ოსია 11:1—12
11 „ისრაელი ყმაწვილი რომ იყო, მიყვარდა;+ეგვიპტიდან მოვუხმე ჩემს ძეს.+
2 რაც უფრო მეტად მოუხმობდნენ ისინი* მათ,მით უფრო შორდებოდნენ.+
ბაალის ქანდაკებებს სწირავდნენ მსხვერპლს+
და კერპებს — შესაწირავებს.+
3 სიარული მე ვასწავლე ეფრემს,+ ხელით დამყავდა;+ვერ მიხვდნენ, რომ მე განვკურნე.
4 სიკეთის თოკებით, სიყვარულის თასმებით ვიზიდავდი მათ,+ყბებიდან უღელს ვხსნიდი;ფრთხილად მიმქონდა თითოეულისთვის საჭმელი.
5 ისინი ეგვიპტეში არ დაბრუნდებიან,მაგრამ მათი მეფე ასურეთი იქნება,+
რადგან ჩემთან დაბრუნება არ ისურვეს.+
6 მახვილი გაანადგურებს მის ქალაქებს,+ბოლოს მოუღებს მის ურდულებს
და შთანთქავს მათ მათი ზრახვების გამო.+
7 ღალატისკენ ეწევა გული ჩემს ხალხს.+
ისინი მოუწოდებდნენ, რომ დაბრუნებოდნენ უზენაესს, მაგრამ არავინ გამოხმაურებია.
8 როგორ მიგატოვო, ეფრემ?!+
როგორ გაგიმეტო, ისრაელო?!
ადმასავით როგორ მოგექცე?!
როგორ დაგმართო ის, რაც ცებოიმს დავმართე?!+
გული მომიბრუნდა თქვენკენ,სიბრალულით ავივსე.+
9 არ განვრისხდები,
აღარ გავანადგურებ ეფრემს,+რადგან ღმერთი ვარ და არა ადამიანი,წმინდა ვარ თქვენ შორის;არ გადმოვანთხევ თქვენზე რისხვას.
10 იეჰოვას გაჰყვებიან ისინი; ლომივით დაიღრიალებს ის;+როცა დაიღრიალებს, მისი ძეები დასავლეთიდან კანკალით მოვლენ.+
11 ეგვიპტიდან გამოსულნი ჩიტებივით იფრთხიალებენ,ასურეთიდან გამოსულნი — მტრედებივით;+თავ-თავიანთ სახლებში დავაბინავებ, — ამბობს იეჰოვა.+
12 ეფრემი სიცრუით შემომერტყა გარს,ისრაელი — მზაკვრობით;+
იუდა ჯერ კიდევ ღვთის გზით დადისდა უწმინდესის ერთგულია“.+
სქოლიოები
^ იგულისხმებიან წინასწარმეტყველები და ისრაელის სხვა დამრიგებელნი.
