ფსალმუნები 24:1—10
-
დიდებული მეფე კარიბჭეში შედის.
-
„იეჰოვასია დედამიწა“ (1).
-
დავითის საგალობელი.
24 იეჰოვასია დედამიწა და ყოველივე მასზე არსებული,+მიწა და მისი მკვიდრნი.
2 ზღვებზე დაამყარა ის+და მდინარეებზე დააფუძნა.
3 ვინ ავა იეჰოვას მთაზე+და ვინ დადგება მის წმინდა ადგილზე?
4 ვისაც სუფთა ხელები და სპეტაკი გული აქვს,+ვინც ცრუდ არ მიფიცებს*,ვინც თვალთმაქცურად არ დებს ფიცს.+
5 კურთხეული იქნება იეჰოვასგან+და მართლად ჩაითვლება თავისი ღვთის, თავისი მხსნელის მიერ.+
6 ეს არის თაობა, რომელიც ეძებს მას,შენი წყალობის მაძიებელთა თაობა, იაკობის ღმერთო! (სელა)
7 თავები ასწიეთ, კარიბჭენო,+გაიხსენით, ძველთაძველო ბჭენო,რათა შემობრძანდეს დიდებული მეფე!+
8 ვინ არის ეს დიდებული მეფე?
იეჰოვა — ძლიერი და ძლევამოსილი,+იეჰოვა — ძლიერი მეომარი.+
9 თავები ასწიეთ, კარიბჭენო,+გაიხსენით, ძველთაძველო ბჭენო,რათა შემობრძანდეს დიდებული მეფე!
10 ვინ არის ეს დიდებული მეფე?
ლაშქართა ღმერთი იეჰოვაა დიდებული მეფე!+ (სელა)
სქოლიოები
^ იგულისხმება იეჰოვას სიცოცხლე.
