ფსალმუნები 94:1—23
94 შურისმაძიებელო ღმერთო, იეჰოვა,+შურისმაძიებელო ღმერთო, გამობრწყინდი!
2 აღდექ, დედამიწის მოსამართლევ!+
საკადრისი მიუზღე ამპარტავნებს.+
3 როდემდე, იეჰოვა,როდემდე უნდა ხარობდნენ ბოროტები?!+
4 უთავბოლოდ და ამპარტავნულად ლაპარაკობენ;ყველა ავისმქნელი საკუთარი თავით ტრაბახობს.
5 შენს ხალხს მუსრავენ, იეჰოვა,+ჩაგრავენ შენს საკუთრებას.
6 ქვრივსა და ხიზანს ხოცავენ,
სიცოცხლეს უსწრაფებენ ობოლს.
7 ამბობენ: ვერ ხედავსო იაჰი*,+ვერ ამჩნევსო იაკობის ღმერთი.+
8 ჩასწვდით ამას, უგუნურებო!უმეცრებო, როდის გამოიჩენთ გამჭრიახობას?!+
9 განა ვერ გაიგონებს ყურის შემქმნელი,
ანდა ვერ დაინახავს თვალის შემოქმედი?!+
10 განა ვერ შეგაგონებთ ერების შემაგონებელი,+
ის, ვინც ცოდნას აძლევს ადამიანებს?!+
11 იეჰოვამ უწყის კაცის ფიქრები,იცის, რომ ერთ ამონასუნთქს ჰგავს ისინი.+
12 იაჰ*, ბედნიერია კაცი, რომელსაც შეცდომაზე მიუთითებ+და რომელსაც შენს კანონს ასწავლი,+
13 რომ მშვიდად ამყოფო გაჭირვების ჟამს,სანამ ორმო ითხრება ბოროტისთვის.+
14 იეჰოვა არ მიატოვებს თავის ხალხს,+არ მიაგდებს თავის საკუთრებას.+
15 კვლავ იზეიმებს სამართალიდა ყველა გულმართალი დაიცავს მას.
16 ვინ აღუდგება წინ ბოროტს ჩემი გულისთვის?
ვინ ამომიდგება მხარში ავისმქნელთა წინააღმდეგ?
17 იეჰოვა რომ არ დამხმარებოდა,მალევე მომეღებოდა ბოლო.+
18 როცა ვთქვი, ფეხი დამიცდება-მეთქი,
იეჰოვა, შენი ურყევი სიყვარულით* განმამტკიცე.+
19 როცა საფიქრალმა მოსვენება დამიკარგა,შენ მანუგეშე და დამამშვიდე.+
20 კავშირს ვერ შეკრავს შენთან ბოროტი მმართველი,საზიანო დადგენილებებს რომ გამოსცემს.+
21 ულმობლად ესხმიან თავს მართალს+და სასიკვდილო განაჩენი გამოაქვთ უდანაშაულოსთვის.+
22 იეჰოვა იქნება ჩემი საიმედო თავშესაფარი;ჩემი ღმერთია ჩემი კლდე, რომელსაც თავს ვაფარებ.+
23 მათვე დაატეხს თავს მათ ბოროტებას.+
მათივე ბოროტებით მოუღებს ბოლოს,
ჩვენი ღმერთი, იეჰოვა, მოუღებს ბოლოს მათ!+
სქოლიოები
^ ღვთის სახელის, იეჰოვას, შემოკლებული ფორმა.
^ ღვთის სახელის, იეჰოვას, შემოკლებული ფორმა.
^ ებრ. „ხესედ“. იხ. „ურყევი სიყვარული“ („ბიბლიურ სიტყვათა განმარტებანი“).
