სამუელი — წიგნი მეორე 8:1—18
8 გავიდა დრო და დაამარცხა დავითმა ფილისტიმელები,+ დაიმორჩილა ისინი+ და წაართვა მეთეგ-ამა.
2 დაამარცხა მოაბელებიც+ და მიწაზე დააწვინა ისინი, რომ თოკით გადაეზომა, რათა მათგან ორი მესამედი დაეხოცა, ერთი მესამედი კი ცოცხალი დაეტოვებინა;+ მოაბელები დავითის მსახურები და მოხარკეები გახდნენ.+
3 დავითმა ჰადადეზერიც დაამარცხა, ცობის+ მეფის, რეხობის, ვაჟი, რომელიც მდინარე ევფრატისკენ+ მიდიოდა იმ მხარეში ძალაუფლების დასაბრუნებლად.
4 დაატყვევა დავითმა მისი 1 700 მხედარი და 20 000 ქვეითი; მყესები გადაუჭრა ეტლის ცხენებს, მხოლოდ 100 ცხენი+ დატოვა უვნებელი.
5 როცა დამასკოელი სირიელები+ ცობის მეფე ჰადადეზერის დასახმარებლად მივიდნენ, დავითმა 22 000 სირიელი მოკლა.+
6 ჯარი ჩააყენა დავითმა სირიაში, დამასკოში, და სირიელებიც დავითის მსახურნი და მოხარკენი გახდნენ. სადაც კი მიდიოდა დავითი, ყველგან ამარჯვებინებდა იეჰოვა.+
7 წამოიღო დავითმა ჰადადეზერის მსახურთა ოქროს მრგვალი ფარები და იერუსალიმში ჩაიტანა,+
8 ხოლო ჰადადეზერის ქალაქებიდან, ბეტახიდან და ბეროთაიდან, დიდძალი სპილენძი წამოიღო.
9 გაიგო თოიმ, ხამათის+ მეფემ, რომ დაამარცხა დავითმა ჰადადეზერის+ მთელი ლაშქარი,
10 და გაგზავნა თოიმ დავით მეფესთან თავისი ვაჟი იორამი მოსაკითხად და ჰადადეზერთან ბრძოლაში გამარჯვების მისალოცად (მანამდე არაერთი ბრძოლა გაემართა ჰადადეზერს თოისთან). მას თან ჰქონდა ვერცხლის, ოქროსა და სპილენძის ნივთები.
11 ესენიც შესწირა მეფე დავითმა იეჰოვას იმ ოქრო-ვერცხლთან ერთად, რომელიც მანამდე დამორჩილებული ერებისთვის წაერთმია:+
12 სირიელებისთვის, მოაბელებისთვის,+ ამონელებისთვის, ფილისტიმელებისთვის,+ ამალეკელებისთვის+ და ცობის მეფე რეხობის ვაჟისთვის, ჰადადეზერისთვის.+
13 დავითმა იმითაც გაითქვა სახელი, რომ მარილოვან ველზე 18 000 ედომელი დაამარცხა.+
14 მან ჯარიც ჩააყენა ედომში. მთელ ედომში ჯარი ჰყავდა ჩაყენებული; ედომელები დავითის მსახურები გახდნენ.+ სადაც კი მიდიოდა დავითი, ყველგან ამარჯვებინებდა იეჰოვა.+
15 მთელ ისრაელზე მეფობდა დავითი+ და სამართლიანად განაგებდა+ თავის ხალხს.+
16 ცერუიას ვაჟი იოაბი+ მხედართმთავარი იყო, ახილუდის ვაჟი იეჰოშაფატი+ კი — მემატიანე.
17 ახიტუბის ვაჟი ცადოკი+ და აბიათარის ვაჟი ახიმელექი მღვდლები იყვნენ, სერაია კი მწერალი იყო.
18 იეჰოიადას ვაჟი ბენაია+ ქერეთელებსა და ფელეთელებს+ მეთაურობდა, დავითის ვაჟები კი მთავრები გახდნენ.
