სოფონია 3:1—20
3 ვაი მოჯანყე, უწმინდურ და მჩაგვრელ ქალაქს!+
2 ყურს არავის უგდებდა,+ ჭკუას არ სწავლობდა.+
არ ენდობოდა იეჰოვას,+ არ უახლოვდებოდა თავის ღმერთს.+
3 მისი მთავრები მბრდღვინავი ლომებივით არიან,+
მისი მსაჯულები კი — როგორც მგლები ღამით,დილამდე ძვალიც კი არ რჩებათ სახრავად.
4 მისი წინასწარმეტყველები კადნიერები და ვერაგები არიან.+
მისი მღვდლები ბილწავენ იმას, რაც წმინდაა;+კანონს არღვევენ ისინი.+
5 იეჰოვა მართალია,+ უსამართლოდ არ მოქმედებს.
დილაობით აუწყებს თავის სამართალს,+რომელიც დღის სინათლესავითაა, ყოველ დილით რომ გვევლინება;
უმართლო კი უსირცხვილოა.+
6 „მოვსპე ხალხები, გაპარტახდა მათი კოშკები.
გავანადგურე მათი ქუჩები და აღარ დარჩა გამვლელი.
ნანგრევებად იქცა მათი ქალაქები, კაციშვილი აღარ დარჩა იქ, აღარავინ მკვიდრობს.+
7 ვუთხარი, უნდა გეშინოდეთ ჩემი და უნდა მიიღოთ-მეთქი დარიგება,+
რათა არ განადგურებულიყო მისი სამყოფელი.+ამ ყოველივეს გამო პასუხი უნდა ვაგებინო მას.
თუმცა ისინი უფრო და უფრო მეტ სიბილწეს სჩადიოდნენ.+
8 ამიტომ დამელოდეთ,+ — ამბობს იეჰოვა, —სანამ ნადავლის ხელში ჩასაგდებად წამოვიმართები*,რადგან გადაწყვეტილი მაქვს, რომ შევკრიბო ხალხები და სამეფოები,რათა გადმოვღვარო მათზე ჩემი რისხვა, ჩემი მრისხანება;+ჩემი მოშურნეობის ცეცხლი შთანთქავს მთელ დედამიწას.+
9 მაშინ მივცემ ხალხებს სუფთა ენას,რათა მოუხმონ იეჰოვას სახელსდა ერთსულოვნად ემსახურონ მას.+
10 ეთიოპიის მდინარეთა მხარიდანძღვენს მომართმევენ ჩემი გაფანტულები, რომლებიც ვედრებით მომმართავენ.+
11 იმ დღეს აღარ შერცხვებითთქვენი საქმეების გამო, რითაც მცოდავდით,+
რადგან ამოვძირკვავ თქვენგან ამპარტავანთდა აღარასოდეს გამედიდურდებით ჩემს წმინდა მთაზე.+
12 თავმდაბალ და თვინიერ ხალხს დავტოვებ თქვენში+და ისინი იეჰოვას სახელს შეაფარებენ თავს.
13 ისრაელის დარჩენილი ნაწილი+ უმართლოდ არ მოიქცევა;+არც სიცრუეს ილაპარაკებენ და არც ბოროტი ენა ექნებათ;შეჭამენ, მოისვენებენ და ვერავინ შეაშინებს მათ“.+
14 იყიჟინე, სიონის ასულო!
გახალისდი, ისრაელო!+
მთელი გულით იხარე და იმხიარულე, იერუსალიმის ასულო!+
15 იეჰოვამ აღარ დაგსაჯა,+ უკუაქცია შენი მტერი.+
შენთანაა ისრაელის მეფე, იეჰოვა.+
უბედურების აღარ შეგეშინდება.+
16 იმ დღეს ეტყვიან იერუსალიმს:
„ნუ გეშინია, სიონო!+
ნუ ჩამოყრი ხელებს!
17 იეჰოვა, შენი ღმერთი, შენთანაა.+
ძლიერია ის და გიხსნის.
დიდად გაიხარებს შენით,+
შენდამი სიყვარული კმაყოფილებას მოჰგვრის,
შენით ბედნიერი, სიხარულით შეძახებს.
18 შევკრებ დღესასწაულების გარეშე დარჩენილ დამწუხრებულ ხალხს.+შენგან მოწყვეტილნი იყვნენდა სირცხვილი აწვათ ტვირთად.+
19 მაშინ გავუსწორდები შენს მჩაგვრელთ,+ვიხსნი მას, ვინც კოჭლობდა,+თავს მოვუყრი გაფანტულებს.+
საქებარს გავხდი და სახელს გავუთქვამ
მთელ იმ მიწაზე, სადაც შერცხვენილნი იყვნენ.
20 იმ დროს დაგაბრუნებთ, იმ დროს შეგკრებთ.საქებარს გაგხდით და სახელს გაგითქვამთ+ დედამიწის ყველა ხალხში,დაგაბრუნებთ ტყვეობიდან და ამას საკუთარი თვალით იხილავთ“, — ამბობს იეჰოვა.+
სქოლიოები
^ ან შესაძლოა: „მოწმედ გამოვალ“.
