ოსია 4:1—19
4 მოისმინეთ იეჰოვას სიტყვა, ისრაელებო,იეჰოვა ამ მიწის მკვიდრთ სასამართლოში ედავება,+რადგან ამ მიწაზე არც პატიოსნებაა, არც სიყვარული* და არც ცოდნა ღვთის შესახებ.+
2 გავრცელდა ცრუ ფიცი, ტყუილი,+ მკვლელობა,+ქურდობა და მრუშობა,+სისხლის ღვრას ბოლო არ უჩანს.+
3 ამიტომაც იგლოვებს მიწა,+გაქრებიან მისი მკვიდრნი;მინდვრის მხეცებთან და ცის ფრინველებთან ერთადზღვის თევზებიც გაწყდებიან.
4 „ნურავინ შეგედავება და ნურავინ გამხელს,+რადგან შენი ერი მღვდელთან მოდავეს ჰგავს.+
5 წაიბორძიკებ დღისით,შენთან ერთად წინასწარმეტყველიც წაიბორძიკებს, თითქოს ღამე იყოს.
დავადუმებ* დედაშენს.
6 დადუმდება ჩემი ხალხი, რადგან არა აქვს ცოდნა.
რაკი ცოდნა უარყავი,+ მეც უარგყოფ და მღვდლად აღარ მემსახურები;რაკი დაივიწყე ღვთის კანონი,+მეც დავივიწყებ შენს შთამომავლებს.
7 რაც უფრო მრავალრიცხოვანნი ხდებიან, მით უფრო მცოდავენ.+
დიდების ნაცვლად დავამცირებ*.
8 ჩემი ხალხის ცოდვებით იკვებებიან,მათი დანაშაულისკენ მიუწევთ გული.
9 ხალხსაც ის დაემართება, რაც მღვდელს;პასუხს ვაგებინებ მათ საქციელზედა გვერდს ვერ აუვლიან თავიანთი საქციელის შედეგებს.+
10 შეჭამენ, მაგრამ ვერ გაძღებიან.+
იმრუშებენ, მაგრამ ვერ გამრავლდებიან,+რადგან უპატივცემულოდ მოექცნენ იეჰოვას.
11 მრუშობა, ძველი და ახალი ღვინოკაცს სწორის კეთების უნარს ართმევს.+
12 ჩემი ხალხი ხის კერპებს მიმართავს,იმას აკეთებენ, რასაც მკითხავის ჯოხი ეტყვით;მრუშობას გზიდან გადაჰყავს ისინი,მრუშობენ და არ ემორჩილებიან თავიანთ ღმერთს.
13 მთების მწვერვალებზე სწირავენ მსხვერპლს,+გორებზე წვავენ და აბოლებენ შესაწირავს,მუხის, სტირაქსისა და ყველა დიდი ხის ძირში,+რადგან საამოა მათი ჩრდილი.
მრუშობენ თქვენი ასულები,მრუშობენ თქვენი რძლები.
14 არ მოვთხოვ პასუხს თქვენს ასულებს მრუშობისთვის,მრუშობისთვის პასუხს არც თქვენს რძლებს მოვკითხავ;
რადგან კაცები მეძავებთან დადიანდა მსხვერპლს ტაძრის მეძავებთან ერთად სწირავენ.ბოლო მოეღება ამ უმეცარ ხალხს.+
15 ისრაელო, შენ მრუშობ,+და იუდა მაინც დარჩეს უდანაშაულო;+
ნუ წახვალ გილგალში,+ნუ წახვალ ბეთ-ავენში+და ნუ იტყვი, ცოცხალ ღმერთს, იეჰოვას, ვფიცავო!+
16 გაჯიუტდა ისრაელი ჯიუტი ძროხასავით;+
განა დამწყემსავს მას იეჰოვა,როგორც ბატკანს ვრცელ საძოვარზე?!
17 ეფრემი კერპებს მიეკრა.+
თავი დაანებე მას!
18 როცა ლუდი უთავდებათ,მრუშობას იწყებენ.
მის მმართველებს უპატიოსნობა უყვართ.+
19 ქარი შემოხვევს მას თავის ფრთებს.შერცხვებიან თავიანთი შესაწირავების გამო“.
სქოლიოები
^ ებრ. „ხესედ“. იხ. „ურყევი სიყვარული“ („ბიბლიურ სიტყვათა განმარტებანი“).
^ სხვაგვარად — „ბოლოს მოვუღებ“.
^ ან შესაძლოა: „ჩემი დიდება სირცხვილში გაცვალეს“.
