ფსალმუნები 31:1—24
გუნდის ხელმძღვანელს. დავითის საგალობელი.
31 შენ შეგაფარე თავი, იეჰოვა,+
დაე ნურასდროს შევრცხვები!+
მიხსენი შენი სიმართლის გამო.+
2 ყური მომაპყარი,
იჩქარე ჩემ გადასარჩენად.+
თავშესაფარ კლდედ იქეცი ჩემთვისდა ციხესიმაგრედ, რომ დამიხსნა.+
3 შენა ხარ ჩემი კლდე და ჩემი ციხესიმაგრე;+შენი სახელის გულისთვის+ წამიყვან და წამიძღვები.+
4 შენ გამათავისუფლებ ჩემთვის დაგებული ბადიდან,+რადგან შენა ხარ ჩემი ციხესიმაგრე!+
5 შენს ხელთ გადმომიცია ჩემი სული*.+
შენ გამომისყიდე, იეჰოვა, ჭეშმარიტების ღმერთო*.+
6 მძულს ის, ვინც უსარგებლო კერპებს ეთაყვანება,მე კი იეჰოვაზე ვარ მინდობილი.
7 დიდად გავიხარებ შენი სიკეთით*,რადგან დაინახე ჩემი გაჭირვება;+შენ უწყი, რა მიფორიაქებს სულს.
8 მტრის ხელში არ ჩაგიგდივარ;უსაფრთხო ადგილას დამაყენე.
9 წყალობა მიყავი, იეჰოვა, რადგან გასაჭირი მადგას.
თვალები დამიბინდა მწუხარებამ+ და სხეული დამისუსტა.+
10 ჩემი ცხოვრება მწუხარებითაა მოცული,+ოხვრაში ილევა ჩემი წლები.+
ჩადენილმა დანაშაულმა ძალა გამომაცალადა ძვლები გამომიფიტა.+
11 აბუჩად ამიგდეს მტრებმა,+ყველაზე მეტად გვერდით მყოფნი დამცინიან;
ნაცნობებს ეშინიათ ჩემი,გამირბიან, გარეთ რომ მხედავენ.+
12 გულიდან ამომიგდეს და დამივიწყეს, თითქოსდა მკვდარი ვიყო;დამტვრეულ ჭურჭელს დავემსგავსე.
13 ბოროტი ხმები მომდის,შიშმა მომიცვა.+
იკრიბებიან ჩემ წინააღმდეგდა ბჭობენ, როგორ გამომასალმონ სიცოცხლეს.+
14 მაგრამ მე შენზე ვარ მონდობილი, იეჰოვა,+
ვამბობ: „შენა ხარ ჩემი ღმერთი!“+
15 ჩემი სიცოცხლე შენს ხელთაა;
დამიხსენი ჩემი მტრებისა და მდევნელების ხელიდან.+
16 შენი სახის ნათელი მოაფინე შენს მსახურს+
და მიხსენი შენი სიკეთით*.
17 იეჰოვა, ნუ შემარცხვენ, როცა მოგიხმობ.+
დაე ბოროტები შერცხვნენ+და დადუმდნენ სამარეში*!+
18 დადუმდნენ ცრუდ მოლაპარაკე ბაგეები,+მართალზე ამპარტავნულად და სიძულვილით რომ ლაპარაკობენ.
19 უამრავი კურთხევა* გაქვს+
შენს მოშიშთათვის შემონახული;+ყველა ხედავს, რომ კარგს არ უკავებ შენთან თავშესაფრის მძებნელთ.+
20 შენს სამალავში დამალავ მათ,+რომ დაიცვა ავისმზრახველთაგან;შეიფარებ მათ, რომ მოარიდო ბოროტ ენებს.+
21 დიდება იეჰოვას,რადგან საოცარი სიკეთე*+ მიჩვენა ალყაშემორტყმულ ქალაქში.+
22 შეძრწუნებულმა ვთქვი,
შენ თვალწინ შევიმუსრები-მეთქი,+
მაგრამ შენ ისმინე ჩემი ვედრება, საშველად რომ მოგიხმე.+
23 გიყვარდეთ იეჰოვა, ერთგულნო მისნო!+
იეჰოვა იცავს ერთგულებს,+ამპარტავნებს კი სრულად მიუზღავს.+
24 გამბედაობა მოიკრიბეთ და გული გაიმაგრეთ+ყველამ, ვინც იეჰოვას ელით!+
სქოლიოები
^ ებრ. „რუახ“. იხ. „სული“ („ბიბლიურ სიტყვათა განმარტებანი“).
^ სხვაგვარად — „ერთგულო ღმერთო“.
^ ებრ. „ხესედ“. იხ. „ურყევი სიყვარული“ („ბიბლიურ სიტყვათა განმარტებანი“).
^ ებრ. „ხესედ“. იხ. „ურყევი სიყვარული“ („ბიბლიურ სიტყვათა განმარტებანი“).
^ ებრ. „შეოლ“. იხ. „სამარე“ („ბიბლიურ სიტყვათა განმარტებანი“).
^ იხ. „სიკარგე“ („ბიბლიურ სიტყვათა განმარტებანი“).
^ ებრ. „ხესედ“. იხ. „ურყევი სიყვარული“ („ბიბლიურ სიტყვათა განმარტებანი“).
