მატიანე — წიგნი პირველი 26:1—32
26 კარიბჭის მცველთა+ ჯგუფებში შედიოდნენ: კორახელთაგან — კორეს ვაჟი მეშელემია,+ ასაფის შთამომავალი;
2 მეშელემიას პირმშო იყო ზაქარია, მეორე — იედიაელი, მესამე — ზებადია, მეოთხე — იათნიელი,
3 მეხუთე — ელამი, მეექვსე — იეჰოხანანი და მეშვიდე — ელიეჰო-ენაი;
4 ობედ-ედომის პირმშო იყო შემაია, მეორე — იეჰოზაბადი, მესამე — იოახი, მეოთხე — საქარი, მეხუთე — ნეთანელი,
5 მეექვსე — ამიელი, მეშვიდე — ისაქარი და მერვე — ფეულეთაი; ასე აკურთხა ღმერთმა ობედ-ედომი.
6 მის ვაჟ შემაიას ჰყავდა ვაჟები, რომლებიც თავიანთ შტოებს განაგებდნენ, რადგან ძლიერი და უნარიანი კაცები იყვნენ.
7 შემაიას ვაჟები იყვნენ: ოთნი, რეფაელი, ობედი და ელზაბადი; მისი ძმები, ელიჰუ და სემაქიაც, უნარიანი კაცები იყვნენ.
8 ყველანი ობედ-ედომის შთამომავლები იყვნენ; ისინი, მათი ვაჟები და მათი ძმები მსახურებისთვის გამოსადეგი უნარიანი კაცები იყვნენ; მათი რიცხვი 62-ს შეადგენდა.
9 მეშელემიასაც+ ჰყავდა ვაჟები და ძმები, 18 უნარიანი კაცი.
10 მერარის შთამომავალ ხოსას ვაჟები იყვნენ: თავკაცი შიმრი, რომელიც მართალია, პირმშო არ იყო, მაგრამ მამამისმა თავკაცად დანიშნა,
11 მეორე — ხილკია, მესამე — ტებალია და მეოთხე — ზაქარია. ხოსას ვაჟები და ძმები სულ 13 იყვნენ.
12 კარიბჭის მცველთა ამ ჯგუფების თავკაცებსაც თავიანთი მოძმეების მსგავსად იეჰოვას სახლში მსახურება ევალებოდათ.
13 დიდმა თუ მცირე შტოებმა ერთნაირად ყარეს წილი+ კარიბჭეების გასანაწილებლად.
14 აღმოსავლეთი მხარე წილად ხვდა შელემიას; მათ წილი უყარეს მის ვაჟ ზაქარიას, გონიერ მრჩეველს, და მას ჩრდილოეთი მხარე ხვდა წილად.
15 სამხრეთი მხარე ობედ-ედომს ერგო; მის ვაჟებს+ საკუჭნაოები ჩაჰბარდათ.
16 შუფიმსა და ხოსას+ დასავლეთი მხარე ერგოთ შალეხეთის კარიბჭესთან ახლოს, ზევით ამავალ გზასთან; დარაჯთა ჯგუფები იქ ერთმანეთის პირისპირ იდგნენ.
17 აღმოსავლეთით ექვსი ლევიანი იდგა, ჩრდილოეთით და სამხრეთით ყოველდღე — ოთხ-ოთხი, საწყობებთან+ კი — ორ-ორი,
18 დასავლეთით, სადაც სვეტებიანი ნაგებობაა, გზაზე ოთხნი იდგნენ,+ უშუალოდ სვეტებიან ნაგებობასთან კი — ორნი.
19 ასე იყვნენ დაჯგუფებული კორახელი და მერარელი კარიბჭის მცველები.
20 ლევიანთაგან ახიას ებარა ღვთის სახლის საგანძური და განწმენდილი* ნივთების საგანძური.+
21 ლადანის შთამომავალთაგან იყვნენ: გერშონელები ლადანის ხაზით, ანუ გერშონელი ლადანის შტოთა თავკაცები — იეხიელი+
22 და მისი ვაჟები, ზეთამი და მისი ძმა იოელი, რომლებსაც იეჰოვას სახლის საგანძური ებარათ.+
23 ამრამელთაგან, იცჰარელთაგან, ხებრონელთაგან და უზიელელთაგან+
24 იყო შებუელი*, მოსეს ვაჟ გერშომის ძე, რომელსაც საწყობები ებარა;
25 მისი მოძმეები, ელიეზერის+ შთამომავლები, იყვნენ რეხაბია,+ იეშაია, იორამი, ზიქრი და შელომოთი.
26 შელომოთსა და მის ძმებს ებარათ მთელი საგანძური იმ ნივთებისა,+ რომლებიც მეფე დავითმა,+ შტოთა თავკაცებმა,+ ათასისთავებმა, ასისთავებმა და ჯარის მეთაურებმა განწმინდეს.
27 მათ იეჰოვას სახლისთვის განწმინდეს ნივთები,+ რომლებიც ომების+ დროს ჩაიგდეს ხელში;
28 შელომითსა* და მის ძმებს ის ნივთებიც ებარათ, რომლებიც სამუელ წინასწარმხილველმა,+ კიშის ვაჟმა საულმა, ნერის ვაჟმა აბნერმა+ და ცერუიას+ ვაჟმა იოაბმა+ განწმინდეს. ყველაფერი, რაც კი ვინმეს განეწმინდა, მათ ებარათ.
29 იცჰარელთაგან+ ქენანია და მისი ვაჟები მსახურობდნენ ღვთის სახლის გარეთ — ისინი მთავრები და მოსამართლეები+ იყვნენ ისრაელში.
30 ხებრონის+ შთამომავალთაგან ხაშაბია და მისი მოძმენი, სულ 1 700 უნარიანი კაცი, იყვნენ გამწესებული იეჰოვასა და მეფის საქმის აღმსრულებლებად ისრაელში, იორდანის დასავლეთ მხარეში.
31 ხებრონელთაგან იერიია+ იყო ხებრონის შთამომავალთა შტოების თავკაცი. დავითის მეფობის მე-40 წელს+ გამოიკითხეს და მათ შორის იპოვეს მამაცი, უნარიანი ვაჟკაცები გალაადის იაზერში.+
32 მისი მოძმეები, უნარიანი კაცები, შტოთა თავკაცები, სულ 2 700 იყვნენ. მეფე დავითმა ისინი დაუნიშნა რეუბენელებს, გადელებსა და მენაშეს ტომის ნახევარს ღვთისა და მეფის საქმის შემსრულებლებად.
სქოლიოები
^ სხვაგვარად — „მიძღვნილი“.
^ სავარაუდოდ, იგულისხმება შებუელის შტო.
^ იგივე შელომოთი (1 მტ. 26:25, 26).