ოსია 13:1—16
13 „ეფრემი რომ ლაპარაკობდა, ხალხი შიშისაგან კანკალებდა;ის ისრაელში სახელგანთქმული იყო,+
მაგრამ ბაალის+ გამო ბრალი დაედო და მოკვდა.
2 ცოდვას ცოდვას უმატებენ;ვერცხლის ქანდაკებებს აკეთებენ;+ოსტატურად ამზადებენ კერპებს, ყველა მათგანი ხელოსნის ნახელავია.
მათ ეუბნებიან, შემწირველებმა ხბოებს აკოცონო.+
3 ამიტომ ისინი დილის ღრუბელს დაემსგავსებიან,ნამს, რომელიც მალევე ქრება;დაემსგავსებიან კალოდან ატაცებულ ბზესდა საკვამურიდან ასულ კვამლს.
4 ეგვიპტიდან მოყოლებული მე ვარ შენი ღმერთი, იეჰოვა,+ჩემ გარდა სხვა ღმერთს არ იცნობდი;ჩემ გარდა არავინაა მხსნელი.+
5 ვზრუნავდი შენზე უდაბნოში,+ გვალვიან მიწაზე.
6 დაძღნენ თავიანთ საძოვრებზე;+დაძღნენ და გადიდგულდნენ;
ამიტომაც დამივიწყეს.+
7 ლომივით ვიქნები მათთვის;+გზაზე ჩასაფრებული ჯიქივით*;
8 ბელებდაკარგული დათვივით გადავეყრებიდა გულისფიცარს გავუგლეჯ;
ვშთანთქავ ლომივით.მინდვრის მხეცი დაფლეთს მათ.
9 ის მოგსპობს, ისრაელო,რადგან მე, შენს მშველელს, დამიპირისპირდი.
10 სად არის შენი მეფე, რომ დაგიხსნას ყველა შენს ქალაქში?!+სად არიან შენი მმართველები, რომლებზეც მეუბნებოდი,დამიყენე მეფე და მთავრებიო?!+
11 განრისხებულმა მოგეცი მეფე+და განრისხებული წაგართმევ.+
12 შეფუთულია ეფრემის დანაშაული,შენახულია მისი ცოდვა.
13 მშობიარობის ტკივილები დაეწყება მას.
უგუნური შვილია ის;მისი შობის დრო რომ დადგება, არ გამოვა.
14 სამარის* ხელიდან გამოვისყიდი მათ,სიკვდილისგან დავიხსნი.+
სიკვდილო, სად არის შენი ნესტარი?!+
სამარევ, სად არის შენი გამანადგურებელი ძალა?!+
აღარ შეგიბრალებ.
15 ლერწამივითაც რომ აყვავდეს,დაუბერავს აღმოსავლეთის ქარი, იეჰოვას ქარი,უდაბნოდან დაუბერავს, რომ ამოაშროს მისი ჭა და დააშროს მისი წყარო.
ის გაძარცვავს მის საგანძურს.+
16 ბრალი დაედება სამარიას,+ რადგან ეურჩა თავის ღმერთს.+
მახვილით დაიხოცებიან ისინი;+შეუმუსრავენ შვილებსდა გაუფატრავენ ორსულებს“.
