,მაგრამ სამართალსა და სიმართლეს აღასრულებდა!+ამიტომაც ემართებოდა ხელი.
16 ის ესარჩლებოდა საწყალსა და ღარიბს სასამართლოშიდა ემართებოდა კიდეც ხელი.
განა ეს იმის დასტური არაა, რომ მიცნობდა?! — ამბობს იეჰოვა. —
17 შენ კი თვალი და გული უპატიოსნო შემოსავლისკენდა უდანაშაულო სისხლის ღვრისკენ მიგიწევს;დღემუდამ იმას ლამობ, ვინმეს რამე გამოსტყუო და გამოსძალო“.
18 ამიტომ აი, რას ამბობს იეჰოვა იუდას მეფე იეჰოიაკიმზე,+ იოშიას ძეზე:„არ იგლოვებენ მას,
ვაი, ჩემო ძმაო, ვაი, ჩემო დაოო!
არ იგლოვებენ მას,
ვაი, ბატონო, ვაი მის სიდიადესო!
19 ვირივით დაიმარხება ის,+წაათრევენ და გადააგდებენიერუსალიმის კარიბჭეთა გარეთ“.+
20 „ადი ლიბანზე და იყვირე,აღიმაღლე ხმა ბაშანში!იყვირე აბარიმიდან,+რადგან შეიმუსრნენ შენი ვნებიანი საყვარლები!+
21 მაშინ დაგელაპარაკე, როცა თავს დაცულად გრძნობდი,
შენ კი მითხარი, არ დაგემორჩილებიო.+
ახალგაზრდობიდან ასეთი იყავი,არ მემორჩილებოდი.+
22 შენს მწყემსებს ქარი დამწყემსავს,+შენს ვნებიან საყვარლებს კი ტყვედ წაასხამენ;
მაშინ შერცხვები და დამცირდები მთელი შენი უბედურების გამო.
23 ლიბანის+ მკვიდრო,კედრებში+ დაბუდებულო,ო, რა ოხვრას მოჰყვები, როცა ტკივილები დაგეწყება,ისეთი ტკივილები, როგორიც მშობიარე ქალს აქვს!“»+
24 «ჩემს თავს ვფიცავ*, — ამბობს იეჰოვა, — ქონია*,+ იუდას მეფეო, იეჰოიაკიმის+ ძეო, ბეჭედიც* რომ ყოფილიყავი ჩემს მარჯვენაზე, მაინც წაგიძრობდი!
25 მათ ხელში ჩაგაგდებ, ვინც შენს მოკვლას ლამობს, ვისიც გეშინია, ბაბილონის მეფე ნაბუქოდონოსორისა და ქალდეველთა ხელში.+
26 შენც და შენს მშობელ დედასაც იმ ქვეყანაში მოგისვრით, სადაც არ დაბადებულხართ; იქ დაიხოცებით.
27 ვერასოდეს დაბრუნდებიან იმ ქვეყანაში, საითაც გული მიუწევთ.+
28 ნუთუ დამსხვრეული და უსარგებლო ქოთანია ეს კაცი, ქონია,არასასურველი ჭურჭელი?!
რატომ არიან ის და მისი შთამომავლები გადაყრილნიდა მოსროლილნი უცხო ქვეყანაში?+
29 დედამიწავ, დედამიწავ, დედამიწავ, ისმინე იეჰოვას სიტყვა!
30 აი, რას ამბობს იეჰოვა:
„ჩაწერეთ ეს კაცი, როგორც უშვილო,კაცი, რომელსაც თავის სიცოცხლეში ხელი არ მოემართება.არც მისი შთამომავლებიდან მოემართება ვინმეს ხელი,დავითის ტახტზე რომ დაჯდეს და იმეფოს იუდაში“».+
სქოლიოები
^ იგივე იეჰოახაზი.
^ იგულისხმება საბეჭდავი ბეჭედი.
^ იგივე იეჰოიაქინი და იექონია.
^ სიტყვასიტყვით — „ცოცხალი ვარ“.
