ფსალმუნები 102:1—28
დაჩაგრულის ლოცვა, სასოწარკვეთილი დარდს რომ უმხელს იეჰოვას.+
102 იეჰოვა, ისმინე ჩემი ლოცვა,+შველას გთხოვ, მოაღწიოს შენამდე ჩემმა ვედრებამ.+
2 პირს ნუ მომარიდებ გაჭირვების ჟამს;+
ყური მომაპყარი,სწრაფად მიპასუხე, როცა მოგიხმობ.+
3 კვამლივით ქრება ჩემი დღეები,იწვის ჩემი ძვლები, თითქოს ცეცხლი მოსდებოდეს.+
4 ბალახივით დაჭკნა და გახმა ჩემი გული;+ჭამის თავიც კი არ მაქვს.
5 ხმამაღლა ვგმინავ,+ძვალი და ტყავიღა დავრჩი.+
6 უდაბნოს ვარხვს დავემსგავსე,ჭოტს ვგავარ, ნანგრევებში დაბუდებულს.
7 თვალი ვერ მომიხუჭავს*,სახურავზე ეულად მჯდომი ჩიტივით ვარ.+
8 ჩემი მტრები მთელი დღე აბუჩად მიგდებენ.+
ჩემი სახელით იწყევლებიან ჩემი დამცინავები.
9 პურივით ვჭამ ნაცარს+და ჩემი სასმელი ცრემლითაა გაზავებული+
10 შენი გულისწყრომისა და რისხვის გამო,რადგან ამიყვანე და მომისროლე.
11 ჩემი დღეები ჩრდილივითაა, სადაცაა რომ გაქრება;+ბალახივით ვხმები.+
12 შენ კი, იეჰოვა, მარადიულად იქნები,+თაობიდან თაობაში გასტანს შენი დიდება.+
13 წამოიმართები და წყალობის თვალით გადმოხედავ სიონს,+რადგან დადგა მისი შეწყალების ჟამი;+მოვიდა დანიშნული დრო!+
14 შენი მსახურებისთვის ძვირფასია მისი ქვები,+მისი მტვერიც კი სანუკვარია მათთვის.+
15 ხალხებს შეეშინდებათ იეჰოვას სახელისდა დედამიწის მეფეებს — შენი დიდების.+
16 იეჰოვა აღადგენს სიონს,+გამოჩნდება იგი თავისი დიდებით.+
17 ის შეისმენს ღატაკის ლოცვას+და არ უკუაგდებს მის მუდარას.+
18 მომავალი თაობისთვის დაიწერა ეს,+რათა ხალხმა, რომელიც დაიბადება, აქოს იაჰი*.
19 თავისი წმინდა სამყოფლიდან,ზეციდან დაჰყურებს+ იეჰოვა დედამიწას,
20 რომ ისმინოს პატიმრის ოხვრა+და გაათავისუფლოს სიკვდილმისჯილნი,+
21 რათა გაცხადდეს იეჰოვას სახელი სიონში+და მისი ქება — იერუსალიმში,
22 როცა ხალხები და სამეფოებიიეჰოვას თაყვანსაცემად შეიკრიბებიან.+
23 ნაადრევად გამომაცალა მან ძალა;დღეები შემიმოკლა.
24 ვთქვი: „ჩემო ღმერთო,ბოლოს ნუ მომიღებ სიცოცხლის შუაგზაზე,შენ, ვინც ყველა თაობაში არსებობ.+
25 დიდი ხნის წინ ჩაუყარე საძირკველი დედამიწას,ზეცა შენი ნახელავია.+
26 ცა და მიწა მოისპობა, შენ კი სამუდამოდ დარჩები;ტანსაცმელივით გაცვდებიან ისინი.
ტანსაცმელივით გამოცვლი მათ, ბოლო მოეღებათ;
27 შენ კი არ იცვლები, შენს წლებს არ ექნება ბოლო!+
28 შენს მსახურთა შვილები უსაფრთხოდ იცხოვრებენ,შენ წინაშე განმტკიცდებიან მათი შთამომავლები“.+
