სამუელი — წიგნი მეორე 21:1—22
21 ზედიზედ სამი წელი შიმშილობა+ იყო დავითის დროს; დაეკითხა დავითი იეჰოვას. იეჰოვამ უთხრა: „სისხლის ღვრაშია დამნაშავე საული და მისი სახლეულობა, რადგან დახოცა მან გაბაონელები“.+
2 მოუხმო მეფემ გაბაონელებს+ და ელაპარაკა (გაბაონელები არ იყვნენ ისრაელები, ისინი ის ამორეველები+ იყვნენ, რომელთათვისაც ისრაელებს ფიცით ჰქონდათ აღთქმული, ცოცხლებს დაგტოვებთო.+ მაგრამ საული ვერ ეგუებოდა, რომ ისინი ისრაელებთან და იუდეველებთან ერთად ცხოვრობდნენ და მათ გაწყვეტას ცდილობდა).
3 ჰკითხა დავითმა გაბაონელებს: „რა გაგიკეთოთ, რით გამოვისყიდო დანაშაული, რომ დალოცოთ იეჰოვას სამკვიდრო?“
4 გაბაონელებმა მიუგეს: „ვერც ოქრო და ვერც ვერცხლი ვერ გამოისყიდის+ საულისა და მისი სახლეულობის დანაშაულს, არც ვინმეს მოკვლის უფლება გვაქვს ისრაელში!“ მან უთხრა: „რასაც მეტყვით, იმას გავაკეთებ!“
5 მიუგეს მათ მეფეს: „ვინც გვანადგურებდა და ვისაც ჩვენი გადაშენება ჰქონდა განზრახული ისრაელში,+
6 მისი ვაჟებიდან გადმოგვეცით შვიდი კაცი. დავხოცავთ და მათ გვამებს იეჰოვას წინაშე ჩამოვკიდებთ+ გიბაში,+ საიდანაც იეჰოვას რჩეული საული იყო“.+ მეფეც დასთანხმდა მათ და უთხრა, გადმოგცემთო.
7 შეებრალა მეფეს მეფიბოშეთი,+ საულის ვაჟის, იონათანის, ვაჟი, იმ ფიცის გამო, რომელიც დავითსა და საულის ვაჟ იონათანს+ ჰქონდათ დადებული იეჰოვას წინაშე.
8 წამოიყვანა მეფემ არმონი და მეფიბოშეთი, აიას ასულ რიცფას+ ორი ვაჟი, რომლებიც მან საულს გაუჩინა, და საულის ასულის, მიქალის*,+ ხუთი ვაჟი, რომლებიც მან მეჰოლათელ ბარზილაის ვაჟს, ადრიელს,+ გაუჩინა.
9 გადასცა ისინი გაბაონელებს და მათაც ჩამოკიდეს მათი გვამები მთაზე იეჰოვას წინაშე.+ შვიდივე ერთად მოკლეს მკის დასაწყისში; მაშინ ქერის მკა იწყებოდა.
10 რიცფამ,+ აიას ასულმა, აიღო ჯვალო, დაიფინა კლდეზე და დარაჯობდა ცხედრებს მკის დაწყებიდან მანამდე, სანამ არ გაწვიმდა; დღისით ცის ფრინველებს არ აკარებდა, ღამით კი — მინდვრის მხეცებს.
11 შეატყობინეს დავითს, რაც საულის ხარჭამ, აიას ასულმა რიცფამ, გააკეთა.
12 წავიდა დავითი და წამოიღო საულისა და მისი ვაჟის, იონათანის, ძვლები იაბეშ-გალაადელი+ თავკაცებისგან*, რომლებმაც მათი ცხედრები ბეთ-შანის მოედნიდან მოიპარეს. ცხედრები იქ ფილისტიმელებმა ჩამოკიდეს მას შემდეგ, რაც გილბოაში+ მოკლეს საული.
13 წამოიღო იქიდან საულისა და მისი ვაჟის, იონათანის, ძვლები; შეაგროვეს სიკვდილით დასჯილთა ძვლებიც.+
14 საულისა და მისი ვაჟის, იონათანის, ძვლები ბენიამინის მიწაზე ცელაში,+ მამამისის, კიშის,+ სამარხში დამარხეს. მას შემდეგ, რაც ყველაფერი მეფის ბრძანებისამებრ გააკეთეს, ღმერთმა შეისმინა მათი ვედრება და შეიწყალა ქვეყანა.+
15 კვლავ გამოვიდნენ ფილისტიმელები ისრაელების წინააღმდეგ.+ წავიდნენ დავითი და მისი მსახურები და შეებრძოლნენ ფილისტიმელებს, მაგრამ დაიქანცა დავითი.
16 იშბი-ბენობმა, ერთ-ერთმა რეფაიმმა,+ რომელიც 300-შეკელიანი*+ სპილენძის შუბითა და ახალი მახვილით იყო შეიარაღებული, დავითის მოკვლა განიზრახა,
17 მაგრამ მიეშველა+ მას ცერუიას ვაჟი აბიშაი+ და მოკლა ფილისტიმელი. დააფიცა დავითს მისმა ხალხმა: „აღარ გამოხვიდე საბრძოლველად,+ რომ არ ჩააქრო ისრაელის ლამპარი!“+
18 ამის შემდეგ კვლავ გაჩაღდა ბრძოლა ისრაელებსა და ფილისტიმელებს+ შორის გობში; მაშინ ხუშელმა სიბექაიმ+ მოკლა საფი, ერთ-ერთი რეფაიმი.+
19 კიდევ ერთი ბრძოლა გაჩაღდა გობში ფილისტიმელებსა+ და ისრაელებს შორის; მაშინ ბეთლემელი იაარე-ორეგიმის ვაჟმა ელხანანმა მოკლა გათელი გოლიათი, რომლის შუბის ტარი ლილვის* სისხო იყო.+
20 კვლავ გაიმართა ომი გათში. იქ იყო ერთი ბუმბერაზი, რომელსაც ხელ-ფეხზე ექვს-ექვსი თითი ჰქონდა — სულ 24. ისიც რეფაიმი იყო.+
21 დასცინოდა ის ისრაელს,+ ამიტომ იონათანმა, დავითის ძმის, შიმეის,+ ვაჟმა, მოკლა იგი.
22 ეს ოთხი რეფაიმი ცხოვრობდა გათში, რომლებიც დავითმა და მისმა მსახურებმა დახოცეს.+
სქოლიოები
^ ან შესაძლოა: „მერაბის“.
^ ან შესაძლოა: „მიწათმფლობელებისგან“.
^ დაახლ. 3,5 კგ. იხ. დანართი ბ14.
^ საქსოვი დაზგის ნაწილი, მრგვალი ხე.
